BIEPHUAH 1:10 - Mara Bible RV (BSI)

¹⁰ Abeipa noh liata Thlahpa ta vaw y na ta, chatawhcha ei hnôhky lâta chiahmie pyu hawhta ao paro ngaitapa thei na ta, ao chata,

BIEPHUAH 1:10 ပူးပေါင်းရင်းမြစ်များ

MALUHREINA 24:2

Bâlâma cha mohmia pasaih ta, Izarei sawzy a chi chi ta riehmo ama paryhpa hmô ta. Khazohpa Thlahpa a chô liata vaw tlô ta,

MATHAI 22:43

Zisu ta ama hnohta, “Cha khiah, kheihtazie ta Dâvi kha Thlahpa ta pareisapa ta, ano cha Abeipa a tah tly? Dâvi ta,

ZAWHÂNA 20:19

Cha noh, hâta noh hmiatuapa zâlâ ta, Zuzy chipa vâta pachupazy yna ochhizy cha khaw ei ta. Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

ZAWHÂNA 20:26

Noh charie a châ tawhta, a pachupazy cha o chhôh liata y heih ei ta. Thawma chhao ama hnohta y hra ta. Ochhizy khaw hapa a châ tarawpa ta, Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

HMOTAOPAZY 20:7

Hâta noh hmiatua chaipa liata, viahchhâ eichheih awpa ta eima y pakhy nota, Pawla cha a mylâ sie â chhuahpa vâta, zâcho taihta ama hnohta bie reih ta.

1 KAWRINI 12:3

Chavâta he he nama pahno awpa ei khoh: Khazohpa Thlahpa chhihthapa ta bie a reihtuhpa ta, “Zisu cha chhiesapa a châ!” tah beih vei. Ahy hmahta Thlahpa Pathaihpa chhihthana dei leipa ta cha, “Zisu cha Abeipa a châ,” tah thei veih ei.

1 KAWRINI 16:2

Ei vy tita thyuna khei chhyhpa a châ lei nawpa ta, hâta noh hmiatuapa lia maihta, chyhsa to byhnâ nama topa lymâ hawhta thyuna sohpakhypa ta nama pachô lymâ aw.

BIEPHUAH 17:3

Chatawhcha Thlahpa ta râhchawhpa lâ na siekhei ta, Khazohpa reipachhiena mohzy ta a biepa, luh sari nata ki hrawh a hneipa sahrâhpa saihlawpa chô liata a kiahpa chanô hmô na ta.

BIEPHUAH 21:10

Thlahpa ta tlâh laipa nata a sâhpa lâ nâ chhi ta, khihpi pathaihpa Zerusale cha vârâh liata Khazohpa tawhta a za chô haipa na pahmô ta.