BIECHHOTUHPA 9:5 - Mara Bible RV (BSI)

⁵ Ahrohpazy cha ama thi awpa a pahno ei ta, athipazy deikua cha khâpa hmah pahno khao veih ei. Chavâta lymâ ama dao awpa y khao leipa ta, ama moh chhao mypa ta a y.

BIECHHOTUHPA 9:5 ပူးပေါင်းရင်းမြစ်များ

2 SAMUELA 14:14

Eima zydua ta eima thi khai aw. Alei liata ti patlaipa hawhta eima châ. Li pakhua thaipa châ khao vei. Hrona cha Khazohpa ta la aw vei. A râ hapa cha ano tawhta â hla pathlah lei nawpa ta ryh tlao a rao tyh hri.

ZAWBÂ 14:21

A sawchapawzy palyupalihpa châ ei ta, Châhrasala pahno khao vei; Panawhpa châ ei ta, Hmô khao hra vei.

ZAWBÂ 30:23

Thina lâ einâ chhi aw chi tahpa pahno na ta, Ahropa zydua châta raopa o lâ einâ chhi aw chi tahpa ei pahno.

HLAZY 109:15

Ama moleinazy Abeipa hmiakô liata khâ y sala, Âmo atheithlâhna alei tawhta chhawh pathlah ha mawh sy!

HLAZY 6:5

Thina liata nâma atheina y leipa aw ta, Athihkhih liata ahy ma châ reithai aw?

HLAZY 88:13

Hy Abeipa, kei deikua cha, cha awsao na ta, Mydi ta ei thlahchhâna na hmiakô liata a vaw tlô tyh.

BIECHHOTUHPA 1:11

Hmo parohpazy a thei ngâ thlâh hapa châ leipa ta, Hmo a vaw y awpazy chhao, Chhâ a vaw y awpazy ta a thei ngâ thlâh ha aw veih ei.

BIECHHOTUHPA 2:16

Asopa chhao, ahrupa chhao, chhâzaw ta a thei thlâh hapa châ aw veih ei. Nohzy khô laih aw ta, mypa ama châ khai aw. Asopa chhao ahrupa hawhta a thi thlâh ha hrapa a châ.

BIECHHOTUHPA 7:2

Kyhchhi a hlaopa hlâta, Mâchhiesana o lâ vawpa a pha via; Cha cha chyhsa zydua chhâna noh châ ta, Ahrohpazy ta ama palôh liata ama khô awpa a châpa vâta.

BIECHHOTUHPA 8:10

Chatawhcha a pha kawpa ta moleipa ama pabupa hmô na ta. He moleipazy he moleina hmo taona chôta su pathaihpa liata a ngia heih pua heih a tahpa nata khihpi liata reithai a hlaopazy ama châ. Cha chhao cha hraoleipa deita a châ.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

BIECHHOTUHPA 9:4

Ahrohpazy hnohta a pahlao chypa châta deikua cha hnabeiseihna a y. I hrohpa cha chakeibarôhneipa thipa hlâta a phahnai via.

ISAI 26:14

Bei hropazy cha thi ha ei ta, Hroh heih khao aw veih ei; Nohpahlipa dei châ ei ta, Thyu heih khao aw veih ei. Âmo cha hriepa ta pahleipadia khai ha chi ta, A thei ngâ thlâh hapa châ khao veih ei.

ISAI 63:16

Abarahâ ta miah pahno vei hra sala, Izarei ta miah pachâ vei hra sala, Nâ cha eima Paw mah na châ tâh. Hy Abeipa, nâ cha eima Paw châ chi ta, Na moh cha hlâno tawhta miah Chatlaituhpa a châ.

LUKA 20:32

Achhâna liata chanô chhao cha thi ha hra ta.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.