BIECHHOTUHPA 9:11 - Mara Bible RV (BSI)

¹¹ Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

BIECHHOTUHPA 9:11 ပူးပေါင်းရင်းမြစ်များ

2 SAMUELA 17:14

Absalaw nata Izarei chyhsa zydua ta, “Arakhi chyhsa Husai ryhraopa he Ahitôphe ryhraopa hlâta a pha via na,” tah ei ta. Absalaw chô liata Abeipa ta chhiena a patlôsa thei nawpa ta, Ahitôphe ryhraona phapa cha pahnie awpa ta Abeipa ta a vaw pachhuahpanoh hapa a châ.

2 SAMUELA 17:23

Ahitôphe cha ano ryhraona hawhta taopa a châ leipa a pahno nahta, alâ ky padia ta, pua ta, ano khih liata a o lâ sie ha ta. A chhôhkha khihsatôhtuna paryh ta, a paaosao ta, thi ta, a paw thlâ liata ama pabu haw.

2 THÂTIHZYRONA 20:15

Zahâzie ta, “Nâmo, Zudâh râhsaw zydua nata Zerusale khihsaw zydua nata Bei Zehôsaphâ y, nathlie teh u. Abeipa ta nama hnohta, ‘Chi leipa u la, pheisaih hri hluh ngaitapazy vâta ngiarohpa ta y hra khuh vy. Adyuhna cha nâmo adyuhna châ leipa ta Khazohpa adyuhna a châ.

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

HLAZY 76:5

Riahphapazy hraopa ta y ei ta, Amâ môna liata a môsao ei ta, Pasaiphazy ama ku hmâh thei khao veih ei.

BIESOZY 1:5

Asopazy ta theipa ta ama pahnona a pôh via nawpa ta, Novâhpazy ta pasopakâna bie ama dao thei nawpa ta,

BIECHHOTUHPA 2:12

Chatawhcha sona nata ngâna nata hruna kyh zy lâ a heipa ta pachâ na ta. Abei a thla awpa chyhsa cha, bei tuapazy tao chiehpa tah leipa ta cha, khâpa hropa ma a tao thei aw?

BIECHHOTUHPA 3:14

Khazohpa ta a taopa maih cha a y kôzaw aw tahpa ei pahno. Khâpa hmahta baichha theipa châ leipa aw ta, la bâ theipa cha aw vei. Chyhsazy ta a hmiakô liata chizapa ta ama y thei nawpa ta, Khazohpa ta a taopa a châ.

BIECHHOTUHPA 3:17

Hmo to nata rai to châta daihti raopa a châ khaipa vâta, Khazohpa ta mosiapa chhao moleipa chhao a pachia khai aw ei tahpa ei palôh ta pachâ na ta.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

BIECHHOTUHPA 7:13

Khazohpa hmotaozie he pachâ tua u, A pako hapa cha ahy ma a patlâsa thei khao aw?

BIECHHOTUHPA 9:2

Chyhsa zydua chô liata hmo a vaw tlô awpa â lyu khai. Mosiapa nata moleipa, chyhsa phapa nata chyhsa chhiepa, chyhsa pathaihpa nata chyhsa pathaih leipa nata atheihna a hlâpa nata a hlâ leipa zy chô liata â lyupa ta hmo a vaw tlô tyh. Chyhsa phapa chô liata hmo a tlôpa hawhta, moleipa chô liata tlô ta, bie â taihpa chô liata tlôpa hawhta, bie â taih leipa chô liata chhao a tlô hra.

BIECHHOTUHPA 9:3

Noh ry liata hmo taopa to liata hmo chhiepa a ypa cha he he a cha: chyhsa zydua ama tovyuh awpa â lyu khaipa hih. Chyhsa sawzy cha ama hro chhôh ta ama palôh liata moleina nata hruna ta bie ta, cha hnôhlâ ta athipazy yna lâ ama sie tyh.

ZEREMIAH 46:6

Chyhsa chatlie chakohpa hmahta a râ thei leipa ta, Pasaipha chhao a râ thei vei. Maw lâ Ufrâti chavah kiah liata, A chapia ei ta ama pao khai haw.

ZEREMIAH 48:14

“Kheihta ma, ‘Riahphapa châ pi ta, Adyuhna pasaiphazy eima châ,’ Nama tah thei tly?

ZEREMIAH 9:23

Abeipa ta hetana heta a tah: “Chyhsa sopa ta a sona a palaikhei khah sy; Chyhsa thatlôpa chhao a thatlôna a palaikhei leipa sala, Chyhsa hneirôhpa ta a hneirôna a palaikhei khah sy.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

ZEKARIA 4:6

Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

EPHESI 1:11

Keimo cha Khazohpa ryhraopa hawhta rao chhieliepazy châ pi ta, Krista liata Khazohpa ryutozy eima châ. Ano ta a khozie hawhta ryhrao ta, hmo to a tao.

RYHPACHANEINA 8:17

Chataleipatala nama palôh liata, “Keimo hmotaotheina nata eima ku thatlôna ta he hmozy he eima hnei,” nama tah pathlei aw.

RYHPACHANEINA 8:18

Abeipa nama Khazohpa cha namâ thei thlâh ha awpa a châ. Ano tlai cha nama hneirôh nawpa ta hmotaotheina châ pietuhpa ei châ ta, tanoh ta namâ tyhpa hawhna heta, châ pathlatuhpazy hnohta bie â taihpa a biehrai a pa-ituhpa a châ.

1 SAMUELA 17:50

Cha hawhna chata Dâvi ta Philistinâ chyhsa cha savo cheisiah nata alô ta a pahnie haw. Philistinâ chyhsa cha alô ta siah ta, a thie haw. Dâvi cha Zaozi rai a chaba vei.

1 SAMUELA 6:9

Moh thlâh ha aw ei chi ta, ano yna su Beseme râh lâ khyna lâpi a chhihpa ta a sie khiahta cha, eima chô liata pasana rarôh y ngaitapa a patlôsapa he ano tlai châ ta, cha lâta a sie vei khiahta deikua cha, ano ku ta miah a hriepa châ leipa ta, hri chareina daihti nata Byh yna daihti â su chhopa vâta a châ tahpa eima pahno aw,” tah ei ta.