BIEPHUAH 10:1 - Mara Bible RV (BSI)

¹ Chatawhcha vâlyuhchâpa hropa thatlô ngaitapa avâ tawhta a za chôpa hmô na ta. Meihdo ta a tobi ta, a luh chô liata meisaku a zawh ta, a hmia cha noh hawhta khaih ta, a pheizy cha mei tôh hawhta a châ.

BIEPHUAH 10:1 ပူးပေါင်းရင်းမြစ်များ

HLAZY 104:3

Tizy chô liata na chhôhpadâhpa khâpiazy pakhâh chi ta, Meihdozy khi na talailih ta taopa ta, Thlih mathlawzy chô liata na kiah tyh.

HLAZY 97:2

Meihdo nata zoh kaluhpa ta Abeipa chadô ei ta, Siana nata adona cha a beidyuchhai abôna a châ.

PUASAINA 16:10

Arawna ta Izarei zawpi hnohta bie a rei hai nota, râhchawhpa lâ sai ei ta, Abeipa rônahna meihdo liata a vaw lâ ta.

HLAZY HLA 5:15

A pheizy cha alabastâ otôhzy lyu ei ta, Ngôh ta taopa patyuna chô liata paduapa, Alabastâ otôhzy tlai ama lyu. A pizie cha Lebanaw lyu ta, Sidy tho pha chaipa a lyu.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

ISAI 54:9

“Cha hmo cha, Ei châta Nôah hro no hawhna khata châ ta; ‘Nôah tizy ta alei vao khao aw vei,’ Tahpa ta bie ei vaw taih hapa hawhna khata, Na chô liata chhao, Hiehâh khao lei awpa ta bie a taih na ta, Cha ra khao lei awpa ta bie ei taih haw.

CHAPHÔHTUNA 3:44

Meihdo poh a bu chi ta, Thlahchhâna ta meihdo sie pahlie thei vei.

EZEKIA 1:28

A chheipâh zydua liata khaihna alânazie cha, vâsua noh ta meihdo liata meisaku alânazie hawhta a châ. Abeipa rônahna lyuna alânazie cha, cha hawhna chata a châ. Ei hmô nahta, â khu lâta pao na ta, bie a reihtuhpa ao cha thei na ta.

DÂNIAH 10:6

A pôhpa beri lôsôhpa lyu ta, a hmia dôhla pathliepa hawhta khaih ta, a mozy meipaleih hawhta châ ta, a bâhzy nata a pheizy dawh hawhta patlie ta, a biereipa ao cha zawpi hluhpi ao hawhta a châ.

DÂNIAH 7:13

“Zâ ta aluahna liata hmô na ta, Moh teh u, avâ meihdo hry liata, Chyhsa sawchapaw a lyupa a vy ta; Hlôthlâhpa hnohta a vy ta, A hmiakô liata amâ vaw chhi.

THEIHTHAINA 16:2

Abeipa ta Mawsi hnohta, “Na unawhpa Arawna chho teh. A khona daihti maihta Byh chô liata patyupa zawngiahna dyuchhai hmiakô liata pohraipa chhôh Su Pathaihpa lâ â ngia awpa châ vei. Zawngiahna dyuchhai chô liata meihdo hry liata a vaw luah tlôh aw na ta, chavâta a thi pathlei aw.

MATHAI 17:2

Ama hmiakô liata a hmia a vaw nano ha ta, a hmia cha noh hawhta khaih ta, a chysiazy chhao khaihpa hawhta vaw dieh ta.

LUKA 21:27

Cha tina chata Chyhsa Sawchapawpa cha hmotaotheina nata rônah ngaitapa ta meihdo hry liata â zupa ama hmô aw.

HMOTAOPAZY 26:13

Hy abei y, lâpi liata ei sie hai nota, nohchhô lichih ta avâ tawhta khaihpa, noh hlâta khaih viapa ta kei nata ei sielâhpazy chheipâh liata a vaw khaihpa hmô na ta.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 18:1

Cha khai tawhta vâlyuhchâpa hropa avâ tawhta a zâ chôpa hmô na ta. Biehneina lai ngaitapa hnei ta, a rônahna ta alei pakhaihsa khai ha ta.

BIEPHUAH 18:21

Chatawhcha vâlyuhchâpa thatlô ngaitapa ta sâhchariehna lô lai ngaitapa a lyupa alô la ta, tilaipi liata thy ta, hetana heta a tah: “Kha hawhna khata, Babylaw khihpi rônahpa chhao, Pasa kawpa ta thypa châ aw ta, Hmô heihpa châ khao aw vei.

BIEPHUAH 20:1

Chatawhcha vârâh tawhta vâlyuhchâpa pakha a za chôpa hmô na ta. Leichiepa khaohtlô châhbi nata bâlia laipa a ku liata a chaba ta.

BIEPHUAH 4:3

Beidyuchhai liata a tyuhpa alânazie cha zaspi nata kânelia lôsôhpa hawhta châ ta, beidyuchhai cha meisaku ta chadô ta, â lânazie cha emerâ lôsôhpa hawhta a châ.

BIEPHUAH 5:2

Vâlyuhchâpa thatlôpa ta ao paro ngaitapa ta, “Châ chatypa he pahy ta a chahnaonazy a pathlâ tlâhpa ahy ma a y?” tahpa ta tlâh a awpa hmô na ta.

BIEPHUAH 8:13

Chatawhcha kaw moh na ta, avâ liata a zawpa pahmôhpi ta ao paro ngaitapa ta, “Vâlyuhchâpa pathôh ta chiahmie ama vaw tô awpa pyuzy vâta, alei liata a pahrâpazy cha ama hu a po na, ama hu a po na, ama hu a po na!” a tahpa thei na ta.