BIECHHOTUHPA 3:4 - Mara Bible RV (BSI)

⁴ Cha daihti y ta, pahnei daihti a y; Mâchhiesa daihti y ta, lâ daihti a y;

BIECHHOTUHPA 3:4 ပူးပေါင်းရင်းမြစ်များ

ÂTHAONA 21:6

Sârâ ta, “Khazohpa ta na pahneisa ha ta, a theipa maihta eina pahneikhei aw ei.

2 SAMUELA 6:16

Abeipa Byh cha Dâvi khihpi â ngia hai nota, Sawla sawchanô Mikâli cha opy tawhta vaw sai ta, Bei Dâvi cha Abeipa hmiakô liata lâh ta, â zawzâ ngâ kawpa hmô ta, a palôh liata zakhei kaw ta.

HLAZY 30:11

Ei mâchhiesana cha lâna lâta pachâsapa ta, Ei latho poh na pahluhpa chi ta, Thaphana ta ei chai eina saih ha chi.

HLAZY 30:5

A hiehâhna cha buakha châ deita châ ta, A khokheina deikua cha hro chhôh châta a châ. Zâ chhôh ta chana y hra sala, My ta alyna a vaw tlô tyh.

PUASAINA 15:20

Chatawhcha hrohsonô Miria, Arawna sietanô cha khohtaw chaba ta, chanô zydua ta khohtaw nata lâna chôta ano cha pazi ei ta.

BIECHHOTUHPA 3:5

Alô thy daihti y ta, alô pahmaoh daihti a y; A pyhpahly daihti y ta, a pyhpahly lei daihti a y;

BIECHHOTUHPA 7:14

Phana noh liata a ly la, chhiena no liata he he pachâ mah y: Phana chhao, chhiena chhao, Khazohpa taopa a châpa vâta, chyhsapa ta a hmialâ daihti liata hmo a vaw y awpa khâpa hmah pahno vei.

ISAI 40:1

Thlah palôh u la, ei phopi cha thlah palôh teh u, Nama Khazohpa ta a tah.

ISAI 40:2

Zerusale cha bie pha a chho u la, A hnohta, Â dyuhna chhâ ha ta, A paraona a ngiahthaipa a châ haw; A moleina zydua vyuhpa ta, Abeipa ku tawhta a lie no ta a hmô haw, Tahpa ta chho teh u.

MATHAI 11:17

“‘Ramo cha tôpa pi ta, Lâh leipa ei chi ta; Chaphôh cha tupa pi ta, Mâchhiesa hlei veih ei chi.’

MATHAI 9:15

Zisu ta ama hnohta, “Myuhneituhpa a y thlâh ha nota, ahneina kyhchhi a hlaopazy mâchhie ama sa aw ma? Ama hry tawhta myuhneituhpa lana daihti vaw tlô aw ta, cha tita deikua cha kâhvileipa ta ama y aw.

LUKA 1:58

Abeipa ta Elizabe chô liata zawngiahna rônah ngaitapa a palâsa haw tahpa a opazy nata a chiheihzy ta ama thei nahta, a lykhei ngaita ei ta.

RAWMA 12:15

Alypazy a lykhei u la, achapazy chakhei teh u.

2 KAWRINI 7:10

Khazohpa liata pachârôhna cha, pachha châ nawpa ta rona tlôkhei ta, angiapachhina y vei. Khizaw pachârôhna deikua cha, thina a tlôkhei tyh.

ZÂMIE 4:9

Pachârôhpa ta y u la, mâchhiesa u la, cha teh u. Nama pahneina cha mâchhiesana lâta a lie sala, namâ lyna chhao hnabeidyna lâta a lie mawh sy.