BIECHHOTUHPA 8:16 - Mara Bible RV (BSI)

¹⁶ Sona kyh pahno awpa nata alei chô liata chyhsazy hmotaopa pahno awpa ta, chhô nah zâ ta mokuh saihpa ta ei pachâna hmâh na ta.

BIECHHOTUHPA 8:16 ပူးပေါင်းရင်းမြစ်များ

ÂTHAONA 31:40

He he ei duahmo a châ: Nohchhô ta noh lopa ta na vawh ta, zâ ta diah chakuapa ta na tla thlupa ta, mokuh ta ei mokhaoh â râsai tyh.

HLAZY 127:2

Mydi ta thyupa ta a pahâ hawh ei chi ta, Hriapasa palôh rietheipa ta pati nama nie tyhpa he, Hraoleipa a châ. Abeipa ta a kyhpachâpazy cha, Mokuh pahâpa ta a pamôsa tyh ei.

BIECHHOTUHPA 1:13

Avâ ry liata hmo a ypa zydua sona ta tlua awpa ta ei palôh hmâh na ta. Khazohpa ta chyhsa sawzy tao awpa a vaw piepazy he tymâna dei a vaw châ.

BIECHHOTUHPA 1:14

Noh ry liata hmotaopa zydua hmô khai na ta, moh tua u, ato hraoleipa sai châ ei ta, thlih a chadaipa deita a châ:

BIECHHOTUHPA 1:17

Chatanachata sona kyh pahnopa ta, hruna nata ngâna kyh chhao pahno awpa ta ei palôh hmâh na ta. Cha chhao cha thlih a chadaipa deita a châ tahpa ei pahno haw.

BIECHHOTUHPA 2:23

A hro chhôh noh zydua cha vâsâhna sai ta bie ta, a raihria chhao ruchhôna dei a châ. Zâ ta chhao a palôh a pahâ vei. Cha chhao cha hraoleipa deita a châ.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

BIECHHOTUHPA 5:12

Raihriatuhpa cha a nie hluh tlyma, a nie chyh tlyma, a mokuh pahâh kaw ta; hneirôhpa deikua cha, rih biena taihta a niepa chhao ta a mô thei vei.

BIECHHOTUHPA 7:25

Sona patuapalua ta, tlua ta, hmo yziezy pahno awpa ta ei palôh pahei na ta, moleina he hruna a châzie nata hrungâ kathluhna kyhzy pahno awpa ta ei palôh pahei hra na ta.

BIECHHOTUHPA 8:7

Hmo a vaw y awpa a pahno chhieliepa y veih ei. Chavâta hmo a vaw y awpa kyh chyhsapa hnohta ahy ma a chho thei aw?

BIECHHOTUHPA 8:9

Noh ry liata hmo taopa zydua saipa ta ei palôh hmâh na ta, he he ei hmôpa cha a châ: chyhsapa ta chyhsa hropa chô liata biehneina hmâh ta, châhrasala cha cha ano pasa nawpa tlao a châ tyh.