BIEPHUAH 1:18 - Mara Bible RV (BSI)

¹⁸ ahrohpa ei châ. Thi ha na ta, châhrasala moh tua, chhâzaw nata tlyzaw ta ahrohpa ei châ hih. Thina nata Athihkhih châhbizy ei hnei.

BIEPHUAH 1:18 ပူးပေါင်းရင်းမြစ်များ

ZAWBÂ 19:25

Nâ Chatlaituhpa cha a hroh tahpa ei pahno, Achhâna liata la ano ta alei chô liata einâ duakhei aw.

ZAWBÂ 38:17

Thina chhikao na hnohta palâsapa a châ beih ma? Thina nohpahli chhikao na hmô beih ma?

HLAZY 18:46

Abeipa cha hroh ta, Ei lôpanô cha reithaipa ta y sala, Ei pachhana Khazohpa cha palyupalihpa ta y mawh sy.

HLAZY 68:20

Eima Khazohpa cha pachhana Khazohpa châ ta, Thina tawhta puana chhao, Abeipa, zibeipa liata a y.

ISAI 22:22

Dâvi pathlazy châhbi a ngiatlâh liata soh aw na ta, pahy aw ta, ahy hmahta khaw leipa aw ei ta; khaw aw ta, ahy hmahta pahy aw veih ei.

MATHAI 11:23

Nâ, Kâpynia, avâ taihta palyupalihpa ta na y aw ma? Athihkhih lâ a daophi pathlahpa na châ aw. Nâma liata hmonoâhpa taopazy kha, Sawdawmâ liata taopa châ sala, Sawdawmâ kha tanoh taihta a y thlâh ha awpa tlai.

MATHAI 16:19

Vârâh khinarâh châhbizy cha pie aw na ta, alei liata na chahrypa maih, vârâh liata chahrypa châ aw ta, alei liata na pathlâpa maih, vârâh liata pathlâpa a châ aw,” tah ta.

LUKA 24:5

Chanôzy cha chi ngaita ei ta, ama hmia alei lâ a khu ei ta. Chyhsazy chata ama hnohta, “Khazia athihpa hry liata ahrohpa nama tlua?

ZAWHÂNA 11:25

Zisu ta a hnohta, “Kei he thyuheihna nata hrona ei châ. Ahy rai nâ ngiapâpa cha, thi hra sala a hroh thlâh ha aw.

ZAWHÂNA 14:19

Bohpi leipa tawhta khizaw ta na hmô khao aw vei, châhrasala nâmo la eina hmô aw ei chi. Kei ei hrohpa vâta, nâmo chhao nama hroh aw.

RAWMA 6:9

Krista, athihpa hry tawhta pathyupa cha, thi khao aw vei tahpa eima pahno. Thina ta a chô liata bie hnei khao vei.

2 KAWRINI 13:4

Chiehleipa ta khaipâpa châ ta, châhrasala Khazohpa hmotaotheina ta a hroh. Keimo chhao ano liata chiehleipa châ pi ta, châhrasala nâmo eima cha chakaopa vâna heta, Khazohpa hmotaotheina topa ta a hnohta eima hroh hra aw.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

KAOLAOSÂ 3:3

Thi ha ei chi ta, nama hrona cha Khazohpa liata Krista hnohta nyupa ta a y haw.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

HEBRAI 7:16

Ano cha sapa chipathla liata a pahniehpa ryhpa hawhta theihthaipa ta raopa châ leipa ta, hro chhâna hnei leipa hmotaotheina hmâpa ta theihthaipa ta raopa a châ.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

BIEPHUAH 10:6

chhâzaw nata tlyzaw ta a hroh thlâhpa, avâ nata a chhôh liata a ypazy, alei nata a chhôh liata a ypazy, tilaipi nata a chhôh liata a ypazy a paysatuhpa moh reipa ta bie a taih ta, “Bohpi châ khao aw vei.

BIEPHUAH 15:7

Hmohrohneipa miapalihzy hry liata miakha ta vâlyuhchâpa pasarizy hnohta, chhâzaw nata tlyzaw ta hroh thlâhpa Khazohpa hiehâhna ta a biepa ngôh biebuh miasari vaw pie ta.

BIEPHUAH 2:8

“Smynâ Awnanopa vâlyuhchâpa hnohta hetana heta roh teh: ‘Âthaona nata achhâna, thi ha ta, a vaw hroh heihpa khata he biezy he a reih.

BIEPHUAH 20:13

Tilaipi ta a chhôh liata athihpa a ypazy papuasa ta, Thina nata Athihkhih ta ama chhôh liata athihpa a ypazy papuasa hra ei ta, chyhsa to ama hmotaopa lymâ hawhta pachiapa ama châ.

BIEPHUAH 20:14

Chatawhcha Thina nata Athihkhih cha mei tipo liata thypa châ ta. Cha mei tipo cha thina einona a châ.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.

BIEPHUAH 4:9

Hmohrohneipazy ta beidyuchhai liata atyuhpa, chhâzaw nata tlyzaw ta a hroh thlâhpa cha parônahsapa ta palyupalih ei ta, alyna bie ama reina maihta,

BIEPHUAH 5:14

Hmohrohneipa miapalihzy ta, “Amen!” tah ei ta, machâzy cha a khu ei ta, Mietakutaw cha a chhy ei ta.

BIEPHUAH 6:8

Kaw moh na ta, arâ peipa hmô na ta, a chô liata a kiahpa moh cha Thina châ ta, a hnôh lâta Athihkhih ta vaw pazi ta. Khizaw zydua he su palih ta pachhaih ta su kha cha, zaozi, chakâhna, hri nata alei liata sahrâhpazy hmâpa ta thie awpa ta, ama hnohta biehneina piepa a châ.

BIEPHUAH 9:1

Chatawhcha vâlyuhchâpa papangawhna ta a chiahmie vaw tô ta, awhsi avâ tawhta alei lâ a tlapa hmô na ta, leichiepa khaohtlô pahyna châhbi a hnohta piepa châ ta.

1 SAMUELA 2:6

Abeipa ta thie ta, A pahro heih tyh. Athihkhih lâ pangiasa ta, A pathyu heih tyh.