BIEPHUAH 11:5 - Mara Bible RV (BSI)

⁵ Ahy rai ta âmo cha pasasa amâ chhuah khiahta cha, ama pakah tawhta mei vaw pua aw ta, ama khakhaipazy cha a kâ khai aw. Âmo pasasa a chhuahpa maih cha, cha hawhta thiepa ama châ aw.

BIEPHUAH 11:5 ပူးပေါင်းရင်းမြစ်များ

HLAZY 18:8

A hnapasu tawhta meikhuh puapa ta, A pakah tawhta meipaleih pua ta, Ano tawhta meiia a vaw pua.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ZEREMIAH 1:10

Tanoh he phopizy nata khinarâhzy chô liata cha soh na ta, Phia awpa nata phie awpa ta ei cha soh; Pahleipadia awpa nata thy awpa ta cha soh na ta, Sa awpa nata lo awpa ta ei cha soh,” tah ta.

ZEREMIAH 5:14

Chavâta Zehôvâh, Pheisaihzy Khazohpa ta hetana heta a tah: “Cha hawpa bie cha ama reipa vâta, Pachâh teh, ei biezy cha na pakah liata mei pachâsapa ta, He phopi he tho pachâsa aw ei na ta, Mei ta a kâ khai aw ei.

EZEKIA 43:3

Aluahna ei hmôpa cha, khihpi parao awpa ta â vy nota ei hmôpa aluahna nah khata miakhapa châ ta, Khebâ chavah kiah liata aluahna ei hmôpa nah khata miakhapa a châ. Chatawhcha â khu lâta pao na ta.

HÔSIA 6:5

Chavâta hrohsopazy hmâpa ta tuchheih ei na ta, Ei pakah biezy ta ei thie ha ei; Ei hriena cha dôhla hawhta a pathli.

ZEKARIA 1:6

Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.

ZEKARIA 2:8

Châ hraotuhpazy râh lâ a rônahna ta nâ tuahtuhpa Pheisaihzy Abeipa ta hetana heta a tah: “Nâ châ hriapa cha ei mosaw a hriapa a châ.

BIEPHUAH 13:13

Ngiana nata hmonoâhpa rônah ngaitapazy tao ta, chyhsa mohmô liata avâ tawhta alei lâ mei patlasa theina taihta a tao theipa a châ.

BIEPHUAH 9:17

He he arâzy nata a kiahtuhpazy kyh liata aluahna ta ei hmôpazy a châ: Mei nata saphai lô nata kaih hawhpa chachôhna vyhphaozy hnei ei ta, arâ luhzy cha chakeibarôhneipa luhzy lyu ta, ama pakah tawhta mei nata meikhuh nata kaihzy a pua.