BIECHHOTUHPA 5:10 - Mara Bible RV (BSI)

¹⁰ Tâkâ a tlaichhaipa cha tâkâ liata a lôhrâ patlô beih leipa aw ta, hneirôna a tlaichhaipa chhao a sôh hmôpa ta a lôhrâ patlô beih aw vei. Cha chhao cha hraoleipa deita a châ.

BIECHHOTUHPA 5:10 ပူးပေါင်းရင်းမြစ်များ

HLAZY 52:1

Hy chyhsa thatlôpa, khazia hmo pha leipa nâ palaikhei tly? Khazohpa phana cha noh y ta y tlôh ta.

HLAZY 52:7

“Moh tua u, he chyhsa he, Khazohpa cha â chhaina ta tao leipa ta, A hneirôna liata a pahnieh ta, A moleina liata tha â patlôpa chyhsa a châ hih,” ama tah aw.

HLAZY 62:10

Chyhsa hmo chhupa liata ngâna pahnieh leipa u la, Hraona sôh liata hnabeiseihna doleipa hnei hra khuh vy; Hneirôna a vaw pôh tita, Cha liata nama palôh soh khuh vy.

BIECHHOTUHPA 1:17

Chatanachata sona kyh pahnopa ta, hruna nata ngâna kyh chhao pahno awpa ta ei palôh hmâh na ta. Cha chhao cha thlih a chadaipa deita a châ tahpa ei pahno haw.

BIECHHOTUHPA 1:8

Hmo zydua riethei thachhâ chhihpa châ ei ta, Chyhsa ta rei tiah awpa chhao châ vei. Mokhaoh ta a hmo hmôpa liata a lôhrâ tlô leipa ta, Nakao ta a hmo theipa liata a rih bie vei.

BIECHHOTUHPA 2:10

Ei mo ta a khopa maih thlyu leipa na ta, ei palôh chhao alyna kheihawhpa liata hmahta pakysa va na. Ei hriapasana zydua liata ei palôh a ly ta, cha cha ei hriapasana zydua vâta ei lymâ a châ.

BIECHHOTUHPA 2:11

Ei hriapasa­na zydua nata ei ku ta ei hriapa zydua pachâ na ta, moh teh u, cha zydua cha hraoleipa châ ei ta, thlih a chadaipa deita a châ; noh ry liana heta hmo phahnaipa khâpa hmah y vei.

BIECHHOTUHPA 2:26

Ano a palysatuhpa cha, Khazohpa ta sona nata novâhna nata alyna pie ta, moleipa deikua cha, Khazohpa palôh a patlâhpa hnohta pie awpa lapakhyna nata pahmaohpakhyna rai a pahriasa tyh. Cha chhao cha hraoleipa châ ta, thlih a chadaipa deita a châ.

BIECHHOTUHPA 3:19

Chyhsa sawzy chô liata a tlô awpa nata sahrohzy chô liata a tlô awpa cha miakhapa châ ta, pakha thi ta, ahropa chhao a thi hra. Husona miakha a hneipa châ ei ta, chyhsapa cha sahroh hlâta a duahmo pha via hlei vei. Ato zydua hraoleipa a châ khai.

BIECHHOTUHPA 4:16

Bei thyutliapa ta a chhihthapa zawpi zydua cha chhâ tiah veih ei. Chatahrasala ano hnôhlâ ta a vaw y awpazy ta a chô liata a ly hlei aw veih ei. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

BIECHHOTUHPA 5:9

Châhrasala mo to chhaohlei kôvei a niepa sai châ ei ta, abei tlai chhao cha lyutaopazy ta ama chyhpa a châ.

BIECHHOTUHPA 6:7

Chyhsapa hriapasana zydua cha a aoh châta châ ta, châhrasala a aoh lôhrâ tlô beih vei.

MATHAI 6:19

“Chhoma-u nata saiiepa ta niepa ta, parutuhpazy ta a ngia ei ta ama paru theina alei liana heta ryuzy a pachô khuh vy.

MATHAI 6:24

“Ahy hmahta abei pano chakao pabaoh thei aw veih ei. Pakha a hao aw ta, ahropa cha kyh a pachâ aw. Cha leipa chhao ta, pakha rei a ngiah aw ta, ahropa cha a mopakhô aw. Khazohpa nata khizaw sôh chakao pabaoh thei veih ei chi.

LUKA 12:15

Ama hnohta, “A chado u la, uahvana kheihawhpa lia rai ta a vaih teh u. Sôh hluhpi hneipa he chyhsapa hrona chhâpa châ vei,” tah ta.

1 TIMAWTHY 6:10

Tâkâ sôh kyh liata karâyna cha moleina to thabypa a châ. Thokha sôh tlaichhaina vâta ngiapâna paviasai ei ta, pachârôhna hluhpi taopa ta, âmosasyh amâ pasasa tyh.