BIEPHUAH 12:10 - Mara Bible RV (BSI)

¹⁰ Chatawhcha avâ liata ao paro ngaitapa thei na ta, ao chata, “Tahmâ cha eima Khazohpa pachhana, hmotaotheina, khinarâh nata a Krista biehneina zy a vaw tlô haw. Eima unawhzy a leihtuhpa, eima Khazohpa hmiakô liata chhô nah zâ ta âmo a leih tyhtuhpa cha, za thy pathlahpa a châ haw.

BIEPHUAH 12:10 ပူးပေါင်းရင်းမြစ်များ

1 THÂTIHZYRONA 29:11

Hy Abeipa y, rônahna zy, hmotaotheina zy, palyupalihna zy, pahniena zy, abeina zy na eih châ ta, avâzy nata alei liata a ypa zydua chhao na eih a châ. Hy Abeipa, khinarâh cha na eih châ ta, ato chô lâta a to luh châta cheihchalopa na châ.

ZAWBÂ 1:11

Châhrasala tahmâ na ku pazawh la, a hneipa zydua hria la, hmiachhy ta chhie a cha sapa aw,” tah ta.

ZAWBÂ 1:9

Sâtâ ta Abeipa cha a chhy ta, “Zawbâ ta a chhâpa y leipa ta Khazohpa cha a chi aw ma?

ZAWBÂ 2:5

Tahmâ na ku pazawh la, a rupa nata a sapa hria la, hmiachhy ta chhie a cha sapa aw,” tah ta.

HLAZY 22:28

Abeina cha Abeipa eih châ ta, Ano cha phopizy chô liata ryureituhpa a châ.

HLAZY 45:6

Hy Khazohpa, na beidyuchhai cha, Chhâzaw nata tlyzaw ta y ta; Nâ beinarâh chôchahrei cha, Adona chôchahrei a châ.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

MATHAI 26:64

Zisu ta a chhy ta, “Na reipa hawhta ei châ. Châhrasala ei cha chho ei, he tawhta la, Chyhsa Sawchapawpa he Atotaotheipa ku chachâh lâta a tyuhpa ta, vâ meihdo chô liata â vypa nama hmô aw,” tah ta.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

MATHAI 6:10

Na khinarâh vaw tlô mawh sy. Na khopa vârâh liata ama taopa hawhta, Alei liata taopa châ mawh sy.

LUKA 11:2

Zisu ta ama hnohta, “Thlah nama chhâ tita, hetana heta nama chhâ aw: “‘Eima Paw vârâh liatapa, Na moh zachhih mawh sy. Na khinarâh vaw tlô mawh sy.

LUKA 22:31

“Saimaw, Saimaw, pachâ teh, Sâtâ ta sâh chanei ta a cha chanei thei nawpa ta, cha hnei awpa a khoh.

1 KAWRINI 5:4

Eima Beipa Zisu moh ta namâ pakhy tita, eima Beipa Zisu hmotaotheina ta, ei thlahpa chhao nama hnohta â hlao tyh hra.

2 KAWRINI 12:9

Châhrasala Abeipa ta, “Ei ngiachhiena na châta â daih na, ei hmotaotheina he chiehleina liata pakipa ta a y tyh,” eina tah haw. Chavâta Krista hmotaotheina ei chô liata a y thei nawpa ta, ei chiehleinazy he a ly ngaitapa ta ei palaikhei via lymâ aw.

TITU 2:3

Nôhrâhpazy chhao, ama yzie liata Khazohpa a chizapa, chyhsa kyh a reih leipa nata kresawhti sei ta y leipa ta, hmo phapa pachutuhpazy châ awpa ta pachu mah y.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 2:26

Pahnietuhpa nata ei hmotaopazy a chhâna taihta a pyhtuhpa cha phopizy chô liata biehneina ei pie aw.

BIEPHUAH 7:10

Chazy chata ao paro ngaitapa ta, “Pachhana cha Beidyuchhai liata a tyuhpa eima Khazohpa nata Mietakutaw eih a châ!” tahpa ta awh ei ta.