BIEPHUAH 11:18 - Mara Bible RV (BSI)

¹⁸ Phopizy ama hiehâh ta, Na pathiiana a vaw tlô; Cha cha athihpazy pachiana daihti châ ta, Châ chakaotuhpa hrohsopazy nata mopathaihpazy Lymâ piena daihti a châ. Na moh a chituhpa a lai a chyh ta Lymâ piena daihti châ ta, Leilô paraotuhpazy paraona daihti a châ,” tahpa ta Khazohpa a chhy ei ta.

BIEPHUAH 11:18 ပူးပေါင်းရင်းမြစ်များ

HLAZY 103:11

Alei tawhta avâ â sâhpa tlu khi ta, Ano a chituhpazy chô liata a kyhpachâna a rônah ngaita.

HLAZY 110:5

Ei Beipa cha na chachâh lâta y ta, A hiehâhna noh liata beizy a chhawh pathlah aw.

HLAZY 147:11

Abeipa cha ano a chituhpazy vâta a palôh tlâh ta, A kyhpachâna hnabeiseihtuhpazy vâta a palôh a tlâh tyh.

HLAZY 2:5

A pathi iapa ta ama hnohta bie reih aw ta, A hiehâhpa ta âmo pachisapa ta,

HLAZY 85:9

Eima râh liata rônahna a pahrâ thei nawpa ta, A pachhana ta ano a chituhpazy â vaw hnia.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

BIECHHOTUHPA 8:12

Chyhsa moleipa cha ei za kha a molei hapa chhao ta, hroh thlâh ha chy hra sala, Khazohpa a chituhpazy ta Khazohpa ama chipa cha a pha pyly tahpa ei pahno.

DÂNIAH 11:44

Châhrasala nochhi lâ nata maw lâ tawhta bie a vaw tlôpazy ta ano cha patypamâ aw ta, chyhsa hluhpi pahleipadia ta, pamua ha awpa ta hiehâh ngaitapa ta a pua aw.

DÂNIAH 7:26

Châhrasala pachiana y aw ta, A ryureina chhupa a châ aw; Pamua khaipa châ aw ta, Parao khaipa a châ aw.

DÂNIAH 8:25

A piehpiena ta a ku ry liata dôveina palaiseihsa aw ta, a palôh liata anosasyh ta a chaipa ta a pachâ aw ta, chyhsa hluhpi a bohpa ta amâ pachâ nota âmo cha pahleipadia aw ta, beizy Beipa chhao â dyuh aw. Châhrasala ano cha pahleipadiapa a châ aw, chyhsapa ku ta deikua châ aw vei.

MATHAI 5:12

A ly u la, thaphapa ta y teh u, vârâh liata nama lymâ hluhpi a y. Cha hawhna chata, nâmo hlâta a vaw y tuapa hrohsopazy chhao ama vaw taola tyh.

LUKA 1:50

A zawngiahna cha ano a chipazy châta châ ta, Chhâzaw nata tlyzaw ta a y aw.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.

BIEPHUAH 10:7

Vâlyuhchâpa pasarina ta chiahmie ta a awna noh liata deikua cha, a chakaotuhpa hrohsopazy hnohta a phuahpa hawhna khata, Khazohpa bienyupa cha pakipa a châ aw,” tah ta.

BIEPHUAH 11:2

Achhyna o khôtho lâ dôhpachhôh tlyhmia deikua thlie leipa la, siesai mah y. Cha cha Zenitaizy hnohta piepa châ ha ta, âmo ta khihpi pathaihpa cha thla sypalih nata thla no ama tlypâ aw.

BIEPHUAH 13:10

Seichâna lâ a sie awpa chyhsa cha, Seichâna lâ sie aw ta; Zaozi ta thie awpa chyhsa cha, Zaozi ta thiepa a châ aw. Cha chata mopathaihpazy cha tao hualuana nata ngiapâna hnei awpa a byuhzie a palâsa.

BIEPHUAH 13:16

Chyhsa zydua, molaipa nata mochyhpa, hneirôhpa nata dyhchhiepa, sei nata khotalaipazy cha ama ku chachâh lâ tlyma, ama khi liata tlyma, ngiana hnei khai awpa ta tao ta.

BIEPHUAH 14:10

Khazohpa hiehâhna kresawhti patapa, a hiehâhna nyu liata khâpa hmah pahlao leipa ta patlaipa cha doh aw ei ta, vâlyuhchâpa pathaihpazy mohmô ta nata Mietakutaw mohmô liata mei nata kaih ta pasa pataosapa ama châ aw.

BIEPHUAH 15:1

Chatawhcha avâ liata ngiana hropa, ngiana rônahpa nata noâhchhihpa hmô na ta. Cha cha vâlyuhchâpa pasari nata potlana miasari a châ. Cha potlanazy cha potlana hnôhchaipazy a châ. Cha potlanazy liata Khazohpa hiehâhna cha a chhâ haw.

BIEPHUAH 15:7

Hmohrohneipa miapalihzy hry liata miakha ta vâlyuhchâpa pasarizy hnohta, chhâzaw nata tlyzaw ta hroh thlâhpa Khazohpa hiehâhna ta a biepa ngôh biebuh miasari vaw pie ta.

BIEPHUAH 18:6

Chyhsazy viari a thô tyhpa hawhta, Ano chhao viarithô u la, A hmotaopazy a lie no ta viarithô teh u; A do awpa pahlaona nyu cha, A lie no ta pahlaopa teh u.

BIEPHUAH 19:15

A pakah tawhta zaozi tiah ngaitapa vaw pua ta, cha chata phopizy chhawh aw ta, thua chôchahrei ta ama chô liata ryureih aw ta, Khazohpa Atotaotheipa hiehâhna ru ngaitapa kre saohna khaoh a tly aw.

BIEPHUAH 19:18

beizy, pheisaih hyutuhpazy, pasaiphazy, arâ nata a kiahtuhpazy, chyhsa zydua, sei nata khotalaipazy, mochyhpa nata molaipa sapazy vaw nie teh u,” tahpa ta awh ta.

BIEPHUAH 19:5

Chatawhcha beidyuchhai tawhta ao vaw pua ta, “Nâmo, Khazohpa chakaotuhpa zydua, Nâmo, ano a chituhpazy, Molaipa nata mochyhpazy saih u, Eima Khazohpa cha reithai teh u,” vaw tah ta.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.

BIEPHUAH 22:12

Abeipa Zisu ta,“Nathlie teh, ei vy patoh aw. Chyhsa to ama hmotaopa lymâ hawhta pie awpa lymâ ei hnohta a y.