BIEPHUAH 1:3 - Mara Bible RV (BSI)

³ He chhochhieliena bie he reih ta, nathlie ta, a chhôh liata bie ropa a pyhtuhpa cha a nohlao na, a daihti a hnia ha tlôh ta.

BIEPHUAH 1:3 ပူးပေါင်းရင်းမြစ်များ

BIESOZY 8:34

Noh chareih ta ei chhikaozy lâ a vypa ta, Ei dôhpachhôh ochhizy liata hâ tyh ta, Ei bie a nathlie tyhpa cha a nohlao na.

ZEREMIAH 51:61

Zeremiah ta Seriah hnohta: “Babylaw na tlô tita, he bie zydua he reih tlai la,

MATHAI 24:15

“Chatawhcha hrohsopa Dâniah reipa, roryhrana patlôsatuh pasichhihpa kha, su pathaihpa liata â duapa nama hmô aw. He bie a reihtuhpa ta a yzie pahno mawh sy.

LUKA 11:28

Châhrasala Zisu ta, “Khazohpa bie thei ta a zyhpazy cha chyhsa nohlao hmeiseihpazy tlao ama châ,” tah ta.

RAWMA 13:11

Tahmâhlâ hmo yzie pahno ei chi ta, amôpa thyu â daih haw tahpa nama pahnopa vâta cha cha ei reih. Tahmâ cha eimâ ngiapâ tua no hlâta eima pachhana a hnia via ha tlôh ta.

RAWMA 13:12

Zâ he chhâ daihmâ ta, khih a deih daihmâ. Chavâta zohna hmotaopa zydua thy sih la, khaihna chhaichhi ta a tobi suh u.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

2 PITY 3:8

Kho ngaitapa saih u, he hmo miakha he my khuh vy: Abeipa pachâ ta cha, noh kha he kô sâh kha hawhta châ ta, kô sâh kha chhao noh kha hawhta a châ.

BIEPHUAH 22:10

Chatawhcha vâlyuhchâpa ta, “He châbu liata hrohsona biezy he phih khah y, a daihti â hnia haw.

BIEPHUAH 22:12

Abeipa Zisu ta,“Nathlie teh, ei vy patoh aw. Chyhsa to ama hmotaopa lymâ hawhta pie awpa lymâ ei hnohta a y.

BIEPHUAH 22:20

He biezy a reihtuhpa ta, “Ei vy patoh tlai aw,” a tah. Amen. A vy mah y, Beipa Zisu!

BIEPHUAH 3:11

Ei vy patoh aw. Ahy hmahta na lakho ama cha lapa lei nawpa ta, na hnei chiehpa kha khâchâ patu mah y.