BIECHHOTUHPA 7:14 - Mara Bible RV (BSI)

¹⁴ Phana noh liata a ly la, chhiena no liata he he pachâ mah y: Phana chhao, chhiena chhao, Khazohpa taopa a châpa vâta, chyhsapa ta a hmialâ daihti liata hmo a vaw y awpa khâpa hmah pahno vei.

BIECHHOTUHPA 7:14 ပူးပေါင်းရင်းမြစ်များ

1 ABEIZY 8:47

sei ta amâ chhina râh liata ama palôh zy ananopa ta, ro ei sala, âmo a patutuhpazy râh liana chata, ‘Hmo vaw parao ha pi ta, â do lei ngaitapa nata molei ngaitapa ta eima vaw tao haw,’ tahpa ta cha hiah ei sala,

ZAWBÂ 2:10

Zawbâ ta a lapinô hnohta, “Chanô hrupa bie rei ta dua na rei thlâh haw. Khazohpa tawhta hmo phapa hmô pi ta, hmo chhiepa chhao eima hmô hra awpa châ vei ma?” tah ta. He hmo zydua liana heta, Zawbâ chata a hmao ta moleina hmo rai reih vei.

HLAZY 119:71

Na bieraopazy ei chu thei nawpa ta, Riepatheipa ta ei vaw ypa kha kei châta a pha na.

HLAZY 40:3

Hla thiehpa ei pakah liata soh ta, Eima Khazohpa reithaina hla cha; Chyhsa hluhpi ta hmôpa ta chi aw ei ta, Abeipa liata ngâna ama pahnieh aw.

BIECHHOTUHPA 10:14

Hmialâ daihti a pahnopa y leipa ei ta, Thi hnôhlâ ta hmo a y awpa a reih theipa ama y leipa chhao ta, Ahrupa cha bie hluhpi reih ta, a reih via lymâ.

BIECHHOTUHPA 11:9

Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

BIECHHOTUHPA 12:8

Hraoleipazy hraoleipa, ato zydua he hraoleipa sai a vaw châ, Biechhotuhpa ta a tah.

BIECHHOTUHPA 3:22

Chyhsapa châta cha, raihria awpa he a tovyuh a châpa vâta, a raihria liata a ly awpa hlâta a pha viapa y vei tahpa ei hmô haw. ­ A thi khô lâta hmo a ypa pamosa awpa ta, ano cha ahy ma a vaw kuakhei thei aw?

BIECHHOTUHPA 3:4

Cha daihti y ta, pahnei daihti a y; Mâchhiesa daihti y ta, lâ daihti a y;

BIECHHOTUHPA 5:17

Cha dei châ vei, a hro chhôh noh zydua ta ruchhôpa nata pasapa nata hiehâhpa ta zohna liata pati a nie tyh.

BIECHHOTUHPA 8:7

Hmo a vaw y awpa a pahno chhieliepa y veih ei. Chavâta hmo a vaw y awpa kyh chyhsapa hnohta ahy ma a chho thei aw?

BIECHHOTUHPA 9:7

Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 42:25

Chavâta a pathiiana ru ngaitapa cha, A chô liata lei thlu ta; Adyuhna ru ngaitapa a lei thlu haw. Cha chata Izarei cha mei liata phôh ta, Châhrasala pahno vei; Mei chata kâ lymâ ta, Châhrasala a palôh liata soh hlei vei.

ZEREMIAH 23:20

A palôh ta â chhuahpazy tao aw ta, A patlô hlâlei cha, Abeipa hiehâhna cha kua aw vei. Cha cha noh hnôhlâzy liata Nama pahnopasia aw.

CHAPHÔHTUNA 3:38

Hmo phapa chhao hmo chhiepa chhao, Chônôchaipa pakah tawhta a puapa châ vei ma?

MIKÂ 6:9

Abeipa ao ta khihpi awsao ta, Na moh chi awpa ta sona ao a châ: “Sôsi bie nathlie u la, Ano a raotuhpa bie nathlie teh u.

MATHAI 9:13

Vawh u la, ‘Atheihna khoh leipa na ta, zawngiahna ei khoh,’ tahpa bie yzie cha a kei chu teh u. Chyhsa siapazy pado awpa ta a zupa châ leipa na ta, moleipazy pado awpa ta a zupa tlao ei châ,” tah ta.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

RYHPACHANEINA 26:11

Chatanachata Abeipa nama Khazohpa ta nâmo nata nama pathlazy hnohta hmo phapa a cha piepa ei liata, Livai chi nata nama hry liata chihropa a ypazy chhaota thaphapa ta nama y aw.

RYHPACHANEINA 28:47

Hmo to ativyna daihti liata Abeipa nama Khazohpa cha alypa nata thaphapa ta nama chakao leipa vâta,

RYHPACHANEINA 8:3

Chyhsapa he viahchhâ dei ta hroh leipa ta, Abeipa pakah tawhta a puapa bie to ta tlao a hroh tahpa nama pahno thei nawpa ta, cha panawh ei ta, nodipa ta a cha paysa ei. Chatanachata nama pahno beih leipa, châ pathlatuhpazy chhao ta ama pahno beih leipa mânâ ta a cha pasa ei.

RYHPACHANEINA 8:5

Chyhsa ta a sawchapawpa a chhoreipa hawhta, Abeipa nama Khazohpa ta a cha chhorei ei tahpa nama palôh ta pahno thlâh ha mawh sy.

ZÂMIE 5:13

Nama hry liata pasataopa ama y ma? Thlahchhâ mawh sy. Alypa ama y ma? Reithaina hla sa mawh sy.