BIEPHUAH 1:17 - Mara Bible RV (BSI)

¹⁷ Ano cha ei hmô nahta, athihpa hawhta a phei thaby liata pao na ta. Châhrasala ano ta a ku chachâh lâ ei chô liata vaw pahnieh ta, ei hnohta, “Chi khah y, kei he âthaona nata achhâna châ na ta,

BIEPHUAH 1:17 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

HLAZY 139:5

Ei hmia ei hnoh ta na chadô chi ta, Ei chô liata na ku na pahnieh.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

PUASAINA 20:20

Mawsi ta zawpi hnohta, “Chi khuh vy. Cha pasia awpa ei ta Khazohpa â vy hih. Nama molei lei nawpa ta, Khazohpa china nâmo liata y mawh sy,” tah ta.

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 41:4

Âthaona tawhta chhâzy ahy ta aw ta, He rai he ahy ta hria ta, Ahy ta ma a patlô tly? Kei, Abeipa he hmiatua chaipa hnohta y na ta, Hnôhchaipa hnohta chhao a ypa ei châ; Keima tlai he na ei châ.

ISAI 44:6

Abeipa, Izarei Beipa ta hetana heta tah ta, Izarei Chatlaituhpa Pheisaihzy Abeipa ta hetana heta a tah: “Kei he hmiatuachaipa nata hnôhchaipa cha ei châ, Keima leipa ta Khazoh hropa rai y veih ei.

ISAI 48:12

Hy Zakaw, Na nathlie la; Hy ei awpa Izarei, Na nathlie teh! Kei he Ano cha ei châ; A hmiatuachaipa châ na ta, A hnôhchaipa ei châ.

CHAPHÔHTUNA 3:57

Ei cha aw tita nâ vaw hnia chi ta, ‘Chi khah y!’ eina tah chi.

EZEKIA 1:28

A chheipâh zydua liata khaihna alânazie cha, vâsua noh ta meihdo liata meisaku alânazie hawhta a châ. Abeipa rônahna lyuna alânazie cha, cha hawhna chata a châ. Ei hmô nahta, â khu lâta pao na ta, bie a reihtuhpa ao cha thei na ta.

DÂNIAH 10:12

Ano ta ei hnohta, “Chi kha, Dâniah, pahnona hnei awpa ta na pathipalôh pie chi ta, na biezy theipa châ ta, na biezy vâta â vypa ei châ.

DÂNIAH 10:15

He biezy lymâ hawhta ei hnohta bie a rei khai nahta, ei hmia alei lâ a khu na ta, reih pathlie thei khao leipa ta vaw y ha na ta.

HABAKU 3:16

Ei thei nahta ei châh-ao a chalyu ta, A pyu ta ei hmao a chathosa; Ei ruzy hmy ta, Ei pheizy â chalyu. Chatahrasala miah a siehnaopa phopi chô liata Nôpona noh a vaw tlô awpa cha ei hâ hualua. Hla chhituhpa châta: Pyungiapa ri chhaopa ta sa awpa

MATHAI 14:27

Zisu ta âmo cha thlai bie a vaw chho ta, ama hnohta, “Thlalôhpa ta y teh u, keima na ei châ, chi khah u,” tah ta.

MATHAI 28:4

Ano ama chipa vâta, vaituhpazy cha a chalyu ei ta, athipa hawhta y ei ta.

MATHAI 28:5

Vâlyuhchâpa chata chanôzy hnohta, “Chi khah u, Zisu ama khaipâpa kha nama tlua tahpa ei pahno.

ZAWHÂNA 13:23

Pachupazy hry liata pakha, Zisu ta kyh a pachâpa cha, Zisu kiapâh liata tlâhkhai dôhpa ta a tyuh ta.

ZAWHÂNA 21:20

Pity cha a heih ta, Zisu kyhpachâpa pachupa, zâ pati nie nota a chachôhna a hniehpa ta ano lâ a heih ta, “Abeipa, châ patusa awpa cha ahy ma a châ?” a tahtuhpa khata a vaw zipa hmô ta.

BIEPHUAH 1:11

“Kei he Alphâ nata Ômekâ, âthaona nata achhâna ei châ. Na hmo hmôpa kha châbu liata roh la, Awnanopa hlao sarizy, Ephesi, Smynâ, Pekamu, Thiatirâ, Sadisâ, Philadelphia nata Laodisi Awnanopazy lâ paphao mah y,” a tahpa thei na ta.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,

BIEPHUAH 1:8

Abeipa Khazohpa ta, “Kei he Alphâ nata Ômekâ châ na ta, a y haipa, a y hapa nata a vaw y awpa, Atotaotheipa ei châ,” a tah.

BIEPHUAH 2:8

“Smynâ Awnanopa vâlyuhchâpa hnohta hetana heta roh teh: ‘Âthaona nata achhâna, thi ha ta, a vaw hroh heihpa khata he biezy he a reih.

BIEPHUAH 22:13

Kei he Alphâ nata Ômekâ, hmiatuapa nata hnôhchaipa, âthaona nata achhâna ei châ.