BIECHHOTUHPA 8:8 - Mara Bible RV (BSI)

⁸ Ahy hmahta husona patu theina hmotaotheina hnei leipa ei ta, thina noh chô liata bie a hnei theipa y hra veih ei. Adyuhna a y ngâ nota cha, ahy hmahta a pheisaih rai pahâsa thaipa a châ leipa hawhta, moleina ta moleina a taotuhpazy cha papua aw vei.

BIECHHOTUHPA 8:8 ပူးပေါင်းရင်းမြစ်များ

2 SAMUELA 14:14

Eima zydua ta eima thi khai aw. Alei liata ti patlaipa hawhta eima châ. Li pakhua thaipa châ khao vei. Hrona cha Khazohpa ta la aw vei. A râ hapa cha ano tawhta â hla pathlah lei nawpa ta ryh tlao a rao tyh hri.

2 ABEIZY 7:15

Zawdâh taih a kei chadai ei ta, amâ para tupa vâta Aramia mo thypa chysiazy nata chhaichhizy lâpi tlykha ta y lymâ ta. Lyuhchâpazy cha vaw kua ei ta, abei cha chho ei ta.

ZAWBÂ 14:5

A nohzy rao chiehpa châ ta, A thlazy na hnohta y ta, A khô thei lei awpa râhri na tao ha tawhta cha,

ZAWBÂ 34:14

A palôh ta â chhuah khiahta cha, A thlahpa nata a hu la pakhua thei ta,

HLAZY 89:48

Kheihawhpa chyhsa ma thina hmô leipa ta A hroh thlâh ha aw tly? Ahy ma Athihkhih hmotaotheina tawhta A hro a pachha thei aw tly? Selah

HLAZY 9:17

Moleipa cha Athihkhih lâ kua aw ta, Khazohpa a mypa phopi zydua chhao Athihkhih lâ ama kua hra aw.

BIESOZY 12:3

Moleina hmo taona tawhta ahy hmah a duah leipa ei ta, Mosiapa thari deikua cha phiapa châ aw vei.

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

BIECHHOTUHPA 3:21

Chyhsapa thlahpa chô lâ kiah ta, sahroh thlahpa alei ry lâ a zu tahpa ahy ma a pahno?

BIECHHOTUHPA 8:13

Moleipa châta deikua cha a hro chypa chhao ta pha hlei aw vei. Khazohpa china a hnei leipa vâta, nohpahlipa hawh deita châ ta, a hro pareih hmeiseih aw vei.

BIECHHOTUHPA 9:12

Châhrasala chyhsapa ta ano daihti awpa pahno vei. Sao chichhihpa liata ngazy amâ aopa hawhta nata khoheih liata pavawzy amâ aopa hawhta, daihti chhiepa eikhapi ta a vaw tlô thlu ti ei ta, chyhsa sawzy cha, cha liata amâ ao tyh.

ISAI 28:15

“Thina nata bie hraih ha pi ta, Athihkhih nata bie eimâ taih hawh; Eima boh nawpa ta haipa bie reih pi ta, Bie doleipa liata eimâ chhai hapa vâta, Tisaih a tlô tita chhao miah pha aw vei,” Nama tahpa vâta,

ISAI 28:18

Thina nata biehrai nama taopa phiepa châ aw ta, Athihkhih nata bie namâ taihpa chhao a duah aw vei. Tisaih rarôh ypa a tlô tita, A cha la ha aw.

ISAI 47:10

Na moleina liata a bohpa hawhta a pachâ chi ta, “Ahy hmahta na hmô veih ei,” na tah. Na sona nata na pahnona ta châ chhi chhei ta, Na palôh liata, “Kei tlai he na ei châ, Keima leipa ta mohropa y veih vei,” na tah tyh.

1 KAWRINI 15:43

Palyupalih leipa ta pabupa châ ta, rônahpa ta pathyupa a châ. Chiehleipa ta pabupa châ ta, hmotaotheipa ta pathyupa a châ.

2 KAWRINI 13:4

Chiehleipa ta khaipâpa châ ta, châhrasala Khazohpa hmotaotheina ta a hroh. Keimo chhao ano liata chiehleipa châ pi ta, châhrasala nâmo eima cha chakaopa vâna heta, Khazohpa hmotaotheina topa ta a hnohta eima hroh hra aw.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.