BIEPHUAH 11:6 - Mara Bible RV (BSI)

⁶ Hrohsona bie ama rei chhôh noh zydua avâ suah lei awpa ta avâ khaw theina hmotaotheina ama hnei. Ama khona daihti maihta thisaih lâta pachâsa awpa ta tizy chô liata chhao biehnei ei ta, khizaw he potlana to ta hrie awpa ta bie ama hnei hra.

BIEPHUAH 11:6 ပူးပေါင်းရင်းမြစ်များ

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

LUKA 4:25

Châhrasala biedopa ei cha chho ei. Elaizâh hro nota, kô thôh nata thla charu avâ a khaw ta, râh zydua liata chakâhna thata a tlô nona kha, Izarei liata nôhmei hluhpi ama y.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.

BIEPHUAH 16:3

Vâlyuhchâpa panona ta a biebuh cha tilaipi liata patlai ta. Athihpa thisaih lâta a vaw lie ta, tilaipi liata hmohrohneipa zydua thi khai ei ta.

BIEPHUAH 16:4

Vâlyuhchâpa pathôhna ta a biebuh cha chavahzy nata tihnawhzy liata patlai ta. Thisaih lâta a vaw lie ta.

BIEPHUAH 8:8

Vâlyuhchâpa panona ta a chiahmie vaw tô ta, tlâh laipa a lyupa, mei ta a kâ haipa cha tilaipi liata thypa châ ta, chatanachata tilaipi su thôh su kha cha thisaih lâta a vaw lie ha ta.

1 SAMUELA 4:8

Eima hu a po na! Cha khazoh thatlôpa ku tawhta ahy ma miah a pachha thei aw? Cha khazoh cha potlana to ta râhchawhpa liata Izi mo a thietuhpa kha a châ.