BIECHHOTUHPA 6:3 - Mara Bible RV (BSI)

³ Chyhsa ta saw za kha hneipa ta kô hluhpi hroh sala, kô khazie leichâ a hro pasipa chhao ta, a hro nohzy cha a khozie hawhta hmâh thei leipa sala, a pha thipa chhao ta pabupa a châ leipa khiahta cha, cha hawhpa chyhsa hlâta cha athipa ta a pihpa a pha via ei tah.

BIECHHOTUHPA 6:3 ပူးပေါင်းရင်းမြစ်များ

ÂTHAONA 33:5

Esaw cha kaw ua ta, chanôzy nata hawtizy hmô ta, “Na hnohta a ypazy he ahyzy ma ama châ?” tah ta. Zakaw ta, “Khazohpa ta a ngiachhiena vâta châ chakaotuhpa hnohta a piepa hawtizy ama châ,” tah ta.

ÂTHAONA 47:9

Zakaw ta Phiraoh hnohta, “Ei khitlyna kôzy cha kô 130 a châ. Ei hro chhôh kôzy cha chyhta ta, riethei â chhih kaw. Nâ pathlatuhpazy khitlyna nohzy liata ama hro chhôh kôzy a kho vei,” tah ta.

2 ABEIZY 10:1

Ahabâ ta Samâri liata sawchapaw sysari hnei ta. Zehu ta Samâri lâ châ paphao ta, khihpi ryureituhpazy, machâzy nata Ahabâ pathla mohôhtuhpazy hnohta,

2 ABEIZY 9:35

Châhrasala pabu awpa ta ama vaw nahta, a luh ru nata a pheizy nata a kupazahzy tah leipa ta cha khâpa hmah hmô khao leipa ei ta.

1 THÂTIHZYRONA 28:5

Abeipa ta sawchapaw hluhpi na pie ta, ei sawchapawpa Sawlawmaw cha Abeipa khinarâh beidyuchhai liata a tyuh ta, Izarei chô liata ryureih awpa ta a tlyh ta.

2 THÂTIHZYRONA 11:21

Rehôbaw ta Absalaw sawchanô Mâkâ cha a lapinô hropazy nata a nôtho zydua hlâta kyhpachâ chai ta. Rehôbaw cha lapinô pahrawh hleicharie nata nôtho sycharu hnei ta, sawchapaw pakih nata pacharie nata sawchanô sycharu a hnei.

ESTHERI 5:11

Hâmâ ta sôh nata piah a hnei hluhzie zy, sawchapaw a hneipa zie zy, abei ta a pakiasâhsana, a palyupalihna nata beimachâ nata chakaotuhpa hropazy hlâta chônô viapa ta a sona thâtihzy âmo cha chho ta.

ESTHERI 7:10

Chatanachata Hâmâ cha Môdekai paaosao nawpa ta a taopa liata paaosao ei ta. Cha khai tawhta abei pathiiana cha dia ha ta.

ZAWBÂ 3:11

“Khazia ma chhi liata ei vaw thi ha vei tly? Khazia ma py tawhta ei pua nota ei chhâ ha vei tly?

ZAWBÂ 3:16

Cha leipa chhao ta khazia ma, Athipa ta a pihpa nawh hawhta châpa ta, Khaihna a hmô leipa hawsaih hawhta ei vaw châ ha vei tly?

HLAZY 58:8

Chaikarupa a zaopa hawhta zao ei sala, Thiruapa ta hawsaih a pihpa, Noh a hmô beih leipa hawhta châ mawh ei sy.

BIESOZY 17:6

Samohzy cha machâpazy lakho châ ei ta, Sawzy rônahna chhao ama pawzy a châ.

BIECHHOTUHPA 4:3

Athipa nata ahrohpa hlâ chhao ta, a pih leipa, noh ry liata moleina hmotaopa rai a hmô leipa châ awpa a pha via syulyu.

BIECHHOTUHPA 6:4

Cha hawsaih cha hraoleipa ta vaw pih ta, zohna lâ sie heih ta, zohna ta a moh a khu haw.

ZEREMIAH 22:19

Alâ pabupa hawhta Zehôki cha pabupa a châ aw; Zerusale thokhy khô lâ a daophi aw ei ta, Cha liata ama thy aw.”

ZEREMIAH 36:30

Chavâta Zudâh bei Zehôki kyh liata Abeipa ta hetana heta a tah: Dâvi beidyuchhai liata a tyuh awpa chipathla hnei leipa aw ta, a ri chhao nohchhô noh sapa liata nata zâ dâhaw ry liata thypa a châ aw.

ZEREMIAH 8:2

kyh ama pachâpa, ama chakaopa, ama pazipa, ama tluapa nata amâ chhypa noh, thlâpâ nata awhsi zydua hmiakô liata zawpa ama châ aw. Pakhypa châ khao leipa aw ei ta, pabupa châ hra aw veih ei. Ie hawhta alei chô liata pasichhihpa ta ama y aw,” Abeipa ta a tah.

MATHAI 26:24

Chyhsa Sawchapawpa he, a thâtih ropa hawh tlai ta a sie aw. Châhrasala Chyhsa Sawchapawpa a patusatuhpa chyhsa cha a hu a po na! Cha chyhsa cha pih leipa sala, a châta a pha via awpa tlai,” tah ta.