BIECHHOTUHPA 5:13 - Mara Bible RV (BSI)

¹³ Hmo pha lei ngaitapa noh ry liata ei hmô: Chyhsa ta ano palôh pasa nawpa ta sôh nata thih a pachôpa hih.

BIECHHOTUHPA 5:13 ပူးပေါင်းရင်းမြစ်များ

ÂTHAONA 14:16

Hmo zydua a liekhei khai ta, a unawhpa Lawta nata a hneipa zydua nata chanôzy nata chyhsa zydua â liekhei khai ha ei.

ÂTHAONA 19:14

Chatanachata Lawta cha a sawchanôzy a hnei awpa a piahpazy lâ vawh ta, ama hnohta, “Thyu u la, he su tawhta pua teh u. Abeipa ta he khihpi he a pahleipadia aw,” kei tah ta. Châhrasala a piahpazy ta sai a sohpa hawhta pachâ ei ta.

ÂTHAONA 19:26

Hnôh lâ a chhâhpa Lawta lapinô cha hnôh lâ a heih ta, alôh tôh lâta â lie haw.

ZAWBÂ 20:20

“A pavyhpi aohraohpa ta palôtlâh â paoh beih leipa vâta, A aohkhopa cha pahlôh leipa ta a nie khai lymâ tyh.

BIESOZY 1:19

He he avyuhna ta athôhna a chadaipa karâypa chyhsa zydua chhâna a châ, Avyuhna ta hneipa sôh chata a hneituhpazy hrona a pahlei tyh.

BIESOZY 1:32

Sona a phahlapazy cha lâpi ama tleisaina ta âmo cha thie tyh ta, Ahrupazy chhao âmo hruna ta a pahleipadia tyh ei.

BIESOZY 11:4

Hiehâhna noh liata cha, Hneirôna ta phahnaina hnei khao leipa ta; Siana deikua ta cha, Thina tawhta a pachha tyh.

BIESOZY 23:4

Hneirôh awpa ta na rie a pathei tu leipa la, Â daihna rakha pahno awpa ta so thai kaw mah y.

BIESOZY 27:24

Hneirônazy cha chhâzaw châta châ leipa ta, Bei lakho chhao chhâ zydua châta châ vei.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

BIECHHOTUHPA 5:14

A sôh nata thihzy cha chhiena â tyhna liata lei khai ha ta, a sawchapaw châta a ku liata khâpa hmah y khao vei.

BIECHHOTUHPA 8:9

Noh ry liata hmo taopa zydua saipa ta ei palôh hmâh na ta, he he ei hmôpa cha a châ: chyhsapa ta chyhsa hropa chô liata biehneina hmâh ta, châhrasala cha cha ano pasa nawpa tlao a châ tyh.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

ZEPHANIA 1:18

Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

LUKA 16:19

“Chyhsa hneirôhpa pakha y ta. Chysia saihlawpa nata rih dipa ta a tobipa ta, noh chareih phasa ngaitapa ta y tyh ta.

LUKA 19:8

Zakia cha a duah ta, Abeipa hnohta, “Abeipa, moh tua, ei sôh khophie dyhchhiepazy hnohta pie aw na ta, chyhsa hmo kheihawhpa rai â doleipa ta ei lapa a y khiahta cha, a lie palih ta ei thô aw,” tah ta.