BIEPHUAH 11:11 - Mara Bible RV (BSI)

¹¹ Noh thôh nata khophie a châ tawhta, Khazohpa tawhta hrona hu ama chhôh liata a vaw ngia ta, ama phei ta a kaw duah ei ta, a hmôtuhpazy ta ama chi ngaita.

BIEPHUAH 11:11 ပူးပေါင်းရင်းမြစ်များ

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

HMOTAOPAZY 5:11

Awnanopa zydua nata cha kyh a theipa zydua ta ama chi ngaita.

HMOTAOPAZY 5:5

Cha biezy cha Anania ta a thei nahta, pao ta, thi ha ta. Cha thâtih a theipa maihta chi ngaita ei ta.

RAWMA 8:11

Athihpa hry tawhta Zisu a pathyutuhpa Thlahpa nâmo liata a y khiahta cha, athihpa hry tawhta Krista Zisu a pathyutuhpa chata, nâmo liata a ypa a Thlahpa zawhzi ta, nama pôhpa thi theipazy cha a pahro aw.

RAWMA 8:2

Krista Zisu liata hrona Thlahpa ryhpa chata moleina nata thina ryhpa tawhta a cha papua ha ei.

ZAWSUA 2:9

ama hnohta, “He râh he Abeipa ta a cha pie ha ei tahpa ei pahno. Nâmo china ta miah chanaoh ha ta, he râh liata a pahrâpa zydua nama hmiakô liata ama zao khai haw.

BIEPHUAH 11:13

Cha daihti lia tlai chata alo thata a vaw sih ta, khihpi su hrawh su kha cha cho ha ta. Alo sihpa liana chata chyhsa sâh sari thi ei ta, a laibâhpazy cha chi ngaita ei ta, vârâh Khazohpa cha palyupalih ei ta.

BIEPHUAH 11:9

Phopizy, chizy, reihzy nata râhzy tawhta chyhsa thokhazy ta ama rizy cha noh thôh nata khophie chhôh moh aw ei ta, thlâ liata pabu pasaih aw veih ei.