BIECHHOTUHPA 4:16 - Mara Bible RV (BSI)

¹⁶ Bei thyutliapa ta a chhihthapa zawpi zydua cha chhâ tiah veih ei. Chatahrasala ano hnôhlâ ta a vaw y awpazy ta a chô liata a ly hlei aw veih ei. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:16 ပူးပေါင်းရင်းမြစ်များ

2 SAMUELA 19:9

Chatawhcha Izarei chi zydua liata zawpi zydua cha a eichhia ei ta, “Abei ta eima chariahpazy ku tawhta miah pachha ta, Philistinâ mo ku tawhta miah a pachha haw. Tahmâ Absalaw vâta, he râh tawhna heta a râ ha ta.

1 ABEIZY 1:40

Zawpi zydua ta ano cha kaw pazi ei ta, ramozy tô ei ta, alei â patlaw khai ha khiah ma tah ngâna taihta a ly ngaitapa ta thata awh ei ta.

BIECHHOTUHPA 1:14

Noh ry liata hmotaopa zydua hmô khai na ta, moh tua u, ato hraoleipa sai châ ei ta, thlih a chadaipa deita a châ:

BIECHHOTUHPA 2:11

Ei hriapasa­na zydua nata ei ku ta ei hriapa zydua pachâ na ta, moh teh u, cha zydua cha hraoleipa châ ei ta, thlih a chadaipa deita a châ; noh ry liana heta hmo phahnaipa khâpa hmah y vei.

BIECHHOTUHPA 2:17

Chavâta hro he ei hao. Noh ry liata hmotaopa zydua he, ei pachâ nâ parôhtuhpa dei châ ei ta, ato zydua hraoleipa châ ei ta, thlih a chadaipa deita a châ.

BIECHHOTUHPA 2:26

Ano a palysatuhpa cha, Khazohpa ta sona nata novâhna nata alyna pie ta, moleipa deikua cha, Khazohpa palôh a patlâhpa hnohta pie awpa lapakhyna nata pahmaohpakhyna rai a pahriasa tyh. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:15

Chyhsa a hrohpa zydua noh ry liata ama chareipa hmô na ta, abei su liata a duahpa thyutliapa chhao kha ama hry liata hmô hra na ta.