BIEPHUAH 11:19 - Mara Bible RV (BSI)

¹⁹ Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

BIEPHUAH 11:19 ပူးပေါင်းရင်းမြစ်များ

HLAZY 105:32

Ama râh liata vâsua vyuhpa ta pareih patlasa ta, Râh zydua liata mei pachiezy a patlasa.

HLAZY 18:12

A hmiakô liata khaihna tawhta, Pachie nata pareih vaw tla ta, A meihdozy a vaw chhô pahlie.

ISAI 28:2

Moh tua u, Abeipa ta chyhsa thatlôpa hnei ta, Hmotaotheipa a hnei; Ano cha pareih thlihpipa hawhta pathli ta, Chothyu hawhta a chanaohpa a châ; Vâkatlâ hawhta suah ta, Tisaih hawhta a lohpa a châ; A ku ta alei lâ a za pazaw aw.

ISAI 29:6

Pheisaihzy Abeipa ta cha vaw tly aw ta, Tôkalôhpa nata alosihpa chhaota cha vaw tly aw ta, Pyu paro ngaitapa chhaota a cha vaw tly aw; Khisô nata chothyu chhaota cha vaw tly aw ta, Meipaleih charôh ngâpazy chhaota a cha vaw tly aw.

ISAI 30:30

Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

ISAI 32:19

Pareih ta râhmâhpa chanaoh ta, Khihpi paby khai ha hra sala,

EZEKIA 13:11

Chavâta hlyu râhpa ta thokhy dadiehpa a chhiehruhpazy hnohta thokhy a cho awpa kyh chho mah y. Thokhy pacho awpa ta, avâ katlâ suah aw ta, pareih laipazy tla aw ta, thlihpipa ru ngaitapa a pathli aw.

EZEKIA 13:13

“Chavâta Abeipa Zehôvâh ta hetana heta a tah: Thokhy cha tlokhuh parao khai awpa ta, ei pathi iapa ta thlihpipa ru ngaitapa vaw pathlisa aw na ta, ei hiehâhpa ta avâ katlâ pasuasapa ta, ei pathi iapa ta pareih lai ngaitapa ei patlasa aw.

EZEKIA 38:22

Potlana nata thisaih palopa ta ano cha pachia aw na ta, ano nata a pheisaihzy nata a hnohta a ypa phopi hluhpi chô liata vâkatlâ pasuasa aw na ta, pareih lai ngaitapazy patlasapa ta, mei nata kaihzy ei pasuasa aw.

MALUHREINA 10:33

Chatanachata Abeipa tlâh tawhta pua ei ta, noh thôh lâsie taih sie ei ta. Amâ pahâ nawpa su tlua awpa ta, Abeipa Biehrai Byh cha noh thôh chhôh ama hmia lâta sie ta.

MALUHREINA 4:15

“Arawna nata a sawchapawzy ta supathaihpa nata supathaihpa hmobaoh zydua ama khu khai tawhta, riehmo a pasie awpa a châ tita, Kôhâ pathlazy ta supathaihpa nata a hmobaohzy cha amâ sy tyh aw. Hmo pathaihpazy deikua ama hria awpa châ vei. Chataleipatala ama thi pathlei aw. Chazy cha Kôhâ sawchapawzy ta ahmaohna poh o liata ama chakaona rai hria awpazy a châ.

MALUHREINA 4:5

“Riehmo a pasie awpa a châna maihta Arawna nata a sawchapawzy a ngia aw ei ta, pohraipa pathla aw ei ta, cha chata Biehrai Byh ama khu aw.

ZAWSUA 10:11

Izarei sawzy hmiakô tawhta a râpai ei ta, Behôrô chhutla ama chô hai nota, Abeipa ta avâ tawhta pareih laipa za patlasa ta, Azekâ tlôna taihta âmo cha daih lymâ ta, thata thi ei ta. Izarei sawzy ta zaozi ta ama thiepazy hlâ chhao ta pareih ta a daisaopa ama hluh via.

BIEPHUAH 11:13

Cha daihti lia tlai chata alo thata a vaw sih ta, khihpi su hrawh su kha cha cho ha ta. Alo sihpa liana chata chyhsa sâh sari thi ei ta, a laibâhpazy cha chi ngaita ei ta, vârâh Khazohpa cha palyupalih ei ta.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 12:1

Chatawhcha ngiana rônahpa avâ liata a vaw lâ ta. Chanô pakha, noh ta a tobi ta, a phei ry liata thlâpâ y ta, awhsi miahrawh hleino ta taopa lakho a khopa vaw y ta.

BIEPHUAH 16:1

Chatawhcha Achhyna o tawhta ao paro ngaitapa thei na ta, ao chata vâlyuhchâpa pasarizy hnohta, “Sie u la, Khazohpa hiehâhna biebuh miasari alei liata patlai teh u,” tah ta.

BIEPHUAH 16:18

Dôhlazy vaw patlie ta, aozy vaw pua ta, tôkalôhpazy a vaw thua ta, alo thata a vaw sih ta. Alei liata chyhsa y tua rakha tawhta, cha tlu ta a rupa alosihpa y beih vei. Alosihpa rarôh y ngaipa a châ.

BIEPHUAH 16:21

Chatawhcha pareih lai ngaitapa, talent miakha hlei a hripazy chyhsa chô liata za tla ta. Potlana cha a rarôh y ngaitapa vâta, pareih potlana vâta Khazohpa chô liata chhiesa ei ta.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 4:1

Cha khai tawhta kaw sai na ta, vârâh ochhi a pahypa hmô na ta. Ao ei thei tuapa, chiahmie pyu hawhta ei hnohta bie a reihpa khata, “He lâ a khy teh, he khai tawhta hmo a vaw tlô awpazy ei cha pahmô aw,” tah ta.

BIEPHUAH 4:5

Beidyuchhai tawhna chata dôhlazy, aozy nata tôkalôhpa a thuapa pyuzy vaw pua hôlô ta. Beidyuchhai hmiakô liana cha meirei iapa miasari y ta, chazy cha Khazohpa thlahpa pasarizy ama châ.

BIEPHUAH 7:15

“Chavâta âmo cha, Khazohpa beidyuchhai hmiakô liata y ei ta, Chhô nah zâ ta ano Achhyna o liata ama chakao tyh; Beidyuchhai liata a tyuh aw ei ta, A ypâna ta a khu aw ei.

BIEPHUAH 8:5

Vâlyuhchâpa ta ropahâhpa raona byh cha la ta, maisâh liata mei ta pabie ta, alei liata thy ta. Chatanachata tôkalôhpazy a vaw thua ta, aozy vaw pua ta, dôhlazy vaw pathlie ta, alozy thata a sih ta.

BIEPHUAH 8:7

Vâlyuhchâpa pakhana ta a chiahmie vaw tô ta, thisaih nata a pahlaopa pareih nata mei ta vaw pazi ta, chazy cha alei liata thypa a châ. Alei su thôh su kha kâ khai ta, thozy chhao su thôh su kha kâ ta, sibie hrohpa zydua a kâ khai haw.