BIECHHOTUHPA 9:3 - Mara Bible RV (BSI)

³ Noh ry liata hmo taopa to liata hmo chhiepa a ypa cha he he a cha: chyhsa zydua ama tovyuh awpa â lyu khaipa hih. Chyhsa sawzy cha ama hro chhôh ta ama palôh liata moleina nata hruna ta bie ta, cha hnôhlâ ta athipazy yna lâ ama sie tyh.

BIECHHOTUHPA 9:3 ပူးပေါင်းရင်းမြစ်များ

ÂTHAONA 6:5

Alei chô liata chyhsapa cha thata vaw molei ta, a palôh phaozie chhao, khatino rai ta moleina lâ a heihpa a châzie Abeipa ta hmô ta.

ÂTHAONA 8:21

Abeipa ta ropahâhpa cha a thei nahta, Abeipa ta a palôh ta, “Alei he chyhsapa vâta chhiesa heih khao aw va na, chyhsapa palôrupa phaozie cha a hawti no tawhta moleipa châ tlôh ta. Tahmâ ta ei hriepa hawhna heta, hmohrohneipa to hrie heih khao aw va na.

ZAWBÂ 15:16

Chyhsa pasichhihpa nata avyuhpa, Ti hawhta adoleina a dohpa chhochhi cha, A mohmô liata a tloh lei pachai aw dia!

ZAWBÂ 21:26

Dohlei liata â lyupa ta a zia ei ta, Châkariepa ta a pahly raihrie ei.

ZAWBÂ 9:22

Hmo to he miakha sai a vaw châ; Chavâta ei reih aw, ‘Mosiapa chhao moleipa chhao a pahleipadia tyh ei.’

HLAZY 51:5

Pachâ teh, paraona liata taopa châ na ta, Ei nô ta moleina liata a phaopa ei châ.

HLAZY 64:7

Châhrasala Khazohpa ta âmo cha châtai ta ka ta, Eikhapi ta hmahphaopa ta ama y.

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

BIECHHOTUHPA 1:17

Chatanachata sona kyh pahnopa ta, hruna nata ngâna kyh chhao pahno awpa ta ei palôh hmâh na ta. Cha chhao cha thlih a chadaipa deita a châ tahpa ei pahno haw.

BIECHHOTUHPA 12:7

dohlei a yna tyhpa alei lâ a kua heih hlâta nata thlahpa a pietuhpa Khazohpa lâ a kua heih hlâta, châ Taotuhpa cha khâ a thei mah y.

BIECHHOTUHPA 2:14

Chyhsa sopa cha a luh liata mokhaoh hnei ta, ahrupa deikua cha zohna ry liata a sie tyh. Châhrasala ama to awpa cha ama zydua châta miakhapa a châ tahpa ei pahno.

BIECHHOTUHPA 7:2

Kyhchhi a hlaopa hlâta, Mâchhiesana o lâ vawpa a pha via; Cha cha chyhsa zydua chhâna noh châ ta, Ahrohpazy ta ama palôh liata ama khô awpa a châpa vâta.

BIECHHOTUHPA 7:25

Sona patuapalua ta, tlua ta, hmo yziezy pahno awpa ta ei palôh pahei na ta, moleina he hruna a châzie nata hrungâ kathluhna kyhzy pahno awpa ta ei palôh pahei hra na ta.

BIECHHOTUHPA 8:11

Moleina hmo a taopazy cha thlai ta hriepa ama châ leipa vâta, chyhsa sawzy palôh cha moleina kyh liata a riah a pha tlamaw tyh.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

BIECHHOTUHPA 9:2

Chyhsa zydua chô liata hmo a vaw tlô awpa â lyu khai. Mosiapa nata moleipa, chyhsa phapa nata chyhsa chhiepa, chyhsa pathaihpa nata chyhsa pathaih leipa nata atheihna a hlâpa nata a hlâ leipa zy chô liata â lyupa ta hmo a vaw tlô tyh. Chyhsa phapa chô liata hmo a tlôpa hawhta, moleipa chô liata tlô ta, bie â taihpa chô liata tlôpa hawhta, bie â taih leipa chô liata chhao a tlô hra.

BIECHHOTUHPA 9:4

Ahrohpazy hnohta a pahlao chypa châta deikua cha hnabeiseihna a y. I hrohpa cha chakeibarôhneipa thipa hlâta a phahnai via.

ZEREMIAH 16:12

Nâmo tlai chhao, châ pathlatuhpazy hlâta paru via ei chi ta, pachâ tua u, chyhsa to nama palôh chhorupa moleina lâpi a chhih ei chi ta, kei na nathlie khoh veih ei chi.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 17:9

Palôh he hmo zydua hlâta dôvei a thai chaipa châ ta, Pasichhih ngaitapa a châ; Ahy ma chyhsapa palôh a pahno thei aw?

LUKA 15:17

 vaw pahno pasia nahta, ‘Ei paw o liata hria hlaopa hluhpi y ei ta, nie tiah lei ama hnei thlâh bao na ta, kei deikua cha nodipa ta he liata ei thi aw hih!

LUKA 6:11

Ryhpa pachutuhpazy nata Phârisaihzy cha ama pathi ia ngaita ta, Zisu chô liata kheihta tao awpa ma tahpa a chhohia ei ta.

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.

HMOTAOPAZY 26:11

Pakhyna o zydua liata âmo cha hrie tyh ei na ta, Khazohpa moh reipachhie awpa ta tao ei na ta, ama chô liata nôchhie ngaitapa ta y na ta, râh hropa khihpi lâzy taihta âmo a taola laihpa ei châ.

HMOTAOPAZY 26:24

Cha hawhta a thaichâna bie a rei hai nota, Festâ ta ao paro ngaitapa ta, “Pawla, na palôh â ki khao leipa he! Nâ chu hluhna ta a cha pahrusa ha hih!” tah ta.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

2 PITY 2:16

Châhrasala Bâlâma cha a moleina vâta rapa châ ta, alâ reih pathlie thei leipa cha chyhsapa hawhta bie vaw reih ta, hrohsopa hruna cha a pakhâ haw.