BIECHHOTUHPA 6:12 - Mara Bible RV (BSI)

¹² Tihu buakha a vaw luah ta a lei heihpa hawhta, hro chhôh noh chyhta hnei ta, nohpahlipa hawhta a khôpa chyhsapa châta a pha chai awpa ahy ma a pahno tly? Ahy ma chyhsapa hnohta a thi tawhta noh ry liata hmo a vaw y awpa a chho thei aw tly?

BIECHHOTUHPA 6:12 ပူးပေါင်းရင်းမြစ်များ

1 THÂTIHZYRONA 29:15

Miah pathlatuhpazy hawhna khata, keimo cha na hmiakô liata khichhaipa nata khitlyhpa hawh dei châ pi ta, alei liata eima hro nohzy he nohpahlipa hawh dei châ ta, hnabeiseih awpa rai y vei.

ZAWBÂ 14:2

Pawpi hawhta vaw pawh ta, Thlai a uah heih tyh; Nohpahlipa hawhta a zaw ta, Y khao vei.

ZAWBÂ 14:21

A sawchapawzy palyupalihpa châ ei ta, Châhrasala pahno khao vei; Panawhpa châ ei ta, Hmô khao hra vei.

ZAWBÂ 8:9

Keimo cha zâhnia chyhsa dei châ pi ta, Khâpa hmah pahno ma pi. Alei liata eima hro nohzy he, Nohpahlipa deita a vaw châ.

HLAZY 102:11

Ei hro chhôh nohzy he zâlâ nohawh hawh dei châ ta, Sibiepa hawhta ei uah.

HLAZY 109:23

Zâlâ nohawh hawhta lei na ta, Khawsu hawhta chatho pathlahpa ta ei y.

HLAZY 144:4

Chyhsapa cha hu ei kha sopa hawh dei châ ta, A hro chhôh nohzy cha nohpahli a lei tyhpa hawh dei a châ.

HLAZY 16:5

Abeipa, nâ cha ei vyuh nata ei nyu châ chi ta, Ei tovyuh na pabohsa tyh.

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

HLAZY 4:6

Chyhsa hluhpi ta, “Ahy ma hmo phapa miah a pahmô aw? Hy Abeipa, na hmia khaihpa eima chô liata pakhaih mah y!” tah ei ta.

HLAZY 47:4

Eima ryuto râh miah a tlyhpa ta, A kyhpachâpa Zakaw myuh miah a pie. Selah

HLAZY 89:47

Ei daihti chyuzie he a thei mah y! Khazia ma chyhsa saw zydua he, Hraolei­pa ta na vaw paysa ei tly?

BIECHHOTUHPA 10:14

Hmialâ daihti a pahnopa y leipa ei ta, Thi hnôhlâ ta hmo a y awpa a reih theipa ama y leipa chhao ta, Ahrupa cha bie hluhpi reih ta, a reih via lymâ.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

BIECHHOTUHPA 2:24

Chyhsapa châta, niepa ta doh ta, a hriapasana liata alyna hneipa hlâta a pha viapa y vei. Cha chhao cha Khazohpa tawhta a châ tahpa ei hmô haw.

BIECHHOTUHPA 2:3

Chyhsa sawzy he hro chhôh noh chyhta ama hnei chhôh ta, avâ ry liata sona hmotaopa ma a pha via, hruna hmotaopa ma, tahpa ei pahno thei nawpa ta, ei palôh cha sona ta pachhihthasa lymâna chôta, ei pôhpa he kresawhti ta palysapa ta hruna patu a chhuah na ta.

BIECHHOTUHPA 3:22

Chyhsapa châta cha, raihria awpa he a tovyuh a châpa vâta, a raihria liata a ly awpa hlâta a pha viapa y vei tahpa ei hmô haw. ­ A thi khô lâta hmo a ypa pamosa awpa ta, ano cha ahy ma a vaw kuakhei thei aw?

BIECHHOTUHPA 6:11

Bie a hluh via nahta, hraoleipa hluh via ta, chyhsapa châta khâpa athôhna ma a hnei?

BIECHHOTUHPA 7:15

Tihu buakha a vaw lâ ta, a lei heihpa hawhta, daihti chyuta ei hro chhôh heta hmo toti ei hmô haw. Mosiapa ta a siana liata a leidia nota, moleipa ta a paraona chôta a hro a pasi thlâh haw.

BIECHHOTUHPA 8:13

Moleipa châta deikua cha a hro chypa chhao ta pha hlei aw vei. Khazohpa china a hnei leipa vâta, nohpahlipa hawh deita châ ta, a hro pareih hmeiseih aw vei.

BIECHHOTUHPA 8:7

Hmo a vaw y awpa a pahno chhieliepa y veih ei. Chavâta hmo a vaw y awpa kyh chyhsapa hnohta ahy ma a chho thei aw?

BIECHHOTUHPA 9:6

Ama kyhpachâna, amâ haona nata ama hiatliana zy lei khai ha ta, noh ry liata hmo taopazy liata tovyuh rai hnei khao veih ei.

BIECHHOTUHPA 9:9

Tihu buakha a vaw lâ ta a lei heihpa hawhta, Khazohpa ta noh ry liata noh chyhta a cha piepa liana heta, na kyhpachâpa na lapinô hnohta na hro a lypa ta hmâh mah y. Cha cha na hro chhôh ta na tovyuh châ ta, noh ry liata na hriapasana lymâ a châ.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

ZÂMIE 4:14

mylâ khâpa hmo ma a y aw tahpa pahno tlôh ei chi va. Nama hrona cha khâpa ma a châ? Tihu buakha a vaw lâ ta, a lei heihpa hawh dei mah nama châ tâh.