BIECHHOTUHPA 5:1 - Mara Bible RV (BSI)

¹ Khazohpa o lâ na pangai nota na phei a phapa ta vaih mah y. Ahrupazy atheihna hlâpa hlâta bie nathlie awpa ta a hniapa a pha via, ahrupazy cha khâpa ma ama tao tahpa ama pahno leipa vâta.

BIECHHOTUHPA 5:1 ပူးပေါင်းရင်းမြစ်များ

2 THÂTIHZYRONA 26:16

Châhrasala thatlôpa ta a vaw y nahta, Uzia cha a palai ta, cha chata ano châta raona a tlôkhei haw. Abeipa a Khazohpa châta ngâchhih leipa ta y ta, ropahâhpa maisâh liata ropahâhpa rao awpa ta Abeipa Achhyna o lâ a ngia ta.

ZAWBÂ 11:2

“Cha bie zyzie cha a chhy leipa ta ypa ta, Chyhsa reih hluhpa maih thai ama châ aw ma?

ZAWBÂ 22:12

“Khazohpa cha avâ sâhpa liata a ypa châ ta, Awhsi a sâh chaipazy khi moh la, Amâ sâhzie khi moh tua rai!

HLAZY 89:7

Ano cha mopathaihpazy pakhypi liata ama chi ngaitapa châ ta, A kiapâh liata a ypa zydua hlâta ama chiza chaipa Khazohpa a châ.

PUASAINA 3:5

Khazohpa ta, “A vaw hnia kha, na pheikyzy kha pahluh teh, nâ duana alei kha su pathaihpa a châ,” tah ta.

PUASAINA 30:18

“A si nawpa ta dawh rahô tao aw chi ta, a patyuna dawh chhaota na tao aw. Cha cha ahmaohna poh o nata maisâh likawh liata patyu aw chi ta, a chhôh liata ti na soh aw.

BIESOZY 10:19

Bie hluhpi a reihpa cha paraona a phahla leipa ta, A hmao a sohsi theipa deikua cha chyhsa sopa a châ.

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

BIESOZY 21:27

Moleipa atheihna hlâpa cha pasichhihpa châ ta, Moleina palôh chhaota a hlâpa chhochhi cha pasi â chhih via pachai.

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

THEIHTHAINA 10:3

Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

HMOTAOPAZY 10:33

Chavâta thlai cha vaw padysa na ta, zawh a ngiah chi ta, nâ vy theipa he a lypa a châ kaw na. Abeipa ta bie a cha piepa zydua cha nathlie awpa ta, eima zydua heta Khazohpa hmiakô liata tahmâ eimâ vaw hmaoh,” tah ta.

HMOTAOPAZY 17:11

Beria mo cha Thysalawnika mo hlâta pha via ei ta, pahâ ngaitapa ta bie cha dao ei ta, ama reipa cha â do nata do lei pasia nawpa ta noh chareih ta Biehrai a chu pasia tyhpa ama châ.

1 KAWRINI 11:22

Khazia! Niedo nawpa o hnei veih ei chi ma? Khazia Khazohpa Awnanopa mohnaopa ta, khâpa hmah hnei leipazy maoh nama paphyuhsa? Nama hnohta khâpa ei reih aw? Ei cha reithai aw ei mâ? Cha reithai tiarâh veih ei na.

HEBRAI 10:26

Biehmeiseihpa pahnona eima hnei ha tawhta eima molei raruah lymâ khiahta cha, moleinazy châta atheihna y khao vei.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

ZAWSUA 5:15

Abeipa pheisaihzy hyutuhpa ta Zawsua hnohta, “Na pheiky kha pahluh teh. Nâ duana su kha su pathaihpa a châ,” tah ta. Cha hawhna chata Zawsua ta a pheiky cha pahluh ta.