BIEPHUAH 12:2 - Mara Bible RV (BSI)

² Chanô cha saw phaoh ta, saw zeih pasapa nata saw sa riethei taopa vâta thata cha ta.

BIEPHUAH 12:2 ပူးပေါင်းရင်းမြစ်များ

ISAI 26:17

Chanô saw phaohpa nawh hnei chy ta, Sawzeih pasapa ta a taikalô ta, A awhsâhpa hawhta, Hy Abeipa, keimo chhao, Nâma vâta sawzeih pasa eima tao.

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

ISAI 54:1

“Hy chanô chohpa, Nâ, saw a sa beih leipa y, Hla sa la; Nâ, nawh a zeih beih lei nô y, Hla sapa ta awh teh! Vahpa chhaopa chanô sawzy hlâta, Chanô kypa sawzy ama hluh via bâ aw,” Abeipa ta a tah.

ISAI 66:6

“Khihpi liata tyhreihna pyu nathlie u la, Achhyna o tawhta pyu a vaw puapa nathlie tua u! Abeipa pyu châ ta, A chariahpazy viari a thôna pyu a châ chuh!”

MIKÂ 4:9

“Khazia aoh tlili ta na cha? Abei hnei va chi ma? Ryh châ raokheituhpa a leidia ha ma? Chanô sawzeih pasapa hawhta ma, Pasana ta a cha patu haw?

MIKÂ 5:3

Chavâta sawzeihpa ta saw a sa hlâlei cha, Abeipa ta âmo cha a heihsai chy aw ta, Cha khai tawhta a unawh laibâhpazy cha, Izarei sawzy lâ ama kua heih aw.

MATHAI 24:8

Cha zydua cha sawzeih pasa athaona deita a châ.

ZAWHÂNA 16:21

Chanô cha nawh â zeih nota a pachâ a rôh tyh, a daihti a tlô hapa vâta. Châhrasala nawh a pih nahta, khizaw liata chyhsa a vaw pihpa cha â ly kawpa vâta, a pachârôhna a thei khao vei.

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

KALATIA 4:27

“Nâ, saw leipa, Saw a sa beih leipa y, Thaphapa ta y mah y; Nâ, saw a zeih beih leipa, Awh la, rahao mah y! Vahpa a hneipa sawzy hlâta, Yrupa chanô sawzy ama hluh via aw,” tahpa ta ropa hawhta.

BIEPHUAH 12:4

A chaolahmei ta avâ liata awhsi su thôh su kha a daophi pathlah ta, alei lâ za thy ta. Chanô saw cha a vaw pihpata nahta a palâ thei nawpa ta, drâkao cha chanô nawh a zeihpa hmiakô liana cha a duah thlâh ha ta.