BIEPHUAH 11:8 - Mara Bible RV (BSI)

⁸ Ama rizy cha khihpi rônahpa khiliah liata â zawh aw. Cha khihpi rônahpa cha thlahpa kyh lâta Sawdawmâ nata Izi moh bipa châ ta, ama Beipa ama khaipâna su kha a châ.

BIEPHUAH 11:8 ပူးပေါင်းရင်းမြစ်များ

ÂTHAONA 13:13

Sawdawmâ chyhsazy cha molei ngaita ei ta, Abeipa chô liata hmo thata parao ei ta.

ÂTHAONA 19:24

Abeipa ta Sawdawmâ nata Kawmawrâ chô liata vârâh tawhta mei nata kaih pasuasa ta. Vârâh liata a ypa Abeipa tawh tlai ta a zâ suahpa a châ.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 3:7

Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

ISAI 3:9

Ama hmia phao ta ama châna palâsa ta, Ama moleina Sawdawmâ hawhta ama phuah; Nyu veih ei. Ama hu a po na! Âmosasyh ta raona amâ taopa a châ.

ZEREMIAH 23:14

Zerusale hrohsopazy liata chhao, Hmo rarôh ypa ei hmô: A phei ei ta, Haipa ta khih ama sa; Hmo pha leipa a taopazy ku thapatlô ei ta, Chavâta ama moleina ro a chhuah tlâ veih ei; Kei châta cha Sawdawmâ lyu khai ei ta, Zerusale khihsawzy chhao Kawmawrâ ama lyu khai.”

ZEREMIAH 26:23

Chatanachata Uria cha Izi râh lâ za lapa ta, Bei Zehôki lâ a vaw chhi ei ta. Bei Zehôki ta Uria cha zaozi ta thie ta, vâtlâh thlâ su a ri ama thy hapa kha a châ.

EZEKIA 16:46

Na narô uhtheinô cha Samâri châ ta, nâ tawhta nochhi lâ liata a sawchanôzy chhao ta ama pahrâ. Na narô seihnainô cha Sawdawmâ châ ta, nâ tawhta chho lâ liata a sawchanôzy chhao ta a pahrâ.

EZEKIA 16:49

“Pachâ teh, na narônô Sawdawmâ paraona cha he he a châ: Ano nata a sawchanôzy amâ palai ngaita. A laikhôna taihta niedo hnei ei ta, phasapa ta ama y. Châhrasala dyhchhiepa nata phahlapazy bao veih ei.

EZEKIA 23:19

Chatanachôta a laihsa nota Izi râh liata â zuapa kha vâpa ta, â zuah via rili ta,

EZEKIA 23:27

Na aohraohna nata Izi râh tawhta pathaopa ta nâ zuana zy kha pachhâsa aw na ta, chatanachata âmo lâ na mo khaih khao leipa aw chi ta, Izi chhao a thei khao aw va chi.

EZEKIA 23:3

Izi râh liata sihryh ei ta, ama laihsa no tawhta a sihryhpa ama châ. Ama sâhpizy hmiepa ei ta, ama laihsa kôna sâhpizy ama hriapa.

EZEKIA 23:8

Izi râh liata a y no tawhta a pathao hapa a sihryhna kha bâhsai vei. A laihsa no tawhta chapawzy ta a ziakhei ei ta, a laihsa kôna sâhpizy hria ei ta, ama aohraohna sihryhna a chô liata ama lei thlu tyh.

EZEKIA 37:11

Chatawhcha ei hnohta, “Chyhsa sawchapawpa y, he ruzy he Izarei pathlazy ama châ hih. Pachâ teh, Izarei pathlazy ta, ‘Eima ruzy chawhkaraipa ta, eima hnabeiseihna lei khai ha ta, chhawh pathlahpa ta eima y haw,’ ama tah.

AMÔSÂ 4:11

“Sawdawmâ nata Kawmawrâ khihpizy Khazohpa ta a paraopa hawhta, Nama hry liata thokha cha parao ei na ta, Mei tawhta thothu a daopa hawhta nama vaw châ haw; Chatanachôta kei lâ vaw kua veih ei chi,” Abeipa ta a tah.

MATHAI 10:15

Hmeiseihta ta ei cha chho ei, ryureina noh liata, cha khih hlâta Sawdawmâ nata Kawmawrâ pasa taopa a zie a y via aw.

HMOTAOPAZY 9:4

Alei liata pao ta, ao thei ta, ao chata a hnohta, “Sawla, Sawla, khazia eina taola chi?” tah ta.

HEBRAI 13:12

Cha hawhna chata Zisu chhao ta ano thisaih tlai ta chyhsazy a pathaisa thei nawpa ta, khihpi thokhy khôtho liata pasa a vaw tao.

HEBRAI 6:6

ama paosai heihpa khiahta cha, ama rao nawpa ta Khazohpa Sawchapawpa a khaipâ chanei heihpa nata maoh a paphyuhtuhpazy ama châpa vâta, cha hawhpa chyhsazy rona lâ a chhi heih awpa cha hmo thei leipa a châ.

2 PITY 2:6

Sawdawmâ nata Kawmawrâ khihpizy kha ano a uasa leipazy pakhona châta hmâh ta, Khazohpa ta khihpizy cha buchâh lâta pachâsa ta a pamua ha ei.

ZUDÂH 1:7

Sawdawmâ nata Kawmawrâ nata ama chheipâh khihpizy chhao kha, apatlana moleinazy thata tao ei ta, chanô chapaw châna hmâzie tyhpa a châ leipa, chapaw nata chapaw apatlanazy taihta ama taopa vâta, chhâzaw mei ta hriepa châ ei ta, pakhona châta hmâpa ama vaw châ haw.

BIEPHUAH 11:13

Cha daihti lia tlai chata alo thata a vaw sih ta, khihpi su hrawh su kha cha cho ha ta. Alo sihpa liana chata chyhsa sâh sari thi ei ta, a laibâhpazy cha chi ngaita ei ta, vârâh Khazohpa cha palyupalih ei ta.

BIEPHUAH 11:9

Phopizy, chizy, reihzy nata râhzy tawhta chyhsa thokhazy ta ama rizy cha noh thôh nata khophie chhôh moh aw ei ta, thlâ liata pabu pasaih aw veih ei.

BIEPHUAH 14:20

Khihpi khôtho lâta kre saohna khaoh liata kre cha tlypa ta saoh ei ta, kre saohna khaoh tawhna chata thisaih vaw pua ta, thisaih cha arâ chhâri taih a thu ta, lyu 1,600 a seih.

BIEPHUAH 14:8

Vâlyuhchâpa hropa, panona ta vaw pazi ta, “A pao haw, Babylaw khihpi rônahpa cha a pao haw. Sihryhna vâta phopi to hiehâhna kresawhti a padosatuhpa cha a pao haw,” tah ta.

BIEPHUAH 16:19

Khihpi rônahpa cha su thôh ta a vaw patlaw ta, phopi to khihpizy cha pao ta. Khazohpa ta Babylaw rônahpa cha a thei thlâh ha ta. Chatanachata a hiehâhna ru ngaitapa kresawhti nyu cha a hnohta pie ta.

BIEPHUAH 17:1

Chatawhcha vâlyuhchâpa pasari hry liata pakha, biebuh miasari a hneipa a vy ta, ei hnohta, “A vy tua, ti hluhpi chô liata a tyuhpa âzuahnô rônahpa pachiana ei cha pamosa aw.

BIEPHUAH 17:18

Chanô na hmôpa kha khihpi rônahpa, lei beizy chô liata ryureituhpa a châ,” tah ta.

BIEPHUAH 17:5

A khi liata bienyupa, “Babylaw khihpi rônahpa, sihryhpazy nata lei hmo pasichhihpazy nô,” tahpa ta moh ropa y ta.

BIEPHUAH 18:10

A pasataona chipa ta, lâhlapi ta a duah aw ei ta, hetana heta ama tah aw: “Cha rimâ cha! Cha rimâ cha! Nâ, khihpi rônahpa, Nâ, khihpi thatlôpa, Hy Babylaw khihpi! Dawh kha chhôh ta, Na rao khai ha he zaw.”

BIEPHUAH 18:18

Babylaw kâpa khuh cha saina chôta, “He hawhta khihpi rônahpa he, Khâpa khih ma a y aw?” tahpa ta awh ei ta.

BIEPHUAH 18:2

Vâlyuhchâpa chata ao thatlô ngaitapa ta, “A pao haw, Babylaw rônahpa a pao haw! Ahripazy pahrâna, Thlahpa puapa to ahrâhna, Pavaw puapa to pahrâna, Hmo puapa nata pasichhihpa to atohna Khihpi lâta â lie haw.

BIEPHUAH 18:21

Chatawhcha vâlyuhchâpa thatlô ngaitapa ta sâhchariehna lô lai ngaitapa a lyupa alô la ta, tilaipi liata thy ta, hetana heta a tah: “Kha hawhna khata, Babylaw khihpi rônahpa chhao, Pasa kawpa ta thypa châ aw ta, Hmô heihpa châ khao aw vei.

BIEPHUAH 18:24

A chhôh liata hrohsopazy thisaih y ta, Mopathaihpazy thisaih chhao y ta, Lei liata thiepa zydua thisaih a y.”