BIEPHUAH 12:9 - Mara Bible RV (BSI)

⁹ Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 12:9 ပူးပေါင်းရင်းမြစ်များ

ÂTHAONA 3:1

Zehôvâh Khazohpa ta râhsa a taopa zydua hry liata parih cha so piehpie chai ta. Parih ta chanô hnohta, “Khazohpa ta ‘Sadô liata tho thei kheihawhpa hmahta nama nie awpa châ vei’ a cha tah tlai ei ma?” tah ta.

ÂTHAONA 3:13

Zehôvâh Khazohpa ta chanô hnohta, “Khazia he hmo he na tao?” tah ta. Chanô ta, “Parih ta na dôvei ta, ei nie haw,” tah ta.

1 THÂTIHZYRONA 21:1

Sâtâ ta Izarei a dyuh awpa ta thyu ta, Izarei maluhpi rei awpa ta Dâvi cha reipasao ta.

2 THÂTIHZYRONA 18:21

Thlahpa chata, ‘Vawh aw na ta, a hrohsopa zydua pakah liata thlahpa haih thaipa ei kei châ aw,’ tah ta. Abeipa ta, ‘Kei reipasao aw chi ta, na pahnie aw. Vawh la, cha hawhna chata kei tao teh,’ tah ta.

HLAZY 109:6

Leihtuhpa a dyuh awpa ta chyhsa moleipa rao la, Leihtuhpa cha a chachâh lâta a duah mawh sy.

ISAI 14:12

“Hy Deiva Awhsi, My khihdei sawchapawpa, Avâ tawhta dia na za tla haw! Hy râhzy a panawhtuhpa, Alei taihta chhawh pathlapa ta dia na y haw!

ISAI 27:1

Cha noh liata, Abeipa ta a zaozi laipa, tiahpa nata thatlôpa hmâpa ta, Leviathâ parihpi a chakhao ngâpa cha a hrie aw. Leviathâ parihpi a pakipa cha hrie aw ta, tilaipi liata parihpi a ypa cha a thie aw.

ISAI 65:25

Changie nata mietakutaw zy Hmaohkha ta ama tlaih aw; Chakeibarôhneipa cha, Viahchao tôhpa hawhta sâhkô bâ aw ta, Dohlei cha parih pati a châ aw. Ei tlâh pathaihpa liata cha, A pasasa khao leipa aw ei ta, A parao khao aw veih ei,” Abeipa ta a tah.

EZEKIA 28:16

Na sôhpaliena hluh ngaitapa hry liata, Nôchhiena ta bie chi ta, Na molei haw. Chavâta apuapa hawhta Khazohpa tlâh tawhta ei cha thy haw; Hy vaituhpa cherubi y, Meilôzy hry tawhta ei cha pahleipadia haw.

MATHAI 13:39

âmo a hietuhpa chariahpa cha ahripa a châ. Sâh hria daihti cha daihti chhâna châ ta, hriatuhpazy cha vâlyuhchâpazy ama châ.

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 4:1

Cha khai tawhta Zisu cha ahripa ta a reipasao awpa ta, Thlahpa ta râhchawhpa lâ a chhi ta.

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

MATHAI 4:5

Cha khai tawhta, ahripa ta khihpi pathaihpa lâ a chhi ta, Achhyna o laki pazaopa liata soh ta,

MATHAI 4:8

Ahripa ta tlâh sâh ngaitapa lâ a chhi heih ta, khizaw khinarâh zydua nata ama rônahna zydua pamosa ta.

LUKA 10:18

Zisu ta ama hnohta, “Dôhla pathliepa hawhta Sâtâ avâ tawhta a za tlapa ei hmô.

LUKA 13:16

He chanô, Abarahâ sawchanô, Sâtâ ta kô hrawh hleicharie a chahry hapa he, Pahânoh chhao rai châ sala, pathlâ awpa cha tao hialia awpa châ vei ma?” tah ta.

LUKA 22:3

Pahrawh hleinozy hry liata a hlaopa Zudâh Iskari ama tahpa chhôh liata Sâtâ a ngia ta.

LUKA 22:31

“Saimaw, Saimaw, pachâ teh, Sâtâ ta sâh chanei ta a cha chanei thei nawpa ta, cha hnei awpa a khoh.

LUKA 8:12

Lâpi liata a tlapazy cha bie a theipazy châ ei ta, ahripa a vy ta, a ngiapâ leipa ei sala pachha ama châ thei lei nawpa ta, ama palôh liata bie a ypa cha a lapa ha ei.

ZAWHÂNA 12:31

Tahmâ he khizaw pachiana daihti châ ta, tahmâ he khizaw bei cha thypa a châ aw.

ZAWHÂNA 14:30

He tawhta la nama hnohta bie reih hluh thei khao aw va na, khizaw ryureituhpa a vy tlôh aw ta. Ei chô liata biehnei taraw vei,

ZAWHÂNA 16:11

Pachiana kyh liata ama thaileichâna cha, khizaw ryureituhpa he a thâtih pachiapa a châ hapa vâta a châ.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

HMOTAOPAZY 5:3

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

RAWMA 16:20

Thlalôhna Khazohpa ta Sâtâ cha nama phei ry liata a tlysao patoh aw. Eima Beipa Zisu Krista ngiachhiena nama hnohta y mawh sy.

2 KAWRINI 11:14

Cha cha noâhchhihpa châ vei, Sâtâ chhao ta khaihna vâlyuhchâpa hawhta anosasyh ta â tao tyh.

2 KAWRINI 11:3

Parih ta piehpiepa ta Evâ a dôveipa hawhta, Krista châta nama ngâchhihna nata pathaihna tawhta nama palôhzy a chhi chheipa ta y pathlei lah ei chi tahpa ei chi kaw.

2 KAWRINI 12:7

Aluahna rônah ngaitapa ei hmôpazy vâta ei palai tu pathlei lei nawpa ta, ei pôhpa liata ahloh piepa ei châ. Cha ahloh cha, ei palai tu pathlei lei nawpa ta, ei pôhpa liata pasana na pie awpa ta Sâtâ lyuhchâpa a châ.

2 KAWRINI 2:11

Chataleipatala Sâtâ ta miah a pahnie pathlei aw. Sâtâ hmochhuahpa pahno leipa ta y ma pi.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

EPHESI 4:14

Chatanachata chyhsa so piehpiena nata dôthaina hmotaopa tichatlaopazy ta hao lâ he lâ a chatlaopa nata pachuna ziza to ta a phao pahaipa hawtipa châ khao aw ma pi.

2 THYSALAWNIKA 2:3

Ahy hmahta kheihawhta hmah cha dôvei khah ei sy. Paosaina a vaw tlô ha tua leipa nata ryhpa paraotuhpa leidia sawchapawpa â vaw luah tua leipa ta cha, cha Noh cha vaw tlô aw vei.

1 TIMAWTHY 2:14

Âdâh kha dôpa ta y leipa ta, chanô kha dôpa ta y ta, paraona liata a paopa kha a châ.

2 TIMAWTHY 3:13

Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

1 ZAWHÂNA 5:19

Keimo cha Khazohpa tawhtapa châ pi ta, khizaw pôhpalôhpa he Sâtâ rei sai ta a y tahpa eima pahno.

ZUDÂH 1:9

Vâlyuhchâpa chônôchaipa Mikaila tlai chhao khata, Mawsi ri kyh liata ahripa nata a chhu ei ta, ahripa â dyuh nona kha, reipachhiena pachiana bie phuah leipa ta, “Abeipa ta cha ra mawh sy,” tlao a tah.

BIEPHUAH 12:12

Chavâta Hy avâzy nata a chhôh liata a pahrâpazy saih u, a ly teh u! Nâmo, alei nata tilaipi deikua cha, nama hu a po na! Ahripa ta daihti chyuta dei a hnei tahpa a pahnopa vâta, hiehâh ngaitapa ta nâmo lâ za chô ha tlôh ta,” tah ta.

BIEPHUAH 12:3

Ngiana hropa avâ liata a vaw lâ heih ta. Drâkao saihpa lai ngaitapa, luh miasari nata ki hrawh a hneipa, a luhzy liata lakho miasari a khopa vaw y ta.

BIEPHUAH 12:7

Chatawhcha vârâh liata adyuhna vaw y ta. Mikaila nata a vâlyuhchâpazy ta drâkao cha a dyuh ei ta. Drâkao nata a vâlyuhchâpazy chhaota a vaw dyuh palie hra ei ta.

BIEPHUAH 12:8

Châhrasala drâkao cha pahniepa châ ha ta, vârâh liata ama châta su y khao vei.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 16:14

Chazy cha ahripa thlahpazy châ ei ta, hmonoâhpa a tao tyhpazy ama châ. Khizaw bei zydua lâta sie ei ta, Khazohpa Atotaotheipa noh rônahpa liata adyuhna châta beizy cha ama awpakhy.

BIEPHUAH 18:2

Vâlyuhchâpa chata ao thatlô ngaitapa ta, “A pao haw, Babylaw rônahpa a pao haw! Ahripazy pahrâna, Thlahpa puapa to ahrâhna, Pavaw puapa to pahrâna, Hmo puapa nata pasichhihpa to atohna Khihpi lâta â lie haw.

BIEPHUAH 18:23

Meiôh khaihna chhao, Na chhôh liata khaih khao aw vei. Myuhneituhpa ao nata myuh aozy chhao, Na chhôh liata theipa châ khao aw vei. Na sôhpalietuhpazy cha, Lei chyhsa rônahpazy châ ei ta, Na dyuthaina ta phopi zydua dôveipa ta ama y.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.

BIEPHUAH 2:13

“‘Na pahrâna, Sâtâ beidyuchhai yna ei pahno. Châhrasala ei moh khâchâ patu chi ta, ei bie pahnotuhpa ei chyhsa ngâchhihpa Antipâ kha, Sâtâ pahrâna liata nama hry liata ama thie nona khata, einâ ngiapâna chi a paphasai va chi.

BIEPHUAH 2:24

Nâmo, Thiatirâ liata a ypa mohropazy, Zezebel pachuna a pyh leipa ta, Sâtâ hmo athupa ama tahpa kyh a chu leipazy deikua cha, ei cha chho ei. Nâmo la phaohri hropa khâpa hmah cha pahnieh thlu aw veih ei na.

BIEPHUAH 2:9

“‘Na pasataozie nata na dyhchhiezie zy ei pahno. Châhrasala hneirôhpa na châ. Zu hmeiseihpa châ tlôh leipa ta Zu â tahpa, Sâtâ pakhyna o a châpazy ta ama cha reipachhiena chhao ei pahno.

BIEPHUAH 20:10

Âmo dôveituhpa ahripa cha, sahrâhpa nata hrohso pakheipa yna mei nata kaih tipo liata thypa châ ta, chhô nah zâ ta chhâzaw nata tlyzaw ta pasa pataosapa a châ aw.

BIEPHUAH 20:8

alei ki palih liata phopizy dôvei awpa ta pua aw ta, Kawkâ nata Makawkâ zy cha adyuhna châta a awpakhy aw. Ama maluh hluhzie cha tilaipi liata sadi hawhta a châ.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.

BIEPHUAH 9:1

Chatawhcha vâlyuhchâpa papangawhna ta a chiahmie vaw tô ta, awhsi avâ tawhta alei lâ a tlapa hmô na ta, leichiepa khaohtlô pahyna châhbi a hnohta piepa châ ta.

BIEPHUAH 9:20

Khizaw chyhsa hropa, cha potlanazy ta a thie leipazy ta ama ku ta taopazy amâ chhypa tawhta ro khoh to veih ei. A hmô thei leipa, a thei thei leipa nata a sie thei leipa ngôh nothlahpa, tâkâ nothlahpa, dawh nothlahpa, alô nothlahpa nata tho nothlahpa achhyna nata ahripazy achhyna bâsai hlei veih ei.