BIECHHOTUHPA 5:17 - Mara Bible RV (BSI)

¹⁷ Cha dei châ vei, a hro chhôh noh zydua ta ruchhôpa nata pasapa nata hiehâhpa ta zohna liata pati a nie tyh.

BIECHHOTUHPA 5:17 ပူးပေါင်းရင်းမြစ်များ

ÂTHAONA 3:17

Âdâh hnohta, “Na lapinô bie nathlie chi ta, ‘Na nie awpa châ vei,’ tahpa ta bie ei cha piepa tho thei na niepa vâta, “Nâma vâta chhaohlei he chhiesapa ta y ha ta, Na hro chhôh zydua ta riethei taopa ta, Chhaohlei thei na nie aw.

1 ABEIZY 17:12

Nôhmeinô chata, “Abeipa na Khazohpa hrona reipa ta ei reih, viahchhâ hnei leipa na ta, beih liata viahdie pazah kha deita nata a ôh liata sathaw a chyhta deita ei hnei. Tahmâ thopahrei chhao he a chyhta dei pakhy na ta, o lâ vawh aw na ta, keima nata ei sawchapawpa châta viahchhâ tao aw na ta, nie aw pi ta, cha khô lâ cha nie awpa hnei khao leipa aw pi ta, tlâ eima thi aw,” tah ta.

2 ABEIZY 1:2

Ahazia cha Samâri liata a o chô chhôhpadâhpa diahpai opy tawhta tla ta, pasa ha ta. Chavâta lyuhchâpazy tuah ta, ama hnohta, “Sie u la, ei pasapa he ei tlâh thei aw ma tahpa Ekaraw khih khazoh Bâlâzebu kei hiahri teh u,” tah ta.

2 ABEIZY 1:6

Âmo ta a hnohta, “Chyhsa pakha miah a vaw tyh ta, eima hnohta, ‘Sie u la, châ vaw tuahtuhpa abei lâ cha kua u la, a hnohta, Abeipa ta hetana heta a tah, Izarei râh liata Khazohpa a y khao leipa vâta ma Ekaraw khih khazoh Bâlâzebu cha a saohiah awpa ta na tuah ei? Rakhô na kiapa tawhta chô khao aw va chi, na thi thlyu aw,’ kei tah muh vy tahpa ta miah a chho,” tah ei ta.

2 ABEIZY 5:27

Nâmâ phawhpa kha ta cha patu aw ta, na pathlazy chhao chhâzaw ta a patu lymâ aw,” tah ta. Chatanachata Kehâzi cha Elaisâh hmiakô tawhta pua ta, dâhaw hawhta ngyuhpa ta, phawhpa vaw châ ha ta.

ZAWBÂ 21:25

Chyhsa hropa deikua cha hro pachârôhpa ta thi ta, Phana rai padi beih leipa ta a thi haw.

HLAZY 102:9

Viahchhâ hawhta buchâh nie na ta, Ei dopa liata mothlih ei pahlao tyh.

HLAZY 127:2

Mydi ta thyupa ta a pahâ hawh ei chi ta, Hriapasa palôh rietheipa ta pati nama nie tyhpa he, Hraoleipa a châ. Abeipa ta a kyhpachâpazy cha, Mokuh pahâpa ta a pamôsa tyh ei.

HLAZY 39:6

A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.

HLAZY 78:33

Chavâta ama nohzy cha, Hu ei kha sopa hawhta a lei awpa ta tao ta; Ama kôzy chhao, China ta kô châh a padisa ei.

BIECHHOTUHPA 2:10

Ei mo ta a khopa maih thlyu leipa na ta, ei palôh chhao alyna kheihawhpa liata hmahta pakysa va na. Ei hriapasana zydua liata ei palôh a ly ta, cha cha ei hriapasana zydua vâta ei lymâ a châ.

BIECHHOTUHPA 2:23

A hro chhôh noh zydua cha vâsâhna sai ta bie ta, a raihria chhao ruchhôna dei a châ. Zâ ta chhao a palôh a pahâ vei. Cha chhao cha hraoleipa deita a châ.

BIECHHOTUHPA 2:24

Chyhsapa châta, niepa ta doh ta, a hriapasana liata alyna hneipa hlâta a pha viapa y vei. Cha chhao cha Khazohpa tawhta a châ tahpa ei hmô haw.

BIECHHOTUHPA 7:14

Phana noh liata a ly la, chhiena no liata he he pachâ mah y: Phana chhao, chhiena chhao, Khazohpa taopa a châpa vâta, chyhsapa ta a hmialâ daihti liata hmo a vaw y awpa khâpa hmah pahno vei.

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.