BIECHHOTUHPA 5:7 - Mara Bible RV (BSI)

⁷ Mâsana a hluhna liata bie ruapa hluh ta, hraoleipa chhao a hluh tyh. Khazohpa deita na chi awpa a châ.

BIECHHOTUHPA 5:7 ပူးပေါင်းရင်းမြစ်များ

BIESOZY 23:17

Na palôh ta moleipazy uahva leipa sala, Noh y ta Abeipa chipa ta tlao y mah y.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

BIECHHOTUHPA 3:14

Khazohpa ta a taopa maih cha a y kôzaw aw tahpa ei pahno. Khâpa hmahta baichha theipa châ leipa aw ta, la bâ theipa cha aw vei. Chyhsazy ta a hmiakô liata chizapa ta ama y thei nawpa ta, Khazohpa ta a taopa a châ.

BIECHHOTUHPA 3:16

Cha dei châ vei, adona yna su liata paraona y hra ta, siana yna su liata chhao paraona a yzie noh ry liata ei hmô.

BIECHHOTUHPA 5:3

Pachâna hluh tupa ta mâsapa pahluh ta, bie rei hluh tupa ta hruna bie a papua hluh tyh.

BIECHHOTUHPA 7:18

He he nâ patu awpa a pha, pathlie cheita khah y. Khazohpa a chituhpa cha, cha hawhta tah tu pâpa hnei lei awpa ta â vaih aw.

BIECHHOTUHPA 8:12

Chyhsa moleipa cha ei za kha a molei hapa chhao ta, hroh thlâh ha chy hra sala, Khazohpa a chituhpazy ta Khazohpa ama chipa cha a pha pyly tahpa ei pahno.

BIECHHOTUHPA 8:13

Moleipa châta deikua cha a hro chypa chhao ta pha hlei aw vei. Khazohpa china a hnei leipa vâta, nohpahlipa hawh deita châ ta, a hro pareih hmeiseih aw vei.

BIECHHOTUHPA 8:9

Noh ry liata hmo taopa zydua saipa ta ei palôh hmâh na ta, he he ei hmôpa cha a châ: chyhsapa ta chyhsa hropa chô liata biehneina hmâh ta, châhrasala cha cha ano pasa nawpa tlao a châ tyh.

MATHAI 12:36

Ei cha chho ei, chyhsazy ta bie pha leipa ama reipa maih cha, ryureina noh liata amâ reipasia awpa a châ.