BIECHHOTUHPA 9:2 - Mara Bible RV (BSI)

² Chyhsa zydua chô liata hmo a vaw tlô awpa â lyu khai. Mosiapa nata moleipa, chyhsa phapa nata chyhsa chhiepa, chyhsa pathaihpa nata chyhsa pathaih leipa nata atheihna a hlâpa nata a hlâ leipa zy chô liata â lyupa ta hmo a vaw tlô tyh. Chyhsa phapa chô liata hmo a tlôpa hawhta, moleipa chô liata tlô ta, bie â taihpa chô liata tlôpa hawhta, bie â taih leipa chô liata chhao a tlô hra.

BIECHHOTUHPA 9:2 ပူးပေါင်းရင်းမြစ်များ

ÂTHAONA 24:3

Lei nata vâ Khazohpa Abeipa moh ta bie cha pataihsa awpa ei khoh. Ei sawchapawpa lapinô châta ei pahrâna Kâna zuah na hiapa awpa châ vei.

ZAWBÂ 9:22

Hmo to he miakha sai a vaw châ; Chavâta ei reih aw, ‘Mosiapa chhao moleipa chhao a pahleipadia tyh ei.’

HLAZY 73:3

Moleipazy vâphana ei hmô nahta, Apalaipazy ei uahva kaw tyh ei.

BIECHHOTUHPA 2:26

Ano a palysatuhpa cha, Khazohpa ta sona nata novâhna nata alyna pie ta, moleipa deikua cha, Khazohpa palôh a patlâhpa hnohta pie awpa lapakhyna nata pahmaohpakhyna rai a pahriasa tyh. Cha chhao cha hraoleipa châ ta, thlih a chadaipa deita a châ.

BIECHHOTUHPA 3:19

Chyhsa sawzy chô liata a tlô awpa nata sahrohzy chô liata a tlô awpa cha miakhapa châ ta, pakha thi ta, ahropa chhao a thi hra. Husona miakha a hneipa châ ei ta, chyhsapa cha sahroh hlâta a duahmo pha via hlei vei. Ato zydua hraoleipa a châ khai.

BIECHHOTUHPA 6:6

Kô sâh lie no hmah hroh hra sala, hmo phapa a hmô tlôh vei khiahta cha, athipa ta a pihpa hlâta a pha viana y vei. Ama pano ta su miakha a pangaipa ama châ.

BIECHHOTUHPA 7:18

He he nâ patu awpa a pha, pathlie cheita khah y. Khazohpa a chituhpa cha, cha hawhta tah tu pâpa hnei lei awpa ta â vaih aw.

BIECHHOTUHPA 7:2

Kyhchhi a hlaopa hlâta, Mâchhiesana o lâ vawpa a pha via; Cha cha chyhsa zydua chhâna noh châ ta, Ahrohpazy ta ama palôh liata ama khô awpa a châpa vâta.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

BIECHHOTUHPA 9:3

Noh ry liata hmo taopa to liata hmo chhiepa a ypa cha he he a cha: chyhsa zydua ama tovyuh awpa â lyu khaipa hih. Chyhsa sawzy cha ama hro chhôh ta ama palôh liata moleina nata hruna ta bie ta, cha hnôhlâ ta athipazy yna lâ ama sie tyh.

ZEREMIAH 43:6

chapawzy, chanôzy, hawtizy, abei sawchanôzy nata pheisaih hyutuhpa Nebuzarâdâ ta Sâphâ sawchapawpa Ahikâ sawcha­pawpa Kedaliah nata a hnohta a siesaipa zydua chhaota Izi râh lâ amâ chhi khai haw. Hrohsopa Zeremiah nata Neriah sawchapawpa Bâruka chhao amâ chhi ha hra.

MALAKHAI 3:15

Tahmâ cha apalaipazy nohlaopa tah pi ta, moleipazy hra ta ama hneirôhpa dei châ leipa ta, Khazohpa pasia ei ta amâ boh thlâh haw,’ nama tah.”

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

1 SAMUELA 14:26

Pheisaihzy ta râhmâhpa amâ ngia nahta, moh teh u, kheihti vaw loh ngâ kaw ta. Châhrasala bietai ama chipa vâta, a pakah liata a ku â tupa rai y veih ei.