BIEPHUAH 12:3 - Mara Bible RV (BSI)

³ Ngiana hropa avâ liata a vaw lâ heih ta. Drâkao saihpa lai ngaitapa, luh miasari nata ki hrawh a hneipa, a luhzy liata lakho miasari a khopa vaw y ta.

BIEPHUAH 12:3 ပူးပေါင်းရင်းမြစ်များ

ISAI 27:1

Cha noh liata, Abeipa ta a zaozi laipa, tiahpa nata thatlôpa hmâpa ta, Leviathâ parihpi a chakhao ngâpa cha a hrie aw. Leviathâ parihpi a pakipa cha hrie aw ta, tilaipi liata parihpi a ypa cha a thie aw.

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

ISAI 9:15

Luh cha machâ nata zachhihpa chyhsa châ ta, Chaolahmei cha haipa biezy a pachu tyhpa hrohsopa a châ.

DÂNIAH 2:41

A pheipazahzy nata pheiparozy cha thokha beihvituhpa beihlei ta taopa nata thokha thua ta taopa na hmôpa hawhta, cha khinarâh cha pachhaih pazaoh khaipa khinarâh châ aw ta, thua nata beihlei naipa a pahlaopa na hmôpa hawhta, thua hawhta pachyupazy ama y aw.

DÂNIAH 2:42

A pheiparozy cha thokha thua, thokha beihlei a châpa hawhta, cha khinarâh cha su thokha liata a thatlô aw ta, su thokha liata cha a dadieh aw.

DÂNIAH 7:20

A luh liata ki miahrawhpazy kyh nata, ki hropa kaw thao ta, a hmiakô liata ki thôhpazy ama tlo hapa kyh zy, mo a hneipa ki nata a palaina bie a reihpa pakah kyh nata ki hropazy hlâta lai viapa ta â lâpa ki kyh chhao kha pahno khoh kaw na ta.

DÂNIAH 7:24

“‘Ki hrawhpazy kyh liata hetana heta a tah: He khinarâh tawhta bei hrawh vaw pua aw ei ta, Âmo hnôh lâta bei hropa a vaw pua aw; Bei tuapazy nata a nano aw ta, Bei pathôhpazy cha a panawh aw ei.

BIEPHUAH 12:1

Chatawhcha ngiana rônahpa avâ liata a vaw lâ ta. Chanô pakha, noh ta a tobi ta, a phei ry liata thlâpâ y ta, awhsi miahrawh hleino ta taopa lakho a khopa vaw y ta.

BIEPHUAH 12:13

Drâkao ta alei lâ thy pathlahpa a châpa a hmô nahta, sawchapaw a satuhpa chanô cha a chadai ta.

BIEPHUAH 12:17

Chavâta drâkao cha chanô chô liata a hiehâh ngaita ta, chanô pathla laibâhpa, Khazohpa biepiepazy a zyhpa nata Zisu bie a pyhpazy a dyuh awpa ta pua ta.

BIEPHUAH 12:4

A chaolahmei ta avâ liata awhsi su thôh su kha a daophi pathlah ta, alei lâ za thy ta. Chanô saw cha a vaw pihpata nahta a palâ thei nawpa ta, drâkao cha chanô nawh a zeihpa hmiakô liana cha a duah thlâh ha ta.

BIEPHUAH 12:7

Chatawhcha vârâh liata adyuhna vaw y ta. Mikaila nata a vâlyuhchâpazy ta drâkao cha a dyuh ei ta. Drâkao nata a vâlyuhchâpazy chhaota a vaw dyuh palie hra ei ta.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 13:1

Chatawhcha sahrâhpa, ki hrawh nata luh sari a hneipa, tilaipi tawhta a kaw puapa hmô na ta. A kizy liata beilakho miahrawh y ta, a luhzy liata Khazohpa reipachhiena mohzy a y.

BIEPHUAH 13:2

Sahrâhpa ei hmôpa cha keichhoh lyu ta, a pheizy chavyh phei lyu ta, a pakah cha chakeibarôhneipa pakah a lyu. Sahrâhpa hnohna chata Drâkao ta a hmotaotheina, a beidyuchhai nata biehneina lai ngaitapa pie ta.

BIEPHUAH 13:4

Sahrâhpa hnohta a biehneina a piepa vâta, drâkao cha a chhy ei ta. Sahrâhpa chhao cha a chhy ei ta, “Sahrâhpa hawhpa he ahy y, ahy a dyuh thei aw?” tah ei ta.

BIEPHUAH 15:1

Chatawhcha avâ liata ngiana hropa, ngiana rônahpa nata noâhchhihpa hmô na ta. Cha cha vâlyuhchâpa pasari nata potlana miasari a châ. Cha potlanazy cha potlana hnôhchaipazy a châ. Cha potlanazy liata Khazohpa hiehâhna cha a chhâ haw.

BIEPHUAH 16:13

Chatawhcha drâkao nata sahrâhpa nata hrohso pakheipa pakahzy tawhta cha-u a lyupa thlahpa puapa pathôh ama vaw puapa hmô na ta.

BIEPHUAH 17:12

Ki hrawh na hmôpazy kha bei pahrawh châ ei ta, anodeikua khinarâh a hnei mâh leipazy ama châ. Châhrasala beizy hawhta dawh kha chhôh sahrâhpa nata hmaohkha ta biehneina ama to aw.

BIEPHUAH 17:16

Sahrâhpa nata ki hrawh na hmôpazy khata âzuahnô cha amâ hao aw. Roryhrapa nata thluahruapa ta tao aw ei ta, a sa nie aw ei ta, mei ta ama raosao aw.

BIEPHUAH 17:7

Châhrasala vâlyuhchâpa ta ei hnohta, “Khazia na no a âh? Kha chanô nata a phaohtuhpa sahrâhpa, luh sari nata ki hrawh a hneipa kyh bienyupa ei cha chho aw.

BIEPHUAH 19:12

A mokhaohzy cha meipaleih lyu ta, a luh liata lakho hluhpi a kho ta, moh ropa, ano dei leipa ta ahy hmah ama pahno leipa a hnei.

BIEPHUAH 20:2

Drâkao parih hlôpa, ahripa nata Sâtâ cha patu ta, kô sâh kha châta chahry ta.