BIEPHUAH 11:4 - Mara Bible RV (BSI)

⁴ Âmo cha ôli tho miano nata meiôh patyuna alei Beipa hmiakô liata a duah tyhpazy ama châ.

BIEPHUAH 11:4 ပူးပေါင်းရင်းမြစ်များ

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

HLAZY 52:8

Kei deikua cha Khazohpa o liata, Ôli tho hrohpa hawhta châ na ta, Khazohpa kyhpachâna tleih beih leipa cha, Chhâzaw nata tlyzaw ta ei ngâ aw.

PUASAINA 8:22

Ei phopi pahrâna Kôse râh deikua cha, cha noh liata panano aw na ta, cha liata mathyupa rai y aw vei. Chatanachata kei he alei chô liata a ypa Abeipa ei châ tahpa na pahno aw.

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ZEREMIAH 11:16

Abeipa ta, ‘Ôli tho hrohpa, thei pha a patheipa tho a ngiapa,’ tahpa ta moh a cha bipa kha na châ. Châhrasala chothyu ru ngaitapa a hrâhna hry liata mei ta rao aw ta, a chiahzy a thlie khai ha aw ei.

MIKÂ 4:13

Hy Zaio sawchanô y, Thyu la, sâh tly teh; Thua ta na ki tao aw na ta, Dawh ta na chakiezy ei tao aw; Chatanachata phopi hluhpizy cha, Na pakeichheih aw ei. Ama sâhzy Abeipa lâ hlâ aw chi ta, Ama sôhzy khizaw zydua Abeipa lâ na hlâ aw.”

LUKA 11:33

“Ahy hmahta meiôh rao sala su nyupa liata soh beih leipa aw ta, beih ta khu beih hra aw vei. O chhôh lâ a ngiapazy ta khaihna ama hmô thei nawpa ta, meiôh sona liata a soh tyh.

LUKA 21:36

Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

RAWMA 11:17

Châhrasala a chiah thokhazy cha thliepa châ ta, nâ, râh liata ôli tho tlai chi cha, ôli tho phapazy liata pazaopa ta, ôli tho phapa thari nâ hly khiahta cha,

RYHPACHANEINA 10:8

Cha daihti liata Abeipa ta Livai chizy cha Abeipa Biehrai Byh a sy awpa nata Abeipa hmiakô liata a duah ta ano chakao awpa nata a moh ta byhnâ a awtuhpa châ awpa ta panano ta, tanoh taihta cha hawhta ama hria lymâ.

BIEPHUAH 1:20

Ei ku chachâh lâta awhsi miasari na hmôpazy nata ngôh meiôh patyuna miasari na hmôpazy kyh liata bienyupa cha he he a châ: Awhsi miasarizy cha awnanopa hlao sarizy châta vâlyuhchâpazy châ ei ta, meiôh patyuna miasarizy cha awnanopa hlao sarizy ama châ,” tah ta.