BIECHHOTUHPA 4:8 - Mara Bible RV (BSI)

⁸ Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

BIECHHOTUHPA 4:8 ပူးပေါင်းရင်းမြစ်များ

ÂTHAONA 2:18

Zehôvâh Khazohpa ta, “Chapaw ano dei ta a ypa he pha vei, ano baotuhpa â khypa ei taopa aw,” tah ta.

HLAZY 39:6

A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.

HLAZY 39:7

“Hy Abeipa, tahmâ he khâpa ma ei hâ chy tly? Ei hnabeiseihna cha nâ liata y tlôh ta.

BIESOZY 27:20

Athihkhih nata Chhokhih zy ta â daih tahpa ama hnei leipa hawhta, Chyhsapa mo ta â dai tahna rai hnei vei.

BIECHHOTUHPA 1:13

Avâ ry liata hmo a ypa zydua sona ta tlua awpa ta ei palôh hmâh na ta. Khazohpa ta chyhsa sawzy tao awpa a vaw piepazy he tymâna dei a vaw châ.

BIECHHOTUHPA 1:8

Hmo zydua riethei thachhâ chhihpa châ ei ta, Chyhsa ta rei tiah awpa chhao châ vei. Mokhaoh ta a hmo hmôpa liata a lôhrâ tlô leipa ta, Nakao ta a hmo theipa liata a rih bie vei.

BIECHHOTUHPA 2:21

Chyhsa ta sona nata novâhna nata zôthaina zy hmâpa ta hriapasa ta, a châh ta cha, a hriapasa leipa to awpa ta siesai awpa a châ thlâh ha tyh. Cha chhao cha hraoleipa nata paraona lai ngaitapa a châ.

BIECHHOTUHPA 2:23

A hro chhôh noh zydua cha vâsâhna sai ta bie ta, a raihria chhao ruchhôna dei a châ. Zâ ta chhao a palôh a pahâ vei. Cha chhao cha hraoleipa deita a châ.

BIECHHOTUHPA 4:7

Sai heih na ta, noh ry liata hraoleipa ei hmô via heih.

BIECHHOTUHPA 5:10

Tâkâ a tlaichhaipa cha tâkâ liata a lôhrâ patlô beih leipa aw ta, hneirôna a tlaichhaipa chhao a sôh hmôpa ta a lôhrâ patlô beih aw vei. Cha chhao cha hraoleipa deita a châ.

BIECHHOTUHPA 5:9

Châhrasala mo to chhaohlei kôvei a niepa sai châ ei ta, abei tlai chhao cha lyutaopazy ta ama chyhpa a châ.

ISAI 5:8

Râh ruapa y khao leina taihta, O nata o pazao ta, Râh nata râh a pazaopazy cha Ama hu a po na! Râh liah khophie liata Âmo dei ta ama pahrâ.

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

MATHAI 11:28

Nâmo, hriapasapa nata phaohripa zydua saih u, kei lâ a vy u la, ei cha pahâsa aw ei.

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

1 ZAWHÂNA 2:16

Khizaw liata hmo a ypa zydua, sapa aohraohna, mokhaoh aohraohna nata hro chhôh hneirôna a palaikheina zy he Paw tawhta a puapa châ leipa ta, khizaw tawhta a puapa a châ.