BIECHHOTUHPA 8:14 - Mara Bible RV (BSI)

¹⁴ Alei chô liata hmo a ypa hraoleipa y ta. Mosiapazy ta moleipazy hmotaopa ty phaoh ei ta, moleipazy ta mosiapazy hmotaopa byhnâ ama to. Cha chhao cha hraoleipa deita a châ tahpa ei pahno.

BIECHHOTUHPA 8:14 ပူးပေါင်းရင်းမြစ်များ

ZAWBÂ 1:22

Cha hmo zydua liana chata, Zawbâ cha moleina rai tao leipa ta, bie do leipa ta Khazohpa reipachhie vei.

ZAWBÂ 21:7

Khazia ma moleipazy hroh ei ta, Machâna taih tlôpa ta, Thatlôpa nata hmotaotheipa ama châ tly?

ZAWBÂ 27:12

Moh teh u, cha hmo cha nâmo tlai ta hmô ei chi ta, Kheihtazie ta ma hraoleipa nama châ khai thlâh ha tly?

HLAZY 73:3

Moleipazy vâphana ei hmô nahta, Apalaipazy ei uahva kaw tyh ei.

BIECHHOTUHPA 10:5

Noh ry liata hmo chhiepa miakha hmô na ta, ryureituhpa tao chheipa lai ngaitapa a châ:

BIECHHOTUHPA 2:14

Chyhsa sopa cha a luh liata mokhaoh hnei ta, ahrupa deikua cha zohna ry liata a sie tyh. Châhrasala ama to awpa cha ama zydua châta miakhapa a châ tahpa ei pahno.

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

BIECHHOTUHPA 7:15

Tihu buakha a vaw lâ ta, a lei heihpa hawhta, daihti chyuta ei hro chhôh heta hmo toti ei hmô haw. Mosiapa ta a siana liata a leidia nota, moleipa ta a paraona chôta a hro a pasi thlâh haw.

ZEREMIAH 12:1

Hy Abeipa, ei cha paphôh thlupa chhao ta, Nâ la a do pyly chi ta, Chatahrasala ei cha nôuna bie ei cha vaw tlôkhei aw. Kheihtazieta ma hmoparaopazy lâpi patlâ ta, Haiphiahpazy ama hlao a tloh thlâh ha tly?

MALAKHAI 3:15

Tahmâ cha apalaipazy nohlaopa tah pi ta, moleipazy hra ta ama hneirôhpa dei châ leipa ta, Khazohpa pasia ei ta amâ boh thlâh haw,’ nama tah.”