BIEPHUAH 10:4 - Mara Bible RV (BSI)

⁴ Tôkalôhpa miasari â vaw thua nahta, châ ro awpa a chhuah na ta, châhrasala avâ tawhta ao ta, “Tôkalôhpa miasarizy bie reipa kha phih la, roh khah y,” a tahpa thei na ta.

BIEPHUAH 10:4 ပူးပေါင်းရင်းမြစ်များ

ISAI 29:11

Chavâta aluahna cha nâmo châta châbu pakuhpa pachawh khâh hapa hawhta a châ haw. Cha cha chyhsazy ta châ a reih thaipa pie ei ta, a hnohta, “He châbu he reih teh,” tah ei ta, ano ta, “Reih thei va na, pakuhpa ta pachawh khâh hapa châbu a châ hih,” tah ta.

ISAI 8:1

Abeipa ta ei hnohta, “Châ rona phiapa la la, mo to rei thai awpa ta, ‘Mahe-salâ-has-bâza châta,’ tahpa ta roh teh.

ISAI 8:16

Bietapa he chaty la, Pachuna bie he, Ei pachupazy hry liata chahnao pa-i mah y.”

DÂNIAH 12:4

Nâ deikua cha, Hy Dâniah y, chhâna daihti a tlô hlâlei cha, bie cha nyu la, châbu kha pakuh la khâchâ baipâ ha mah y. Chyhsa hluhpi a râhreih aw ei ta, pahnona a pôh aw,” tah ta.

DÂNIAH 12:9

Ano ta, “Dâniah y, na sie nawpa lâpi liata sie thlâh ha mah y, biezy cha chhâna daihti taih châta khaw hapa nata baipâ hapa châ ha tlôh ta.

DÂNIAH 8:26

Zâlâ nata my aluahna reipazy kha â do. Châhrasala aluahna kha chhiehruh ha teh, noh hluhpi tawhta a vaw y awpa kyh a châ,” tah ta.

RYHPACHANEINA 29:29

“Hmo nyupazy cha Abeipa eima Khazohpa eih châ ta, hmo palâhâhpazy deikua keimo nata eima pathlazy eih a châ. Chatanachata he ryhpa bie zydua he eima zyh thei aw.

BIEPHUAH 1:11

“Kei he Alphâ nata Ômekâ, âthaona nata achhâna ei châ. Na hmo hmôpa kha châbu liata roh la, Awnanopa hlao sarizy, Ephesi, Smynâ, Pekamu, Thiatirâ, Sadisâ, Philadelphia nata Laodisi Awnanopazy lâ paphao mah y,” a tahpa thei na ta.

BIEPHUAH 1:19

Chavâta na hmo hmôpa, hmo a y haipazy nata tahmâ tawhta a vaw y awpazy cha roh teh.

BIEPHUAH 10:8

Avâ tawhta ao ei theipa khata bie na chho heih ta, ei hnohta, “Sie la, tilaipi nata alei liata a duahpa vâlyuhchâpa ku liata châbu chatypa pahy chiehpa hao kei la teh,” a tahpa thei na ta.

BIEPHUAH 22:10

Chatawhcha vâlyuhchâpa ta, “He châbu liata hrohsona biezy he phih khah y, a daihti â hnia haw.