BIEPHUAH 1:16 - Mara Bible RV (BSI)

¹⁶ A ku chachâh lâta awhsi miasari chaba ta, a pakah tawhta zaozi hâh nopa vaw pua ta, a hmia cha nohchhô locho no hawhta a khaih.

BIEPHUAH 1:16 ပူးပေါင်းရင်းမြစ်များ

ZAWBÂ 38:7

Deiva awhsizy hla sapakhy ei ta, Khazoh sawzy a lypa ta ama aw no kha?

HLAZY 45:3

Hy pasaipha, na zaozi na chai liata a saih la, Rônahna nata abeina ta a tobi mah y.

HLAZY HLA 6:10

“My khihdei hawhta pavâpa ta, Chôthlapi hawhta panyu ta; Noh lynô hawhta khaihpa ta, Pohraipazy a chaluahpa pheisaih hri hawhta Hihâ a hneipa cha ahy ma a châ tly?”

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 24:23

Pheisaihzy Abeipa ta Zaio Tlâh nata Zerusale liata ryureih ta, A machâzy hmiakô liata A rônahna chaluahpa a châ tita; Thlâpâ khi hmiachhiepa ta y aw ta, Noh chhao nohzaopa ta a y aw.

ISAI 49:2

Ei pakah he zaozi tiahpa hawhta tao ta, A ku nohpahli ry liata eina nyu; Châtai patliepa ta na tao ta, A châtai byh liata eina khô.

DÂNIAH 12:3

A sopazy cha avâ khaihpa hawhta khaih aw ei ta, chyhsa hluhpi siana lâta a paheisatuhpazy cha awhsi hawhta chhâzaw nata tlyzaw ta ama khaih aw.

DÂNIAH 8:10

Avâ liata a ypazy tlôna taihta seih ta, avâ liata a ypa thokha nata awhsi thokhazy cha alei lâ za thy ta, âmo cha tlypâ ta.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MATHAI 17:2

Ama hmiakô liata a hmia a vaw nano ha ta, a hmia cha noh hawhta khaih ta, a chysiazy chhao khaihpa hawhta vaw dieh ta.

HMOTAOPAZY 26:13

Hy abei y, lâpi liata ei sie hai nota, nohchhô lichih ta avâ tawhta khaihpa, noh hlâta khaih viapa ta kei nata ei sielâhpazy chheipâh liata a vaw khaihpa hmô na ta.

EPHESI 6:17

Chatawhcha pachhana lakhu a khu u la, Thlahpa zaozi a chaba teh u. Thlahpa zaozi cha Khazohpa bie a châ.

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.

BIEPHUAH 1:20

Ei ku chachâh lâta awhsi miasari na hmôpazy nata ngôh meiôh patyuna miasari na hmôpazy kyh liata bienyupa cha he he a châ: Awhsi miasarizy cha awnanopa hlao sarizy châta vâlyuhchâpazy châ ei ta, meiôh patyuna miasarizy cha awnanopa hlao sarizy ama châ,” tah ta.

BIEPHUAH 10:1

Chatawhcha vâlyuhchâpa hropa thatlô ngaitapa avâ tawhta a za chôpa hmô na ta. Meihdo ta a tobi ta, a luh chô liata meisaku a zawh ta, a hmia cha noh hawhta khaih ta, a pheizy cha mei tôh hawhta a châ.

BIEPHUAH 12:1

Chatawhcha ngiana rônahpa avâ liata a vaw lâ ta. Chanô pakha, noh ta a tobi ta, a phei ry liata thlâpâ y ta, awhsi miahrawh hleino ta taopa lakho a khopa vaw y ta.

BIEPHUAH 19:15

A pakah tawhta zaozi tiah ngaitapa vaw pua ta, cha chata phopizy chhawh aw ta, thua chôchahrei ta ama chô liata ryureih aw ta, Khazohpa Atotaotheipa hiehâhna ru ngaitapa kre saohna khaoh a tly aw.

BIEPHUAH 19:21

Ahropazy cha arâ a kiahpa pakah tawhta zaozi a vaw puapa ta chhawhsaopa châ ei ta, ama sapa cha pavaw zydua ta nie ei ta, rihbiepa ta ama y.

BIEPHUAH 2:1

“Ephesi Awnanopa vâlyuhchâpa hnohta hetana heta roh teh: ‘A ku chachâh lâta awhsi miasari chaba ta, ngôh meiôh patyuna miasarizy hry liata a hlai ngâpa khata he biezy he a reih.

BIEPHUAH 2:12

“Pekamu Awnanopa vâlyuhchâpa hnohta hetana heta roh teh: ‘Zaozi hâh no tiahpa a hneipa khata he biezy he a reih.

BIEPHUAH 2:16

Chavâta ro mah y. Chataleipatala nâ lâ a vy patoh aw na ta, ei pakah zaozi ta âmo cha ei vaw dyuh aw ei.

BIEPHUAH 3:1

“Sadisâ Awnanopa vâlyuhchâpa hnohta hetana heta roh teh: ‘Khazohpa Thlahpa pasari nata awhsi miasari a hneipa khata he biezy he a reih. “‘Na hmotaopazy ei pahno. Ahrohpa moh phaoh chi ta, châhrasala athipa na châ.

RYUREITUHPAZY 3:16

Ehu ta zaozi hâh nopa, dy kha a seihpa daih ta, cha cha a chysiazy ry liata nyupa ta, a chachâh lâ byhpi liata chahry pâ ta.

RYUREITUHPAZY 5:31

“Cha hawhna chata, Hy Abeipa, Na chariahpa zydua leidia khai ei sala, Na viasazy deikua cha, Noh hawhta khaih ei sala, Thatlôpa ta thyu mawh ei sy!” Chatanachata râh cha kô sypalih chhôh thlalôhpa ta y ta.