BIECHHOTUHPA 8:3 - Mara Bible RV (BSI)

³ Abei hmiakô tawhta pua awpa ta a para leipa la, a hmiakô liata hmo chhiepa a duakhei khah y, ano khozie hawhta hmo a taopa châ tlôh ta.

BIECHHOTUHPA 8:3 ပူးပေါင်းရင်းမြစ်များ

ÂTHAONA 47:9

Zakaw ta Phiraoh hnohta, “Ei khitlyna kôzy cha kô 130 a châ. Ei hro chhôh kôzy cha chyhta ta, riethei â chhih kaw. Nâ pathlatuhpazy khitlyna nohzy liata ama hro chhôh kôzy a kho vei,” tah ta.

BIESOZY 14:29

Hiehâhna kyh liata nainôsôpa chyhsa cha novâhna a hnei hluhpa châ ta, Thlai ta a hie a hâh thlâh ha tyhpa chyhsa deikua cha hruna a cheihchalo tyh.

BIESOZY 24:21

Ei sawchapawpa y, Abeipa chipa ta abei chhao chi la, Cha hawhta a y leipazy cha a pahlao khah y.

BIESOZY 30:31

Awhkhypa cha a khotlâh kawpa ta awhpanô a charia ta, Mie tôhpa chhao mie panô hmia liata cha hawhta tao ta, A siehnaopa a hnei leipa bei chhao rônah kawpa ta a sie tyh.

BIECHHOTUHPA 10:4

Ryureituhpa ta na chô liata a hie a hâh khiahta cha, Na yna su puasai khah y; Hiehâhna a pai tita cha, Taopasina lai ngaitapa chhao a ngiahthaipa a châ tyh.

ISAI 48:4

Chhorupa châ ei chi ta, Nama rao cha thua thari châ ta, Nama khizy cha dawh a châpa ei pahnopa vâta,

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

DÂNIAH 5:19

Laina a piepa vâna chata, phopi to, râh to nata reih to ta a hmiakô liata a chalyu ei ta, ama chi ngaita. A khopa maih thie ta, a khopa maih a pahro; a khopa maih pasâhsa ta, a khopa maih a panawh.