BIECHHOTUHPA 9:10 - Mara Bible RV (BSI)

¹⁰ Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

BIECHHOTUHPA 9:10 ပူးပေါင်းရင်းမြစ်များ

ÂTHAONA 37:35

A sawchapaw nata a sawchanô zydua ta ano thlapalôh awpa ta thyu ei ta. Châhrasala Zakaw ta ama thlapalôhna cha a pyh khoh leipa ta, “Châ vei, mâchhiesana chôta ei sawchapawpa hnohta Athihkhih lâ ei sie aw,” tah ta. Chatanachata a paw cha ano a ngiahpa ta cha tyh ta.

1 THÂTIHZYRONA 22:19

Tahmâ nama pachâna nata nama palôh cha Abeipa nama Khazohpa padona lâta pahei u la, thyu u la, Zehôvâh Khazohpa supathaihpa cha sa muh vy. Chatanachata Abeipa Biehrai Byh nata Khazohpa hmobaoh pathaihpazy cha Abeipa moh châta sapa o liata a ngiakheipa a châ aw,” tah ta.

1 THÂTIHZYRONA 28:20

Chatawhcha Dâvi ta a sawchapawpa Sawlawmaw hnohta, “Thatlôpa nata riahphapa ta y la, hria mah y. Chi leipa la, a ngiaroh khah y, Zehôvâh Khazohpa, ei Khazohpa tlai cha na hnohta a y mâh tâh. Abeipa o raihria zydua patlô khaipa a châ hlâlei, cha siesai leipa aw ta, cha pathlua aw vei.

NEHEMIAH 2:12

Kei nata ei hnohta a ypa chyhsa chyhta chhaota zâ ta pua pi ta. Ei Khazohpa ta Zerusale châta ei tao awpa ei palôh liata a sopa cha, ahy hmah chho leipa ei na ta. Ei kiapa sahroh dei leipa ta cha, sahroh hropa ei chhipa y vei.

NEHEMIAH 4:2

Chatanachata a unawhzy nata Samâri pheisaihzy hmiakô liata, “He Zu dyutlai leipazy heta khâpa ma ama tao hra tly? Khihpi amâ paduapathi heih aw ma? Atheihnazy ama hlâ aw ma? Noh kha ta patlô zua amâ chhuah hra ma? Mei ta a kâ hapa alôzy cha hnaihny tawhta thaopa ta ama pathieh heih aw ma?” tah ta.

NEHEMIAH 4:6

Chatanachata thokhy cha padua pi ta. Zawpizy ta hria khohna palôh ama hneipa vâta, thokhy cha â sâhna khophie taih thlai patlô pi ta.

ZAWBÂ 10:21

Zohna nata thina nohpahli râh, Heih lei râh lâ ei sie hlâta,

ZAWBÂ 10:22

Zâ zoh chaina râh, A thlâzi thai leina thina nohpahli râh, Khaihna chhao zohna hawh a châna râh lâ ei sie hlâta,” tah ta.

ZAWBÂ 21:13

Ama nohzy a phapa ta hmâh ei ta, Thlalôhpa ta Athihkhih lâ ama sie.

HLAZY 6:5

Thina liata nâma atheina y leipa aw ta, Athihkhih liata ahy ma châ reithai aw?

BIESOZY 3:28

Na hnei thlâh hapa tlai ta, na vaih hnohta, “A di chy la, a vy heih mah y, Mylâ ei cha pie aw,” Na tah awpa châ vei.

BIECHHOTUHPA 11:3

Meihdo cha vâsua ta a bie khiahta cha, Alei chô liata a za patlai tyh. Tho cha chho lâ tlyma, maw lâ tlyma a pao khiahta cha, A paona su liata â zawh tyh.

BIECHHOTUHPA 11:6

My ta chi tu la, zâlâ chhao na ku pako thlâh ha khah y. Kheihawhpa ma a pyuh aw, he he ma, hao hao ma, a miano ta ama pha aw ma, tahpa zy pahno va chi.

ISAI 38:10

Ei locho nota ma sie aw na ta, Ei chhâ ei palo hmâ leina kôzy cha, Athihkhih liata ei hmâh aw? Tahpa ta ei vaw pachâ hmâ haw.

ZEREMIAH 29:13

Na tlua aw ei chi ta, nama pathipalôh zydua ta eina tlua ti ei chi ta cha, eina hmô aw ei chi.

MALUHREINA 13:30

Kâlebâ ta zawpi cha Mawsi hmiakô liata chalihsa ta, “Khy para sih la, râh cha kaw la ei suh u, eima pahnie aw,” tah ta.

MATHAI 20:7

Âmo ta a hnohta, ‘Ahy hmahta rai hria awpa miah ama pie leipa vâta a châ,’ tah ei ta. Ano ta ama hnohta, ‘Nâmo chhao kre sadô lâ sie hra teh u,’ tah ta.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

ZAWHÂNA 4:34

Zisu ta ama hnohta, “Ei pati cha nâ tuahtuhpa khopa taopa nata a raihria pangoh awpa a châ.

ZAWHÂNA 5:4

Daihti raopa liata, Abeipa vâlyuhchâpa cha tipo lâ a zupa ta, ti cha chatlaosa tyh ta. Ti â chatlao khai tawhta tipo liata â ny tuachaipa cha, kheihawhpa pasana rai patlâhpa a châ tyh.

ZAWHÂNA 9:4

Nohchhô a châ nota nâ tuahtuhpa rai ei hria awpa a châ. Zâ châ daihmâ ta, cha tita la ahy hmahta rai hria thei khao aw veih ei.

RAWMA 12:11

Phahnai angiahna kyh liata daopathla leipa u la, palôh thathyu ngaitapa ta Abeipa chakao muh vy.

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

1 KAWRINI 16:10

Timawthy a vaw tlô tita, nama hry liata kâchhie leipa ta paysa muh vy. Kei hawhta Abeipa rai a hria haipa a châ.

1 KAWRINI 9:24

Arâpasuana liata ama zydua ta a râ ei ta, châhrasala pakha ngâlâh ta lymâ a hmô tyh tahpa pahno veih ei chi mâ? Lymâ hmô awpa ta a râ teh u.

1 KAWRINI 9:26

Anuapa hnei leipa ta a râ chakhyh leipa na ta, chyhsa ta ziza â chôpa hawhta a chôpa châ va na.

EPHESI 5:16

Nohzy he a pha leipa vâta, daihti rypaohpa patu thai teh u.

KAOLAOSÂ 3:23

Nama taopa maih, chyhsapa châta taopa hawhta pachâ leipa ta, Abeipa châta taopa hawhta tlao pachâpa ta, palôh pha ngaitapa ta hria lymâ teh u.

1 SAMUELA 10:7

He ngianazy he na chô liata a vaw tlô tita, na ku ta tao awpa a hmôpa maih tao lymâ mah y, Khazohpa na hnohta a y lymâ aw.