BIEPHUAH 11:10 - Mara Bible RV (BSI)

¹⁰ Lei chyhsazy rie a patheipa hrohsopa panozy thiepa ama châpa cha, lei chyhsazy a ly kaw aw ei ta, alynazy tao aw ei ta, hmosaipiepazy amâ pie raihrie aw.

BIEPHUAH 11:10 ပူးပေါင်းရင်းမြစ်များ

1 ABEIZY 18:17

Ahabâ ta Elaizâh a hmô nahta, a hnohta, “Nâma he ma, Izarei nôpopa ta a sohtuhpa chi cha?” tah ta.

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

1 ABEIZY 22:18

Izarei bei ta Zehôsaphâ hnohta, “Keima kyh liata la a phana lâta hrohsona bie reih awh vei, a chhiena lâ sai na a châ aw tahpa cha chho va na ma kha?” tah ta.

1 ABEIZY 22:8

Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw, keima kyh a phana lâta hrohsona bie reih beih vei, a chhiena lâ sai ta a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

HLAZY 13:4

Ei chariahpa ta, “Ei pahnie haw,” tah aw ta, Ei chalyupa vâta ei khakhaipa â ly pathlei aw na.

HLAZY 35:19

A chhâpa y leipa ta nâ khakhaipazy cha, Ei chô liata hmo a tlôpa vâta amâ ly awpa pasaih leipa la; A chhâpa y leipa ta nâ haotuhpazy chhao, Eina mopasih awpa ei pasaih khah y.

HLAZY 89:42

A khakhaipazy ku chachâh lâ cheihchalo chi ta, A chariahpa zydua thaphapa ta na paysa ei.

BIESOZY 24:17

Na chariahpa a pao nota a ly leipa la, Â chapia nota na palôh thapha khah sy.

ZEREMIAH 38:4

Beimachâzy ta abei hnohta, “Eima châ haw na, he chyhsa he thiepa châ mawh sy. Cha hawhpa biezy cha reipa ta, khihpi liata a ypa pheisaihzy nata zawpi zydua ku tha a pazeisa khai ha ei. He chyhsa heta phopi pha nawpa tlua leipa ta, ama rao nawpa tlao a tlua hri,” tah ei ta.

ZEREMIAH 50:11

“Hy ei ryuto a hraotuhpazy saih u, Thaphapa nata thapawh kawpa ta ypa ta, Si panyupa su liata viahchao zeinô hawhta a chapiepa ta, Arâ tôhpa hawhta sâh hra u la,

ÔBADIA 1:12

Na unawhpa chhiena â tyh noh kha, Kheihta ma a lypa ta moh thei chi ta, Zudâh pathla raona amâ tyh noh kha, Kheihta ma thaphapa ta na sai thei tly! Ama pachârôhna noh liata, Kheihta ma na pakah a kawh chie thei tly!

MIKÂ 7:8

Hy ei chariahpa y, Na palôh nâ eih khah y; Ei paopa chhao ta, Ei thyu heih aw; Zohna lia ei tyupa chhao ta, Abeipa cha ei khaihna a châ aw.

MATHAI 10:22

Ei moh vâta chyhsa to a haopa ta y aw ei chi ta, achhâna taihta â ipa ta a duahpa cha pachhapa ta a y aw.

ZAWHÂNA 16:20

Hmeiseihta ta, hmeiseihta ta ei cha chho ei, nâmo cha, cha aw ei chi ta, chaphôh nama tu aw, khizaw deikua cha â ly aw. Pachârôhpa ta y aw ei chi ta, châhrasala nama pachârôhna cha thaphana lâta â lie aw.

ZAWHÂNA 7:7

Khizaw ta nâmo cha châ hao thei vei, kei deikua cha einâ hao, a hmotaopazy a moleizie ei palâhâhpa vâta.

HMOTAOPAZY 5:33

Cha biezy ama thei nahta, ama hie thata hâh ta, lyuhchâpazy cha thie a chhuah ei ta.

1 KAWRINI 13:6

Kyhpachâna cha sialeina liata a ly leipa ta, bie hmeiseihpa deikua cha â ly tyh.

BIEPHUAH 12:13

Drâkao ta alei lâ thy pathlahpa a châpa a hmô nahta, sawchapaw a satuhpa chanô cha a chadai ta.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

BIEPHUAH 16:10

Vâlyuhchâpa papangawhna ta a biebuh cha sahrâhpa beidyuchhai liata patlai ta. Sahrâhpa khinarâh cha vaw zoh khai ha ta. Pasa taopa ta ama paleihzy sie ei ta,

BIEPHUAH 3:10

Tao hualuana kyh liata ei bie nâ pyhpa vâta, alei liata a pahrâpazy pasia awpa ta khizaw zydua liata pasiana daihti a vaw tlô awpa tawhta ei cha pabohsa aw.