BIECHHOTUHPA 6:11 - Mara Bible RV (BSI)

¹¹ Bie a hluh via nahta, hraoleipa hluh via ta, chyhsapa châta khâpa athôhna ma a hnei?

BIECHHOTUHPA 6:11 ပူးပေါင်းရင်းမြစ်များ

HLAZY 73:6

Chavâta apalaina cha ama pachhih châ ta, Nôchhiena chysia amâ tobi.

BIECHHOTUHPA 2:15

Chatawhcha ei palôh ta, “Ahrupa chô liata hmo a tlôpa cha keima chô liata chhao tlô hra tlôh aw ta, cha hawhpa khiahta cha, ei sona heta khâpa phahnaina ma a hnei tly?” tah na ta. Ei palôh liata, cha chhao cha hraoleipa a châ ei tah tyh.

BIECHHOTUHPA 3:19

Chyhsa sawzy chô liata a tlô awpa nata sahrohzy chô liata a tlô awpa cha miakhapa châ ta, pakha thi ta, ahropa chhao a thi hra. Husona miakha a hneipa châ ei ta, chyhsapa cha sahroh hlâta a duahmo pha via hlei vei. Ato zydua hraoleipa a châ khai.

BIECHHOTUHPA 4:16

Bei thyutliapa ta a chhihthapa zawpi zydua cha chhâ tiah veih ei. Chatahrasala ano hnôhlâ ta a vaw y awpazy ta a chô liata a ly hlei aw veih ei. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

BIECHHOTUHPA 5:7

Mâsana a hluhna liata bie ruapa hluh ta, hraoleipa chhao a hluh tyh. Khazohpa deita na chi awpa a châ.

BIECHHOTUHPA 6:10

Hmo a vaw ypa maih rao chhielie hapa châ ta, chyhsapa chhichâna chhao pahno chiehpa a châ. Chavâta chyhsapa ta ano hlâta thatlô viapa bie cha ei thei vei.

BIECHHOTUHPA 6:12

Tihu buakha a vaw luah ta a lei heihpa hawhta, hro chhôh noh chyhta hnei ta, nohpahlipa hawhta a khôpa chyhsapa châta a pha chai awpa ahy ma a pahno tly? Ahy ma chyhsapa hnohta a thi tawhta noh ry liata hmo a vaw y awpa a chho thei aw tly?

HÔSIA 12:1

Epharai cha ziza chahâpa ta, Noh y ta nochhi thlih a chadai ta, Haiphiana nata atudaina ama papôhsa. Asuria nata biehrai tao ei ta, Izi râh lâ sathaw ama paphao tyh.