BIECHHOTUHPA 9:7 - Mara Bible RV (BSI)

⁷ Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

BIECHHOTUHPA 9:7 ပူးပေါင်းရင်းမြစ်များ

ÂTHAONA 12:19

Khazia, ‘Ei sietanô na a châ’ na tah? Cha vâna chata mah ei lapinô ta ei hnei ha tâh? Moh teh, na lapinô hih, a chhi la, sie syulyu ha mah y,” tah ta.

1 ABEIZY 8:66

A noh chariena noh ta zawpizy cha papaisa ta, abei cha byhnâ awpa ei ta, Abeipa ta a chakaotuhpa Dâvi nata a phopi Izarei chô liata phana a palâsapa zydua vâta, a ly ngaitapa nata palôh tlâh ngaitapa ta ama o chyu lâ amâ di haw.

BIECHHOTUHPA 10:19

Pahnei awpa ta kyhchhi taopa châ ta, Kresawhti ta hro palysa ta, Tâkâ cha khopa to hneina a châ.

BIECHHOTUHPA 11:8

Chavâta chyhsa ta kô hluhpi a hro khiahta cha, cha zydua liata a ly mawh sy. Anodeikua cha zohna nohzy chhao a hluh kaw aw tahpa a thei mawh sy. Hmo a vaw tlôpa zydua he hraoleipa sai na a vaw châ.

BIECHHOTUHPA 5:18

Moh teh u, hmo phapa nata a hmiepa ta ei hmôpa cha, chyhsa ta niepa ta doh ta, Khazohpa ta a piepa noh chyhta a hnei chhôh ta, noh ry liata a hriapasana zydua liata alyna a hnei awpa he a châ. Cha cha a tovyuh a châ.

BIECHHOTUHPA 7:14

Phana noh liata a ly la, chhiena no liata he he pachâ mah y: Phana chhao, chhiena chhao, Khazohpa taopa a châpa vâta, chyhsapa ta a hmialâ daihti liata hmo a vaw y awpa khâpa hmah pahno vei.

BIECHHOTUHPA 8:15

Chavâta chyhsapa châta hro lyna hnei awpa ei khokhei. Noh ry liana heta niepa ta doh ta, a lypa ta y awpa hlâta a pha viapa chyhsapa châta y vei. Chatanachata noh ry liata Khazohpa ta a piepa a hro chhôh noh zydua liata, alyna chôta a hriapasa lymâ thei aw.

MALUHREINA 6:20

Theihthaipa ta chazy cha chaluahpa hlâna ta Abeipa hmiakô liata a chaluah aw. Chaluahpa palôh nata chalopa phei cha theihthaipa tovyuh pathaihpa a châ. Cha khai tawhta Nâzarai cha kresawhti a doh thei aw.

MÂKA 7:29

Zisu ta a hnohta, “Na bie reipa vâna chata na o lâ a di mah y. Ahripa cha na sawchanô chhôh tawhta a pua haw,” tah ta.

LUKA 11:41

A chhôh liata hmo a ypa cha dyhchhiepazy pie awpa ta hmâh teh u, chatanachata nama châta ato a pathaih aw.

ZAWHÂNA 4:50

Zisu ta a hnohta, “Sie mah y, na sawchapawpa cha a hroh aw,” tah ta. Cha chyhsa cha Zisu ta a hnohta bie a reipa cha zo ta, sie ha ta.

HMOTAOPAZY 10:35

Phopi to hry liata ahy rai ano a chipa nata hmo dopa a taopa maih cha Khazohpa ta â ly khai ei.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

RUTHI 3:7

Bôaza cha nie ta a doh khai nahta, a palôh a ly ngaita ta, vawh ta sâh pathluna chhâna liata a kei zia ta. Ruthi cha a zyhta ta vawh ta, a phei lâta poh cha hy ta, a phei thaby liata a zia ta.