BIECHHOTUHPA 8:13 - Mara Bible RV (BSI)

¹³ Moleipa châta deikua cha a hro chypa chhao ta pha hlei aw vei. Khazohpa china a hnei leipa vâta, nohpahlipa hawh deita châ ta, a hro pareih hmeiseih aw vei.

BIECHHOTUHPA 8:13 ပူးပေါင်းရင်းမြစ်များ

ZAWBÂ 14:2

Pawpi hawhta vaw pawh ta, Thlai a uah heih tyh; Nohpahlipa hawhta a zaw ta, Y khao vei.

ZAWBÂ 18:5

“A châ na, moleipa khaihna cha pachhaipa châ aw ta, A meipaleih chhao khaih aw vei.

ZAWBÂ 20:5

Hmoparaopa thaphana cha chyuta ta, Khazoh a pahno leipa alyna cha buakha deita a châ tahpa pahno beih va chi ma?

ZAWBÂ 21:30

Moleipa cha chhiena noh liata pahlôhpa châ ta, Pathiiana noh liata pachhapa ta a y ama tahpa thei veih ei chi ma?

HLAZY 11:5

Abeipa ta mosiapa cha pasia ta, Moleipa nata nôchhiepa zy deikua cha a hro ta â hao.

HLAZY 144:4

Chyhsapa cha hu ei kha sopa hawh dei châ ta, A hro chhôh nohzy cha nohpahli a lei tyhpa hawh dei a châ.

HLAZY 37:1

Hmoparaopazy vâta na pachâ chhie leipa sala, Hmo doleipa a taotuhpazy uahva khah y!

HLAZY 39:5

Ei hro nohzy he pazah tie deita ta tao chi ta, Na hmiakô liata la ei hro chhôh kôzy he khazie hmah châ vei. Chyhsapa hrona he la, Ei kha husopa hawh dei na a vaw châ. Selah

HLAZY 55:23

Châhrasala Hy Khazohpa, Moleipazy cha leidiana khaohtlô liata pathla aw chi ta, Thisaih a palopa nata chyhsa a dôveipazy cha, Ama chhâ khophie chhao hroh aw veih ei. Kei deikua cha, nâ ei cha ngâ aw.

BIECHHOTUHPA 3:14

Khazohpa ta a taopa maih cha a y kôzaw aw tahpa ei pahno. Khâpa hmahta baichha theipa châ leipa aw ta, la bâ theipa cha aw vei. Chyhsazy ta a hmiakô liata chizapa ta ama y thei nawpa ta, Khazohpa ta a taopa a châ.

BIECHHOTUHPA 5:7

Mâsana a hluhna liata bie ruapa hluh ta, hraoleipa chhao a hluh tyh. Khazohpa deita na chi awpa a châ.

BIECHHOTUHPA 6:12

Tihu buakha a vaw luah ta a lei heihpa hawhta, hro chhôh noh chyhta hnei ta, nohpahlipa hawhta a khôpa chyhsapa châta a pha chai awpa ahy ma a pahno tly? Ahy ma chyhsapa hnohta a thi tawhta noh ry liata hmo a vaw y awpa a chho thei aw tly?

BIECHHOTUHPA 7:15

Tihu buakha a vaw lâ ta, a lei heihpa hawhta, daihti chyuta ei hro chhôh heta hmo toti ei hmô haw. Mosiapa ta a siana liata a leidia nota, moleipa ta a paraona chôta a hro a pasi thlâh haw.

BIECHHOTUHPA 7:18

He he nâ patu awpa a pha, pathlie cheita khah y. Khazohpa a chituhpa cha, cha hawhta tah tu pâpa hnei lei awpa ta â vaih aw.

BIECHHOTUHPA 8:8

Ahy hmahta husona patu theina hmotaotheina hnei leipa ei ta, thina noh chô liata bie a hnei theipa y hra veih ei. Adyuhna a y ngâ nota cha, ahy hmahta a pheisaih rai pahâsa thaipa a châ leipa hawhta, moleina ta moleina a taotuhpazy cha papua aw vei.

ISAI 3:11

Moleipa cha a hu a po na! Chhiena a tyh aw ta, A hmotaopazy viarithôpa a châ aw.

ISAI 30:13

Cha moleina cha, Nama châta thokhy a sâhpa liata a pyupa hawhta châ aw ta, A kei laih lymâpa hawhta a châ aw; Eikhapi ta pao ta, Movi hlâta a pao hapa hawhta a châ aw.

ISAI 57:21

Moleipazy châta la, Thlalôhna rai y vei,” Ei Khazohpa ta a tah.

ISAI 65:20

Cha liata hawsaih thina y khao leipa aw ta, Chhâ a palo leipa ta a thipa y khao aw veih ei. Kô za kha ta a thipa cha, Thyutlia daihti ta a thipa hawhta pachâpa châ aw ta; Kô za kha a tlô leipa cha, Chhiesa thlupa moleipa hawhta pachâpa a châ aw.

ZEREMIAH 44:10

Tanoh taihta a panawh to leipa ei ta, nâmo nata châ pathlatuhpazy hmiakô liata ei sopa ei ryhpa nata ei bieraopazy a chhih khoh leipa ei ta, chi hra veih ei.

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

ZAWHÂNA 5:29

ama kaw thyu khai aw. Hmopha a taopazy cha hrona to awpa ta thyu aw ei ta, moleina hmo a taopazy deikua cha, thailei châ awpa ta ama thyu aw.

ZÂMIE 4:14

mylâ khâpa hmo ma a y aw tahpa pahno tlôh ei chi va. Nama hrona cha khâpa ma a châ? Tihu buakha a vaw lâ ta, a lei heihpa hawh dei mah nama châ tâh.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.