BIECHHOTUHPA 6:10 - Mara Bible RV (BSI)

¹⁰ Hmo a vaw ypa maih rao chhielie hapa châ ta, chyhsapa chhichâna chhao pahno chiehpa a châ. Chavâta chyhsapa ta ano hlâta thatlô viapa bie cha ei thei vei.

BIECHHOTUHPA 6:10 ပူးပေါင်းရင်းမြစ်များ

ÂTHAONA 3:9

Zehôvâh Khazohpa ta Âdâh cha aw ta, “Khataih liata na y?” tah ta.

ZAWBÂ 33:13

Khazia ano cha chakhiapa ta, ‘Chyhsapa biezy la a chhy aw vei,’ na tah tly?

ZAWBÂ 40:2

“Taochheina a hmô thaipa ta Atotaotheipa a padei aw ma? Khazohpa a eituhpa ta Duah a chhy tua sa,” tah ta.

ZAWBÂ 9:32

Ryureina su lia a duah khoh ta, Ano cha a chhy awpa ta, Kei hawhta chyhsapa châ tlôh va.

HLAZY 103:15

Chyhsapa la, a hro chhôh nohzy sibiepa hawh dei châ ta, Râh pawpi hawhta kaw pawh ta,

HLAZY 39:6

A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

BIECHHOTUHPA 3:15

A y haipa he, a y chiehpa kha châ ta; a vaw y awpa chhao, a y chiehpa kha a châ. Khazohpa ta a lei hapa a paysa heih tyh.

BIECHHOTUHPA 6:11

Bie a hluh via nahta, hraoleipa hluh via ta, chyhsapa châta khâpa athôhna ma a hnei?

ZEREMIAH 49:19

“Pachâ teh u, chakeibarôhneipa ta sibiepa su phapa liata mietakuzy Zawdâh râhmâhpa tawhta eikhapi ta a vaw puahnaopa hawhta, Edômâ chhao a râh tawhta eikhapi ta parâsa aw na ta, ei khopa maih a chô liata biehneituhpa ta ei rao aw. Kei hawhpa ahy y tly? Ahy ma a hmiakô liata a luah awpa ta nâ aw thei tly? Kheihawhpa mietaku vaituhpa ma ei hmiakô liata a duah thei aw tly?

1 KAWRINI 10:22

Abeipa cha a hia patliasapa ta, a hie pahâh eimâ chhuah mâ? Ano hlâta eima tha a tlô via mâ?