BIEPHUAH 1:11 - Mara Bible RV (BSI)

¹¹ “Kei he Alphâ nata Ômekâ, âthaona nata achhâna ei châ. Na hmo hmôpa kha châbu liata roh la, Awnanopa hlao sarizy, Ephesi, Smynâ, Pekamu, Thiatirâ, Sadisâ, Philadelphia nata Laodisi Awnanopazy lâ paphao mah y,” a tahpa thei na ta.

BIEPHUAH 1:11 ပူးပေါင်းရင်းမြစ်များ

ISAI 30:8

Tahmâ he sie la, cha biezy cha, Ama hmiakô liata lôphiapa liata roh la, Châbu liata chhao roh teh; Chatanachata daihti vaw y awpazy liata, Chhâzaw nata tlyzaw ta pahnokheituhpa a châ aw.

ZEREMIAH 30:2

“Izarei Khazohpa Abeipa ta hetana heta a tah: ‘Na hnohta ei reipa bie zydua kha châbu liata roh khai mah y.

HABAKU 2:2

Abeipa ta hetana heta einâ chhy: “Aluahna roh la, A reihpa maihta thlai ama reih thei nawpa ta, Lôphia chô liata a siapa ta roh mah y.

HMOTAOPAZY 16:14

Eima bie a theipazy hry liata pakha cha, Thiatirâ zuah Lydia ama tahpa a châ. Ano cha poh nohsaihpa a zuahpa châ ta, Khazohpa a chhytuhpa chanô a châ. Pawla bie reipa a phapa ta pachâ awpa ta Abeipa ta a palôh pahy ta.

HMOTAOPAZY 18:24

Alezandria khihpa Zu chyhsa Apawlôsâ ama tahpa Ephesi lâ a vy ta. Ano cha a pakah paleih a thlâzi kawpa nata Biehrai a pahno kawpa a châ.

HMOTAOPAZY 20:17

Miletâ tawhta Ephesi lâ chyhsa tuah ta, Awnanopa machâzy ano a vaw hmô awpa ta kei paawsa ta.

1 KAWRINI 15:32

Chyhsapa lâ tawhta reipa ta la, Ephesi khih liata sahrâhpazy nata eimâ tupa kha, ei châta khâpa a phahnai aw? Athihpazy pathyupa ama châ vei khiahta cha, “Mylâ thi tlôh aw pi ta, Chavâta nie sih la, doh suh u.”

1 KAWRINI 16:8

Châhrasala Pentikaws noh taih cha Ephesi khih liata ei vaw y chy aw.

EPHESI 1:1

Pawla, Khazohpa khozie hawhta Krista Zisu lyuhchâpa ta Ephesi khih liata mopathaihpazy nata Krista Zisu liata ngâchhihpazy ei châ naoh ei.

RYHPACHANEINA 31:19

“Chavâta he hla he nama châta roh u la, Izarei sawzy pachu u la, Izarei sawzy ei dyuhna nâ pahnokheituhpa châta ama pakah liata soh u la, pasasa tyh muh vy.

KAOLAOSÂ 2:1

Nâmo nata Laodisi khih liata a ypazy nata ei hmia nâ hmô leipazy châta kha tlu ta ma ei tei lylia tahpa nama pahno awpa ei khoh.

1 TIMAWTHY 1:3

Mâsidônia râh lâ ei sie nota, nâ cha Ephesi khih liata châh ta, chyhsa thokhazy hnohta biezyhpa nanopa pachu lei awpa ta biepie awpa ta châ haw na ta.

BIEPHUAH 1:17

Ano cha ei hmô nahta, athihpa hawhta a phei thaby liata pao na ta. Châhrasala ano ta a ku chachâh lâ ei chô liata vaw pahnieh ta, ei hnohta, “Chi khah y, kei he âthaona nata achhâna châ na ta,

BIEPHUAH 1:19

Chavâta na hmo hmôpa, hmo a y haipazy nata tahmâ tawhta a vaw y awpazy cha roh teh.

BIEPHUAH 1:2

Cha Zawhâna cha Khazohpa bie nata Zisu Krista bie pahnotuhpa châ ta, ano mo tlai ta hmôpa ta a pahnokheituhpa a châ.

BIEPHUAH 1:20

Ei ku chachâh lâta awhsi miasari na hmôpazy nata ngôh meiôh patyuna miasari na hmôpazy kyh liata bienyupa cha he he a châ: Awhsi miasarizy cha awnanopa hlao sarizy châta vâlyuhchâpazy châ ei ta, meiôh patyuna miasarizy cha awnanopa hlao sarizy ama châ,” tah ta.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,

BIEPHUAH 1:8

Abeipa Khazohpa ta, “Kei he Alphâ nata Ômekâ châ na ta, a y haipa, a y hapa nata a vaw y awpa, Atotaotheipa ei châ,” a tah.

BIEPHUAH 10:4

Tôkalôhpa miasari â vaw thua nahta, châ ro awpa a chhuah na ta, châhrasala avâ tawhta ao ta, “Tôkalôhpa miasarizy bie reipa kha phih la, roh khah y,” a tahpa thei na ta.

BIEPHUAH 14:13

Chatawhcha avâ tawhta ao ta, “Hetana heta roh teh: Tahmâ tawhta la, Abeipa liata athipazy ama nohlao aw,” a tahpa thei na ta. Thlahpa ta, “A châ na, ama hriapasanazy a pahâsai aw ei ta, ama hmotaopazy ta a zi aw ei!” tah ta.

BIEPHUAH 19:9

Vâlyuhchâpa chata ei hnohta, “Mietakutaw myuh hneina kyhchhi liata hruapazy cha ama nohlao na, tahpa ta roh teh,” na tah ta. Chatawhcha ei hnohta, “Hezy he Khazohpa biehmeiseihpazy a châ,” tahpa ta na chho ta.

BIEPHUAH 2:1

“Ephesi Awnanopa vâlyuhchâpa hnohta hetana heta roh teh: ‘A ku chachâh lâta awhsi miasari chaba ta, ngôh meiôh patyuna miasarizy hry liata a hlai ngâpa khata he biezy he a reih.

BIEPHUAH 2:12

“Pekamu Awnanopa vâlyuhchâpa hnohta hetana heta roh teh: ‘Zaozi hâh no tiahpa a hneipa khata he biezy he a reih.

BIEPHUAH 2:18

“Thiatirâ Awnanopa vâlyuhchâpa hnohta hetana heta roh teh: ‘Khazohpa Sawchapawpa, meipaleih hawhpa mokhaoh a hneipa, a pheipazah dawh patliepa a lyupa khata he biezy he a reih.

BIEPHUAH 2:24

Nâmo, Thiatirâ liata a ypa mohropazy, Zezebel pachuna a pyh leipa ta, Sâtâ hmo athupa ama tahpa kyh a chu leipazy deikua cha, ei cha chho ei. Nâmo la phaohri hropa khâpa hmah cha pahnieh thlu aw veih ei na.

BIEPHUAH 2:8

“Smynâ Awnanopa vâlyuhchâpa hnohta hetana heta roh teh: ‘Âthaona nata achhâna, thi ha ta, a vaw hroh heihpa khata he biezy he a reih.

BIEPHUAH 21:5

Beidyuchhai liata a tyuhpa ta, “Moh tua, hmo to a thiehpa ta ei tao haw,” tah ta. “Roh teh, he biezy he ngâ a chhih ta â do,” tah heih ta.

BIEPHUAH 22:10

Chatawhcha vâlyuhchâpa ta, “He châbu liata hrohsona biezy he phih khah y, a daihti â hnia haw.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.

BIEPHUAH 3:1

“Sadisâ Awnanopa vâlyuhchâpa hnohta hetana heta roh teh: ‘Khazohpa Thlahpa pasari nata awhsi miasari a hneipa khata he biezy he a reih. “‘Na hmotaopazy ei pahno. Ahrohpa moh phaoh chi ta, châhrasala athipa na châ.

BIEPHUAH 3:14

“Laodisi Awnanopa vâlyuhchâpa hnohta hetana heta roh teh: ‘Ngâchhihpa nata pahnokheituh dopa nata Khazohpa hmotaopazy âthaona Amen ta he biezy he a reih.

BIEPHUAH 3:4

Châhrasala Sadisâ liata chyhsa chyhta ama y chy. Âmo cha ama poh a papuapalei leipazy châ ei ta, poh diehpa a bupa ta ei hnohta ama charei aw. Cha hawhta a y thei awpazy tlai ama châ.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.