BIECHHOTUHPA 5:8 - Mara Bible RV (BSI)

⁸ Dyhchhiepazy tlybaipa ta ama ypa nata adona nata siana zy thachahra hmâpa ta pahleipa a châzie zy bia liata na hmô khiahta cha, cha kyh liata na noâh khah sy. Hyutuh laipa cha ano hlâta a sâh viapa ta mohpathli ta, âmo pano chô lâta chhao hyutuhpa a sâh viapazy ama y heih.

BIECHHOTUHPA 5:8 ပူးပေါင်းရင်းမြစ်များ

2 THÂTIHZYRONA 26:10

Râhchawhpa liata chhao o sâhpazy padua ta, sahroh hluhpi a hneipa vâta, Sephelâ nata bypizy liata tipo hluhpi tao ta. Lyutao a pahâhpa a châpa vâta, tlâhzy nata chhaohlei phana suzy liata lyutaopa nata kre sadô mohôhtuhpazy soh ta.

ZAWBÂ 24:23

Abohpa hawhta a pachâpa ta a pahâsa chypa chhao ei ta, Khazohpa mo ta ama lâpizy a tawpâ lymâ.

HLAZY 12:5

“Dyhchhiepazy hraopa châ ei ta, Phahlapazy amâ hrôpa vâta, Tahmâ thyu aw na ta, Âmo a teituhpazy tawhta ei pabohsa aw ei,” Abeipa ta a tah.

HLAZY 55:9

Hy Abeipa, khihpi liata atudaina nata ahryuna zy hmô na ta; Âmo cha pahleipadia la, Ama paleih hriechheih khai ha mah y.

HLAZY 82:1

Khazohpa ta vâ pakhypi rônahpa chhihtha ta, Khazohzy hry liata ryureina siekhei ta, Hetana heta pachiana bie a phuah:

HLAZY 83:18

Nâ deita he Zehôvâh moh a phaohpa châ chi ta, Khizaw zydua liata Chônôchaipa na châ tahpa ama pahno aw.

HLAZY 95:3

Abeipa cha Khazohpa rônahpa châ ta, Khazoh zydua chô lâta Bei rônahpa a châ.

BIESOZY 22:16

Ano hneirôna papôh nawpa ta dyhchhiepa tlybai ta, Hneirôhpa hnohta sôh nah thih a piepa cha, Dyhchhiena ta a tlô thlu aw.

BIESOZY 24:12

“Pachâ teh, he hmo he pahno ma pi,” Na tah khiahta cha, Palôh khopathliahtuhpa ta pahnopa ta, Na hro a vaotuhpa ta pahno thlâh ha ta, Chyhsa to ama hmotaopa lymâ hawhta viari a thô aw ei.

BIESOZY 8:17

Kyh nâ pachâtuhpazy cha ama kyh pachâ na ta, Palôh hmeiseihpa ta nâ tluapazy ta eina hmô ei.

BIECHHOTUHPA 3:16

Cha dei châ vei, adona yna su liata paraona y hra ta, siana yna su liata chhao paraona a yzie noh ry liata ei hmô.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

BIECHHOTUHPA 5:9

Châhrasala mo to chhaohlei kôvei a niepa sai châ ei ta, abei tlai chhao cha lyutaopazy ta ama chyhpa a châ.

BIECHHOTUHPA 7:7

Tlybaina ta asopa chhao pahrusa ta, Panaopapana ta palôh a pamoleisa tyh.

BIECHHOTUHPA 8:9

Noh ry liata hmo taopa zydua saipa ta ei palôh hmâh na ta, he he ei hmôpa cha a châ: chyhsapa ta chyhsa hropa chô liata biehneina hmâh ta, châhrasala cha cha ano pasa nawpa tlao a châ tyh.

ISAI 10:12

Chatawhcha hetana heta a vaw châ aw. Abeipa ta Zaio Tlâh nata Zeru­sale chô liata a raihria zydua a paloh tita, Asuria bei cha a palôh laina bie nata a mo â pasâhsana vâta a hrie aw.

ISAI 3:15

Kheihta ma dyhchhiepazy hmia chariehpa ta, Ei phopi cha nama chanaoh ngâ tly?” Pheisaihzy Abeipa Zehôvâh ta a tah.

ISAI 37:36

Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, moh teh u, riehmo cha athihpa ri ta bie thlâh ha ta.

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

EZEKIA 18:18

A paw deikua cha, chyhsa eih chhu ta, a unawhpa hrao ta, a phopi hry liata hmo pha leipa a taopa vâta, pachâ teh, a paraona vâta a thi awpa a châ.

AMÔSÂ 5:12

Hy nâmo, chyhsa siapazy taola ei chi ta, Panaopapana lapa ta, Phahlapazy cha thokhy chhikao liata A pathluapa saih u, Nama paraona hluhzie pahno na ta, Nama moleina laizie ei pahno.

AMÔSÂ 6:12

Lôpanô chô liata arâzy amâ râ beih mâ? Cha liata chyhsa ta viahchao tôhpazy ta lei a palie beih ma? Nâmo deikua cha, Adona cha châmaih lâta palie ei chi ta; Siana thei chhao, Tho khapa nama pachâsa haw.

MIKÂ 2:9

Ei phopi chanôzy cha, Ama ngiaryh kawna ama ozy tawhta papua ei chi ta, Ei rônahna cha, Ama sawzy tawhta chhâzaw ta nama lapa haw.

ZEKARIA 8:6

Pheisaihzy Abeipa ta hetana heta a tah: Kha daihti nota, he phopi laibâhpa châta hmotheileipa a lyupa kha, keima châta cha hmotheileipa a châ hlei rai ma? Pheisaihzy Abeipa ta a tah.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

LUKA 1:32

Ano cha chyhsa rônahpa châ aw ta, Chônôchaipa Sawchapawpa bipa a châ aw. A pathlatuhpa Dâvi beidyuchhai cha Abeipa Khazohpa ta a hnohta pie aw ta,

LUKA 1:35

Vâlyuhchâpa ta a hnohta, “Thlahpa Pathaihpa na chô liata vaw tlô aw ta, Chônôchaipa hmotaotheina ta a cha khu aw. Chavâta hawti pathaihpa a vaw pih awpa cha, Khazohpa Sawchapawpa bipa a châ aw.

LUKA 1:76

Chavâta nâ, hawtipa y, Chônôchai hrohsopa tahpa na châ aw. Abeipa lâpizy a chhuahdy awpa ta, A hmia lâta sie aw chi ta,

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.

RAWMA 11:33

Hy â thu kaw dia, Khazohpa hneirôna, Sona nata pahnona zy cha! A ryureinazy pahno thei awpa châ leipa ta, A lâpizy chathô thei awpa châ vei.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.

1 PITY 4:12

Kho ngaitapa saih u, pasiana ru ngaitapa a tyhpa ta pasa nama tao tita, nama chô liata hmo a tlôpa cha noâh tah khuh vy.

1 ZAWHÂNA 3:13

Unawhzy saih u, khizaw ta a châ haopa vâ ei ta nama noâh khah sy.