BIECHHOTUHPA 6:2 - Mara Bible RV (BSI)

² Khazohpa ta chyhsa pakha cha hneirôna, sôh nah piah nata zachhihna zy pie ta, a aoh khopa maih a nie thei leipa y vei. Châhrasala a aoh khopazy a nie awpa cha Khazohpa ta pasaih leipa ta, chihropa ta tlao a nie haw. Cha chhao cha hraoleipa châ ta, hmo pha lei ngaitapa a châ.

BIECHHOTUHPA 6:2 ပူးပေါင်းရင်းမြစ်များ

1 ABEIZY 3:13

Na hia leipa hneirôna nata zachhihna chhao ei cha pie aw. Chatanachata na hro chhôh zydua ta, nâ hawhpa bei rai pua aw veih ei.

1 THÂTIHZYRONA 29:25

Abeipa ta Sawlawmaw cha Izarei saw zydua mohmô liata thata parônahsa ta, Izarei râ liata ano hlâta a bei tuapa ahy hmahta ama to thei leipa, bei rônah ngaitapa châna a patosa.

1 THÂTIHZYRONA 29:28

Bei Dâvi cha chyhsa hneirôhpa nata zachhihpa châ ta, kô hluhpi hroh ta, chhâ a palopa ta thi ha ta. A sawchapawpa Sawlawmaw ta ano su liata â bei.

2 THÂTIHZYRONA 1:11

Khazohpa ta Sawlawmaw hnohta, “Cha hmo cha na palôh liata y ta, sôh nata piah, hneirôna, palyupalihna, châ haotuhpazy hrona nata hro pareihna zy hiah leipa chi ta, ama bei ta ei cha taopa ei phopi chô liata ryu na rei thei nawpa ta, sona nata novâhna tlao eina hiapa vâ chi ta,

HLAZY 17:14

Hy Abeipa, cha hawhpa chyhsazy tawhta na ku ta na pachha la, Hro chhôh ta tovyuh a hneipa khizaw chyhsazy tawhta na pachha mah y. Ama chhi cha ryusôhpazy ta pabie chi ta, Palôhtlâhna taihta sawzy hnei ei ta, Ama hneinazy cha sawzy châta ama siesai tyh.

HLAZY 39:6

A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.

HLAZY 73:7

Ama pachâna cha moleina ta bie ta, Ama palôh saduthliena ta a bie.

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

BIECHHOTUHPA 5:13

Hmo pha lei ngaitapa noh ry liata ei hmô: Chyhsa ta ano palôh pasa nawpa ta sôh nata thih a pachôpa hih.

BIECHHOTUHPA 5:16

He chhao he hmo pha lei ngaitapa a châ: a vaw tlô no hawhna khata a sie heih aw. Thlih châta hriapasapa dei châ ta, a châta khâpa athôhna ma a hnei?

BIECHHOTUHPA 5:18

Moh teh u, hmo phapa nata a hmiepa ta ei hmôpa cha, chyhsa ta niepa ta doh ta, Khazohpa ta a piepa noh chyhta a hnei chhôh ta, noh ry liata a hriapasana zydua liata alyna a hnei awpa he a châ. Cha cha a tovyuh a châ.

BIECHHOTUHPA 5:19

Cha dei châ vei, Khazohpa ta chyhsa hnohta sôh nata piah nata hneirôna zy a pie tita, chazy liata alyna châh pahno ta, a tovyuh a pyh thaipa ta, a hriapasana liata alyna châh a pahnopa cha, Khazoh hmosaipiepa a châ.

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

CHAPHÔHTUNA 5:2

Eima ryuto râhzy cha chihropazy hnohta piepa châ ta, Eima ozy râh hropazy hnohta piepa a châ ha hih.

DÂNIAH 5:18

Hy abei y, Khazohpa Chônôchaipa ta na paw Nebukaneza hnohta khinarâh zy, laina zy, rônahna zy, abeina zy pie ta.

HÔSIA 7:9

Chihropazy ta a thatlôna nie khai ei ta, Châhrasala a pahno vei; Sâ pawhpa thiapa châ ta, Châhrasala pahno vei.

RYHPACHANEINA 28:33

Nama pahno leipa phopi ta nama chhaohlei patheipa nata nama hriapasana theizy nie khai aw ei ta, nâmo cha khâ tlybai awpa nata riepathei awpa deita nama châ aw.

RYHPACHANEINA 28:43

“Chihropa nama hry liata a ypazy nâmo hlâta a sâh via rili aw ei ta, nâmo deikua cha namâ hnai via lymâ aw.

RYUREITUHPAZY 18:10

Nama sie tita, chhôhmohpa ta a ypa chyhsazy nama kei hmô aw, a râh chhao a kawh ngaita. Khazohpa ta râh cha a cha pie ha ei, alei liata hmo a ypa khâpa hmah a phahla leina su a châ,” tah ei ta.