BIEPHUAH 1:7 - Mara Bible RV (BSI)

⁷ Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 1:7 ပူးပေါင်းရင်းမြစ်များ

ZAWBÂ 33:26

Chyhsapa cha Khazohpa lâ thlahchhâ ta, Khazohpa ta chyhsapa cha a pyh ta, Chyhsapa cha Khazohpa hmia hmôpa ta a lypa ta awh ta, Khazohpa ta a siana cha chyhsapa hnohta a pie pakhua heih.

HLAZY 22:16

Izy ta na chadô ei ta, Hmoparaopa pyzy ta na dôhpa ta, Ei kupheizy ama papyu haw.

HLAZY 68:1

Khazohpa cha thyu aw ta, A chariahpazy papaipa ta y aw ei ta, Ano ahaotuhpazy a hmiakô liata amâ râpai aw.

HLAZY 97:2

Meihdo nata zoh kaluhpa ta Abeipa chadô ei ta, Siana nata adona cha a beidyuchhai abôna a châ.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

DÂNIAH 7:13

“Zâ ta aluahna liata hmô na ta, Moh teh u, avâ meihdo hry liata, Chyhsa sawchapaw a lyupa a vy ta; Hlôthlâhpa hnohta a vy ta, A hmiakô liata amâ vaw chhi.

NÂHU 1:3

Abeipa cha hiehâhna kyh liata nainôsôpa châ ta, Hmotaothei ngaitapa a châ; Hmoparaopa deikua cha, Thai pachâ beih aw vei. Khisô nata thlihpipa liata a lâpi y ta, Meihdozy cha a phei doh a châ.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

ZEKARIA 12:11

Cha noh liata, Zerusale liata chaphôhtuna cha Mekidô by liata Hâdârimô chaphôhtuna tlu ta a rarôh a y aw.

MALUHREINA 24:17

Ano cha hmô na ta, Châhrasala tahmâ châ vei; Moh na ta, Châhrasala a hnia vei; Zakaw tawhta awhsi vaw pua aw ta, Izarei tawhta bei a vaw pua aw. Môabâ râh zydua pahnie aw ta, Sethâ saw zydua a pahleipadia khai aw.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 16:28

Hmeiseihta ta ei cha chho ei, he liata a duahpazy hry liana heta, Chyhsa Sawchapawpa he a khinarâh liata â zupa ama hmô hlâlei cha, thina a padi lei awpa ama y,” tah ta.

MATHAI 24:30

Chatawhcha Chyhsa Sawchapawpa ngiana avâ liata a vaw lâ aw ta, alei liata chi to mâchhiesapa ta y aw ei ta, Chyhsa Sawchapawpa cha hmotaotheina nata rônah ngaitapa ta vâ meihdo chô liata â zupa ama hmô aw.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,

MATHAI 26:64

Zisu ta a chhy ta, “Na reipa hawhta ei châ. Châhrasala ei cha chho ei, he tawhta la, Chyhsa Sawchapawpa he Atotaotheipa ku chachâh lâta a tyuhpa ta, vâ meihdo chô liata â vypa nama hmô aw,” tah ta.

MÂKA 13:26

Chatawhcha Chyhsa Sawchapawpa cha hmotaotheina nata rônah ngaitapa ta meihdo hry liata â zupa ama hmô aw.

MÂKA 14:62

Zisu ta, “Ei châ na, Chyhsa Sawchapawpa he Hmotaotheina chachâh lâta a tyuhpa ta, vâ meihdo hry liata â zupa nama hmô aw,” tah ta.

LUKA 21:27

Cha tina chata Chyhsa Sawchapawpa cha hmotaotheina nata rônah ngaitapa ta meihdo hry liata â zupa ama hmô aw.

ZAWHÂNA 19:34

Pheisaih pakha ta a kâ liata asei ta a chô ta, thisaih nata ti thlai vaw pua ta.

ZAWHÂNA 19:37

Biehrai bie hropa chhao ta, “Amâ chôpa cha ama moh aw,” a tah hra.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

1 THYSALAWNIKA 4:17

Cha hnôhlâ ta keimo ahrohpa ta a ypazy pi he, avâ ruapa meihdozy hry liana khita Abeipa dy awpa ta ama hnohta lapa châ aw pi ta, chhâzaw ta Abeipa hnohta eima y ha aw.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

HEBRAI 6:6

ama paosai heihpa khiahta cha, ama rao nawpa ta Khazohpa Sawchapawpa a khaipâ chanei heihpa nata maoh a paphyuhtuhpazy ama châpa vâta, cha hawhpa chyhsazy rona lâ a chhi heih awpa cha hmo thei leipa a châ.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

ZUDÂH 1:14

Cha hawhpa chyhsazy thâtih cha, Âdâh tawhta chhâ sarina Enawka chhao ta, “Moh teh u, Abeipa cha a vâlyuhchâpa pathaihpa thy kha chhaota â vy.

BIEPHUAH 22:20

He biezy a reihtuhpa ta, “Ei vy patoh tlai aw,” a tah. Amen. A vy mah y, Beipa Zisu!

BIEPHUAH 22:4

A hmia hmô aw ei ta, ama khi liata a moh â choh aw.

RYUREITUHPAZY 5:31

“Cha hawhna chata, Hy Abeipa, Na chariahpa zydua leidia khai ei sala, Na viasazy deikua cha, Noh hawhta khaih ei sala, Thatlôpa ta thyu mawh ei sy!” Chatanachata râh cha kô sypalih chhôh thlalôhpa ta y ta.