BIECHHOTUHPA 8:5 - Mara Bible RV (BSI)

⁵ Biepiepa a zyhpa cha pasa tao aw vei. Palôh sopa cha a daihti pahno thai ta, taozie dopa chhao a pahno.

BIECHHOTUHPA 8:5 ပူးပေါင်းရင်းမြစ်များ

1 THÂTIHZYRONA 12:32

Iskâra pathla, noh nata daihti yzie pahno thai ei ta, Izarei ta a tao awpa a pahnopa hyutuhpa 200 nata ama chhihthana ry liata ama heinawh zydua;

HLAZY 119:6

Chatanachata na biepiepa zydua zyh aw na ta, Maophyuhpa ta y aw va na.

PUASAINA 1:17

Châhrasala nawhpaytuhpazy cha Khazohpa a chipa ama châpa vâta, Izi bei biepiepa hawhta tao leipa ei ta, sawchapawzy chhao ama pahlôh lymâ.

BIESOZY 12:21

Mosiapazy chô liata hmo chhiepa tlô leipa ta, Moleipazy deikua cha tymâna ta ama bie.

BIESOZY 17:24

Sona cha novâhna a hneipa hmiakô liata y ta, Ahrupa mo deikua cha kaokih liata a y tyh.

BIECHHOTUHPA 10:2

Asopa palôh cha chachâh lâ a heih ta, Ahrupa palôh deikua cha chavei lâ â heih tyh.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

BIECHHOTUHPA 2:14

Chyhsa sopa cha a luh liata mokhaoh hnei ta, ahrupa deikua cha zohna ry liata a sie tyh. Châhrasala ama to awpa cha ama zydua châta miakhapa a châ tahpa ei pahno.

BIECHHOTUHPA 8:2

Abei cha Khazohpa bietai a daopa a châpa vâta, a biepiepa zyh mah y.

HÔSIA 5:11

Epharai cha hmo puapa tao awpa Khâchâ â chhuah hapa vâta, Tlybaipa ta y ta, Reikheituhpa hnei khao vei.

LUKA 20:25

Zisu ta ama hnohta, “Cha thlaopa cha, Kaisarâ hmozy cha Kaisarâ lâ pie u la, Khazohpa hmozy cha Khazohpa lâ pie châh ei chi,” tah ta.

HMOTAOPAZY 4:19

Châhrasala Pity nata Zawhâna ta a chhy ei ta, “Khazohpa bie zyh leipa ta nâmo bie zyhpa cha, Khazohpa mohmô ta â do thai aw ma? Nâmo ta pasia teh u.

HMOTAOPAZY 5:29

Pity nata lyuhchâpazy ta, “Chyhsa bie hlâta Khazohpa bie eima zyh via awpa a châ.

KAOLAOSÂ 1:9

Cha vâna chata, nama thâtih eima thei noh tawhta, nâmo châta thlahchhâ bâh beih ma pi. Thlahpa lâ sona nata novâhna zydua hneipa ta, ano khopa pahnona ta pabiepa nama châ thei nawpa ta, eima cha hiapa tyh.

HEBRAI 5:14

Pati hmeiseihpa deikua cha, pitlohpazy châta châ ta, pati hmeiseihpa nie amâ chu lymâpa vâta, chhie nata pha pahrua thaina a hneipa pitlohpazy ama châ.