BIECHHOTUHPA 7:9 - Mara Bible RV (BSI)

⁹ Hiehâhna cha ahrupazy palôh liata riehmo a paryhpa châ ta, Chavâta hiehâh awpa ta na palôh a para khah y.

BIECHHOTUHPA 7:9 ပူးပေါင်းရင်းမြစ်များ

ÂTHAONA 4:8

Kainâ ta a unawhpa Abela hnohta, “Lyu lâ sie ei sih y,” tah ta. Lyu liata ama y nota, Kainâ ta a unawhpa Abela cha thyuhnao ta, thie ha ta.

2 SAMUELA 13:22

Absalaw deikua cha Amanaw hnohta bie chhiepa tlyma, bie phapa tlyma, khâpa hmah reih leipa ta, a sietanô Tâmâri noh a pazaopa vâta, Absalaw ta Amanaw cha a hao ngaita ta.

2 SAMUELA 13:28

Absalaw ta a chakaotuhpazy hnohta biepie ta, “Ngia u la, Amanaw palôh cha kresawhti vâta thapha ngaitapa ta a y nahta, nama hnohta, ‘Amnaw kha thie teh u,’ ei cha tah ti ei ta, thie muh vy. Chi khuh vy. Bie ei cha pie ei. Nama riah a papha u la, a pachyu teh u,” tah ta.

2 SAMUELA 13:32

Dâvi unawhpa Simei sawchapawpa Zônadâ ta a chhy ta, a hnohta, “Abei ta abei sawchapaw thyutliapa zydua ama thie khai hapa hawhta pachâ khah sy, Amanaw deita a thi. A sietanô Tâmâri noh a pazao noh tawhna khata, Absalaw ta he hmo he tao awpa â vaw chhuah hapa a châ.

2 SAMUELA 19:43

Izarei mo ta Zudâh mo cha a chhy ei ta, ama hnohta, “Abei liana heta tovyuh vyuh hrawh hnei pi ta, Dâvi liana heta nâmo hlâta tovyuh eima hnei via mâh tâh. Khazia ma khâpasaw ta miah nama rei vei? Eima bei a vaw chhi heih nawpa kyh he a pahrua tuatuhpa châ ma pi mâ?” tah ei ta. Châhrasala Zudâh mo bie cha Izarei mo bie hlâta pachyu via ha ta.

BIESOZY 14:17

Pathi pachhohpa cha hru kawpa ta hmo tao ta, Hmo chhiepa tao â chhuahpa chhao a haopa a châ tyh.

BIESOZY 14:29

Hiehâhna kyh liata nainôsôpa chyhsa cha novâhna a hnei hluhpa châ ta, Thlai ta a hie a hâh thlâh ha tyhpa chyhsa deikua cha hruna a cheihchalo tyh.

BIESOZY 16:32

Chyhsa palôh pasipa cha, Thatlôpa hlâta pha via ta; Ano palôh chô liata bie a hnei theipa chhao, Khihpi a latuhpa hlâta a pha via.

BIESOZY 25:8

Ryureina liata chyhsa leih awpa a para khah y, A chhâna lâta na vaih ta maoh cha paphyuh aw ta, Tao awpa pahno leipa ta na y pathlei aw na.

BIECHHOTUHPA 7:10

“Khazia ma tahmâhlâ daihti hlâta, Hlâno daihti kha a pha via thlâh ha tly?” tah khah y. He na hiahrina he sona tawhta a puapa châ vei.

ZAWNA 4:3

Chavâta Hy Abeipa y, ngiachhiepa ta ei hrona he tahmâ keima tawhta la ha mah y, kei châta la hropa hlâta thipa tlao a pha via,” tah ta.

ZAWNA 4:8

Noh a vaw chhi nahta, Khazohpa ta nochhi thlih lalôhpa vaw tuah ta, Zawna cha nohsa ta a luh vawh ta, panao ha ta. Chavâta thi awpa ta hiah ta, “Kei châta la hropa hlâta thipa a pha via,” tah ta.

ZAWNA 4:9

Khazohpa ta Zawna hnohta, “Titheih zôh kyh ta na hiehâhna he â do ma?” tah ta. Zawna ta, “Ei hiehâhna he â do na, thi theina taihta na ei hie a hâh,” tah ta.

MÂKA 6:19

Chavâta Herawdi ta Zawhâna cha a hao kaw ta, thie awpa khoh ta, châhrasala tao thei leipa ta.

MÂKA 6:24

Laihsa cha pua ta, a nô hnohta, “Khâpa ei hia aw?” tah ta. A nô ta, “Bâtituhpa Zawhâna luh,” tah ta.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.