BIECHHOTUHPA 5:6 - Mara Bible RV (BSI)

⁶ Na pakah ta cha pamoleisa leipa sala, vâlyuhchâpa hmiakô liata, taopasipa a châ tah hra khah y. Khazia Khazohpa cha na bie vâta a hiehâhpa ta, na ku raihriazy a parao aw?

BIECHHOTUHPA 5:6 ပူးပေါင်းရင်းမြစ်များ

ÂTHAONA 48:16

Hmo pha leipa zydua tawhta nâ chatlaituhpa Vâlyuhchâpa ta, Hawtizy he byhnâ pie sala, Âmo liata ei moh phaoh lymâpa châ mawh sy. Nâ pathlatuhpa Abarahâ nata Aisika zy moh chhao, Phaoh lymâpa châ sala; Alei chô liata thata vaw pôh mawh ei sy,” tah ta.

BIESOZY 23:17

Na palôh ta moleipazy uahva leipa sala, Noh y ta Abeipa chipa ta tlao y mah y.

BIECHHOTUHPA 10:12

Asopa cha a pakah biezy ta ngiachhiena pahlaosa ta, Ahrupa hmao deikua cha ano a palâtuhpa a châ.

BIECHHOTUHPA 3:14

Khazohpa ta a taopa maih cha a y kôzaw aw tahpa ei pahno. Khâpa hmahta baichha theipa châ leipa aw ta, la bâ theipa cha aw vei. Chyhsazy ta a hmiakô liata chizapa ta ama y thei nawpa ta, Khazohpa ta a taopa a châ.

THEIHTHAINA 4:2

“Izarei sawzy hetana heta chho teh: Abeipa ta tao lei awpa ta bie a piepa kheihawhpa tlyma chyhsa ta taopa ta molei pathlei ha sala,

THEIHTHAINA 4:22

“Ryureituhpa ta Abeipa a Khazohpa ta tao lei awpa ta bie a piepa kheihawhpa tlyma taopa ta a molei pathlei khiahta cha, thailei a châ aw.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MALUHREINA 15:25

Chatawhcha theihthaipa ta Izarei zawpi zydua châta chatlaina tao aw ta, tao pathleipa châ ta, ama tao pathleipa châta Abeipa lâta mei ta hmohlâpa hlâ ei ta, Abeipa hmiakô liata moleina hlâna ama hlâ hapa vâta, a ngiahthaipa ama châ aw.

1 KAWRINI 11:10

Cha vâta nata vâlyuhchâpazy vâ chhao rai ta, chanô cha a chô liata biehneituhpa a y tahpa ngiana châta a luh â khu awpa a byuh.

1 TIMAWTHY 5:21

He ryhpazy he thailei pachâsa chhieliena y leipa ta, khokhei eih viapa hnei hra leipa ta hmâh awpa ta, Khazohpa nata Krista Zisu nata vâlyuhchâpa atlyhpazy mohmô liata bie ei cha pie.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

ZÂMIE 1:26

Ahy rai zyhna pachâ kawpa hawhta â pachâ ta, a paleih a vaih tlôh leipa cha, anosasyh ta â dôveipa châ ta, cha hawhpa zyhna cha phahnaina hnei leipa zyhna a châ.

ZÂMIE 3:2

Eima zydua ta kyh hluhpi liata eimâ chapia tyh. Chyhsa ta a biereipa liata â chapia beih vei khiahta cha, cha chyhsa cha chyhsa pakipa châ ta, a pôhpa zydua chhao a vaih theipa a châ.

2 ZAWHÂNA 1:8

Nama hria chiehpazy pahlei leipa ta, lymâ â kipa ta nama hmô thei nawpa ta, a hrohrua teh u.